السلام عليكم
عندي استفسارر بخصوص جامعه اليمامه
اي احد فيكم اختبر اختبار تحديد المستوى يفيدنا
كيف طريقته ؟
هل هو شرط من شروط القبوول ولا لتحديد المستوى فقط ؟
ياليت اللي عنده اي معلومه يقوولها

[align=center]انتظرر رددكم[/align]

[align=center]انا اختبرت قبل اربع سنوات وكان لتحديد المستوى فقط...بالتوفيق اختي
[/align]

السلام عليكم ورحمة الله وبركاته

انا طالب حاليا بجامعة اليمامة

اختبار تحديد المستوى لقبول الطلاب كالتالي :

قسمين .. القسم الاول رايتنق ( كتابة ) والثاني كومنكيشن ( اتصال وتواصل )

القسم الاول : اختبار تحريري على ورق فيه جزء كتابة براقراف وجزء استماع وحل اسئله وجزء قطعه واساله وجزء قرامر وتصحيح ..

القسم الثاني : اختبار مقابله شفهي تدخلين مكتب ويقعد معاك اثنين اجانب يرحبون فيك وتسولفين وياهم ويعطونك صور على ورق ويقولون اختاري صورة واشرحي وتكلمي عنها ... انا اخترت صورة جمهور كرة قدم فيهم بنت تصاايح

الاختبار هذا حق قبول الطلاب .. واللي يعمله " مركز انترلنك السعودية " وهو المركز اللي يدرس اللغة الانجليزية لطلاب الجامعة ...

الاختبار طويل وقته

واي استفسار عن الجامعة انا حاضر لك ولكل اخواني

دعواتك لي ولوالديي

نسيت اقول لك المغزى من الاختبار ..

جامعة اليمامة مو مثل جامعات المملكة .. لديهم تركيز مب طبيعي على اللغة

حتى تكون طالب في الجامعة وحتى تدرس تخصصك الذي تريده يجب ان يكون مستواك باللغة ممتاز جدا ..

لذلك اول ماتسجل عندهم يعملون لك اختبار تحديد مستوى .. من هذا الاختبار يحددون مستواك ثم من خلال مستواك يتبين لك كم يبي لك سنة او شهر حتى تخلص وتنهي اللغة ثم تبدا بالتخصص ..

على سبيل المثال انا :

سجلت وسويت تحديد مستوى واخذت كالتالي :
المستوى الثاني اتصال
المستوى الثالث كتابة وقراءة

قالوا لي لازم تخلص ثمان مستويات ثم تدخل بالتخصص حقك ..

طيب ياناس على كذا كم يبي شهر واوصل للمستوى الثامن حقكم ؟

قالوا كل ترم دراسي فيه 2 مستوى يعني كل سنة تخلص 4 مستويات :)

وبالفعل اخذت سنة ونصف وانا ادرس انجليزي بس .. ووصلت للمستوى السابع وطلبت انزل مواد وسمحوا لي بتنزيل مواد التخصص وبدات بالتخصص ..

اشياء هامة :

لو وصلتي مستوى 5 اتصال ومستوى 7 قراءة وكتابة .. تقدرين تنزلين مواد تخصص عادي :)

اهم شي الريدنق والرايتنق اللي هي الكتابة والقراءة ..

طبعا مررره روعه تدريسهم وقوووي جدا

انا كذا مره اكلت حرمان وحذفت ترم :( .. صراحة مب حقين لعب ابد !

لغتي كانت تفشل بالفعل ولا اعرف شي .. والان بفضل الله ثم بجهدهم وجهدي اصبحت رائعه

بالتوفيق لك

الاختبار لتحديد مستواك فقط .. وليس شرط للقبول ..

الشرط هو المستوى السابع على الاقل حتى تبدا بمواد التخصص لان مواد التخصص والدراسة كلها انجليزي فكيف تبي تدرس تخصصك وانت مامعك انجليزي ؟؟

وبس .. هههههههههههههههه احس مرره دخلت بالتفاصيل ..

يسلموووووووو يعطيكم الف عافيه
ويااضحكت عيووونك وفيت وكفيت بقفل الموضوع خلاص ههههههههه
الله يووفقك ويخليلك والديك ويطوول بعمرهم

اخي ضحكات عيونه
اتمنى اعطائي فكره عن دراسة الماجستير في الجامعه
انا ارغب باكمال الماستر وابي نبذه عن طريقة الدراسه وصعوبتها

وبالنسبة للغه الانجليزيه في الماستر هل يتطلب الامر لغه ممتازه ام متوسطه