السلام عليكم جميعا..

الله يوفق اللي بيرد علي يارب ويعطيني
اجابه وافيه كافية...وله اطلق تقييم..

\

انا مقدم على مكافحة المخدرات واﻷمن العام...
الى هنا كووويس

خلصت اوراق المخدرات وانتظر القبول النهائي
وبخلص اوراق الامن العام ان شاءالله وبنتظر القبول النهائي..
.
المشكلة انه كل الاثنين يبغون الشهادة اﻷصل..بعد ماخلص اوراقي..!
انا ودي اعطيها الجهه اللي ضامن فيها القبول النهائي..
ماودي أعطي مثلا الامن العام والقبول النهائي يجيني بالمخدرات.؟
وبعدين أتورط كيف أخذ الاصل من الامن العام...
والله أحترت ياجماعه..
وكيف بسلم اوراقي بدون شهادتي اﻷصل..لازم اعطيها أحد اﻷثنين

علما بأن تسليم الاوراق بالامن العام قبل المخدرات بأسبوع..؟
وهل التسليم يعني القبول النهائي..؟

والله احترت...ساعدوني الله يوفقكم

دامك خلصت اوراقك في المخدرات اكيد راح يطلبون الشهاده الاصل قبل الامن العام لان الامن العام توهم مبلشين

مقابلات والمخدرات انت تقول تنتظر القبول النهائي يعني اكيد راح يبين وضعك في المخدرات قبل الامن العام واذا

ماطلع لك شي في المخدرات تقدر تاخذ شهادتك وتقدمها بـ الامن العام

والله اللي تشوف انك تظمنها عطهم شهادتك بصراحه صعيبه بس عندي فكره مدري تجي او لا لو رحت للمدرسه وطلبتهم شهاده ثانيه على ان شهادتك ضايعه وكذا تحط وحده هنا وحده هناك مدري هل يعطونك او لا خاطري اساعدك بس احترت نفسك الله يوفقك

بالتوفيق

دبلوم ادارة + خفوقي
ربي يسعدكم ويوفقكم دنا وآخرة
\
والله فكرة خفوقي فيها تلاعب بالنظام وكل شهادة تطلع يكتب فيها العدد
وهذي مشكلة لو طاحو فيني..
\
\
طيب ودي تقولون لي...هل لاقالوآ سلموآ اوراقكم يعني قبلونا خلاص.؟
عشان اسلمهم وانا مطمئن...مو آخر شي يفوتني الموعد الثاني وللحين ماطلعت نتائج
الموعد اﻷول..؟!
وهل اذا سلمتهم الاوراق يعلموني النتيجه النهائية ع طول والا فيه وقت بعد ومراجعه بعدين.؟

اخوي كل قطاع له نظامه واكثرهم تسلم اوراقك ويقولك انتظر اتصال او نتيجه عن طريق الموقع او الصحف

والقبول النهائي فيه فرز ... ويجي من يفيدك

اتمنى لك التوفيق والوظيفه يااارب

^
وهذا اللي مخليني اتردد
كل الاثنين يبغون الاصل
والامن العام يبغون تسليم الاوراق قبل المخدرات بأسبوع
.
بعرف مين اللي يطلع النتيجه أسرع.؟
عشان يمديني أسحب شهادتي اذا ماقبلني الاول
والحق على موعد التسليم الثاني

انا مثلك ياخووي لكن ترى الشهادة الأصل ماراح ياخذونها يطبقونها على الصور ويرجعونها ماياخذونها