السلام عليكم ورحمة الله وبركاته
بدخل في الموضوع دغررررررررررري يالربع

أنا تعقدت من التقديم ع الوظائف لدرجة أني أصبت بالأحباط، آخر تقديم جامعة الملك سعود

وع إنتظار وأدري أنه أنتظاري بيكون نفس إنتظاري السابق.

المهم أنه فيه رجال عرض علي وظيفة في التعليم العالي بس يقولي بحاول لك ع بند

وهو مايعرف كيف نظام البنود اللي في التعليم العالي، يقولي أستفسر وإذا ناسبك بإذن الله بقدر عليها.

إذا أحد يقدر يفيدني ياليت يتفضل مشكور.

الله يوفقني ويوفقكم جميعاً لما يحب ويرضى.

تحياتي للجميع،،،

؛

؛

والله ياخوك اخوي جامعي وكان يشتغل بجامعه الامام التابعه للتعليم العالي ويستلم 5500 على البند طبعا
بس الثانوي ماادري بس اعتقد ف حدود 3000 والله اعلم وانصحك اشتغل فيها لان فيها اوفر تايم ولاعندهم شغل بالتوفيق

أخوي وش مؤهلك؟ وهل عندك خبرة؟ بالنسبة للبند الأجور يختلف من أ وب وج ود بالتوفيق

شف بند مستخدمين اي شي توظف اي شي لاترفض شي ازين من جلسة البيت

السلام عليكم

شكراً للجميع ولكن الوظيفة على ما أعتقد انها ليست بنفس الجامعة، في نفس الوزارة على ما أعتقد والله أعلم.

ياليت أحد يفيدني ومشكووووووووووووورين للمرة الثانية

بسم الله الرحمن الرحيم

تعبر بام شوشه لين تجي المنقوشه

اذا ما عندك شغل ولا بزنس يستاهل والوظيفة عند أهلك استخر الله وتمسسسسسسسك فيها ولا تبطل تقديم على أي وظائف تعلن .
الوظيفة هذي فيه احتمال تترسم عليها ، أيضا راح تكون على نظام التأمينات الاجتماعية وهذا في صالحك بالمستقبل سواء ترسمت أو انتقلت لوظيفة رسمية ، ولا تنسى أنو كل سنة عمل مسجلة بالتأمينات لها قيمتها وكل ثلاث أو أربع سنوات تستحق فيها مرتبة اضافية على شهادتك الأصلية .
الله يسهل امري وامرك .