السلام عليكم ورحمة الله وبركاته

شخباركم عساكم بخير

ابي نصيحتكم لي وانا الصراحه محتار شوي في هالموضوع وكل شوي اذا جيت احط هالموضوع

اتردد في طرحه الموضوع وما فيه كالتالي :

[bor=333333]
انا توي متخرج من الثانويه ونسبتي حلوه الحمدالله 86.24 وممنوع من الدراسه نهائيا

قبل كم شهر قبلوني تقنيه الرياض وابوي رفض اني اعطيهم اوراقي

وقبلوني ايضا الخطوط الجويه العربيه السعوديه قسم مركبات وايضا رفض
[/bor][bor=333333]

انا ودي اكمل دراستي وعندي طموح اخذ دبلوم ولا ماجستير على الاقل

لكن اهلي يقولون قبلك كملو اللي هم جامعيين وغيرهم مالقو وظائف وش الفايده يوم تكمل واخر

شئ تصير مثلهم يروح عمرك على الدراسه

وعماني وخوالي نصهم يقولون كمل دراستك ونصهم يقولون لا

المهم ابوي رافض تماما اني اكمل دراستي وانا ودي وحاولت فيه وعلطول يشب نار فيني

يقولي اسمعني قدم على شركات مؤسسات بنوك وكليات عسكريه
[/bor]
شوفو على كم وحده قدمت ومسكوني الباب

[bor=66FF33]
اولا: شركه بنده .................... مسكوني الباب

ثانيا: شركه المراعي .................. مسكوني الباب

ثالثا: شركه كارفور ...................... مسكوني الباب

رابعا: شركه زين ......................... مسكوني الباب

خامسا: شركه الاتصالات ................ مسكوني الباب

سادسا: شركه موبايلي ............. مسكوني الباب

تدرون ليش مسكوني الباب بسبب ماعندي خبره اقل من سنتين قلتلهم طيب وظفوني لكي اقدر

احصل على خبره رد المدير علي قالي عند غيرنا تقدر تحصل عندهم
[/bor]
.................................................. .................................................. ..........

[gdwl] [/gdwl][gdwl][/gdwl][gdwl]
قدمت على سلاح الاشاره بالقطاع الغربي قبول مبدئيا .......... مسكوني الباب

قدمت على الامن العام مسكوني الباب عذر .......لم يتم قبولك
[/gdwl]
[bor=0000FF]
كلمت الوالد وهو عصبي علطول

قلتله قدمت وكلهم يبون خبره والعسكريه يبون طول قالي لا العسكريه نقصو الطول قلتله نقصو

بس مو مره اقل شئ 165 قالي لا نقصوه بعد المهم بعد اخذ بيني وبينه قالي مالك الا العسكريه

راضي ولا منت راضي وكمان اخواني نفس كلام ابوي يعني مافي امل لكن وصلت لطريق مسدود

الى الان
[/bor]
.................................................. ..............................................

[bor=FF0000]
علما ان طولي 150 من ثالث متوسط والعسكريه لا يمكن تقبلني ابدا

ابي رايكم يعني لو احد متوظف في شركه يقدر يسوي لي شئ زين ما يقدر الله يستر علينا وعليكم

الى الان تشتت فكري مابدري وش اسوي
[/bor]

اولا: شركه بنده .................... مسكوني الباب

ثانيا: شركه المراعي .................. مسكوني الباب

ثالثا: شركه كارفور ...................... مسكوني الباب

رابعا: شركه زين ......................... مسكوني الباب

خامسا: شركه الاتصالات ................ مسكوني الباب

سادسا: شركه موبايلي ............. مسكوني الباب

تدرون ليش مسكوني الباب بسبب ماعندي خبره اقل من سنتين قلتلهم طيب وظفوني لكي اقدر

احصل على خبره رد المدير علي قالي عند غيرنا تقدر تحصل عندهم
^^^^^^^^^^^^^^^^
هههههههههههههههه الله يعينك بس كان دخلت والله افلح لك
من الطيحه بالبيت وربي تستفيد احسن من لآشي
بالتوفيق,,,

شفلك الحرس الوطني الدفاع الجوي

الشكوى لله

أكبر غلط ولي الامر يتحكم في مستقبل عيالة ويحدد لهم طريقهم

انت حاول تشرح له انك انت راح تتوظف في مكان يناسبك وتداوم فيه يوميا اما ابوك طال عمرة
جالس في البيت لوكان بيداوم عنك خله يختار الوظيفة

وثانياً هذا ميولك ولكل شخص ميول

ممكن اخوك مايكون طموحة مثلك بمعنى ان حتى الاخوان كل واحد له ميول وظيفي

ماتقدر تجبرني يا بوي على وظيفة ماتناسبني لانها مصدر رزقي وراحة بالي طول العمر

الله يجزاك خير استخير وحاول تتفاهم مع ابوك بالتي هي احسن لان رضى الله من رضى الوالدين

الله يكون بعونك ويكتب لك الخير والصالح

الله يكووون بعوووونك ..

انا بشركه بنــده (( هايبر بنده )) سلام مول ..

والله طااالبين ناااس كثير مع لاتنسى الشركات تفكر لبعيد مثل ادارتنا تفكر الا شهر رمضان بتجي زحمه بالسوق اكثر من زحمه ربوع وخميس دبل الدبلات ..

تحيااااتي

اخوي تبي الصراحه طووولك ما يئهلك انك تدخل عسكريه

حاول انك تاخذ دوره حاسب الي وقدم على الوظائف المدنيه

بيكون لك الافضليه في القبول

موفق خير