ملازم ملازم ملازم ملازم ملازم ملازم ملازم ملازم

ملازم بدون تفكير

(( ما خاب من استخار ولا ندم من استشار ))

(( شاور الناس تشاركهم في عقولهم ))

والله انا بقولك على حسب يعني :

إذا كان العمر صغير يعني من 22 إلى 24 اقول ادخل الأمن الدبلوماسي
(( في هذا العمر وخاصه في هذا القطاع احتمال كبير توصل ملازم ونت ابو 38 سنه و شوف كم باقي و تتقاعد عالاقل رائد ؛ مقدم ؛ شي كذا ))

إذا كان عمرك قريب الثلاثين روح للكليه و الله يوفقك عالاقل خلي باقي العمر مهايط فا خليان ههههههه

( ما يبيلها تعليق )

إذا بتفكر فالمميزات الأمن العام افضل اقل شي اقل شي تقدر تكون قريب من اهلك .
الامن الدبلوماسي رواتب حلوه الجندي حاف يستلم 7000 الآف ريال صافي ، الملازم في القوات المسلحه من سته إلى ثمانيه بالكثير ، فما بالك في و كيل رقيب لا وبعد في الامن الدبلوماسي 14000 ألف ريال مضمونه .

تحياتي

المشكلة الامن الدبلوماسي سلمت اوراقي وقالو نتصل عليك واكليات العسكرية بقدم بالتقديم الجاي بالصيف

ملازم افضل لك ولو تكون في البحريه او الدفاع الجوي احسن من الجيش

مايبي لها ملازم وحتى ولو راتبه قليل مو مثل ظباط القطاعات الأخرى لكن ملازم واناخوك مايبي لها كلام

إذا تبي تفكر في حياتك اللحين
فالأفضل الأمن الدبلوماسي وكيل رقيب
لأن الراتب حيكون أعلى من راتب الملازم بالقوات المسلحة
لو نفكر بالكتابه
رح نقول
تقريباً راتب وكيل رقيب بالأمن الدبلوماسي = قرابة 9000 وكسور
راتب الملازم بالقوات المسلحة بيقارب = 8000 وكسور
لكن بسلم الرواتب إذا تقاعدت بعدين
رح يكون الأفضل لك الظابط
لأنك لو تقاعدت على رئيس رقباء بالأمن الدبلوماسي
حيكون يصفى لك على 8000 تقريباً
لكن لو انك ظابط متقاعد
حيكون راتب التقاعد أقل مايكون 14000
وانت شوف الفرق

في ترقية صف الظباط
العلاوة توصل لـ300 ريال

لكن بالظباط
توصل لـ1000 ريال

العلاوة السنوية
للفرد من 100إلى 350 أعتقد

بعكس الظباط
من 350 وانت طالع

في النهاية
إللي تظمنها أول
ومقبول نهائي فيها
ادخلها
ولاتتردد
عسى الله يوفقك

ههههههههههههههههههههه

انت بتقدم بالصيف بالكليات يالله المستعان

اول شي ان كانك توك ثانوي وماتخرجت بتشووف الويل الا اذا معك واسطه لواء وما فووق

اما لو انك متخرج من كم سنه فراااحت عليك لو واسطتك فريق اول

لان الكليات ماتقبل الا خريجي السنه

والملازم لو انه يحطوونك ضابط انتحاري ادخلها من جدك انت

وكيل رقيب بالامن العام يكرفوونك كرف الويل

خالي رقيب اول بالامن العام ووالله انه مكرووووف كررف الحمير

وعمي ملازم اول بالجيش ومرتاح بس يعيبه انه بالتنقلات من ديره لديره

على العمووم انت اظمن اي شي وتوكل على الله وكيل رقيب بالامن العام جندي حرس وطني

اهم شي تتوظف وتتوفق وتعرس وتكون حياتك

واعذرني على الاطاله

والله مايبغاله اي كلام ملازم مرتاح وعلى مكتب وكلن يدق لك تحية
الله على الهيبة طيب وشهاداتك ؟؟ ابي استسفسر