السلام عليكم

يعطيكم العافيه جداً محتاره وأبي قبل يوم الإربعاء تفيدوني بإي خبره عندكم في المعاهد

ودي أدرس دورة إدخال بيانات ستة شهور في معهد يفيدني بالتدريس ويزيد نقاطي في ديوان الخدمة المدنية ومعتمد منه ومن المؤسسة العامة للتدريب التقني ويكون زيادة خير مع شهادة البكالوريوس

شوفوا أنا أحترت بين ثلاثه وماجيت هنا إلا أبي مشورتكم

وإذا عندكم معهد ثاني تعرفونه وكويس لا بأس يُذكر


نيوهورايزن ب/ 4500 أحس مبالغين في الأسعار

-

والعالمية ب/ 3000 سعره زين بس المشكله أنه بعيد عني ومثل ماتعرفون الحضور اليومي

بس ساعه ونص وأن طال الوقت ساعتين ماتسوى روحة من شرق الرياض لحي الملك فهد

والمواصلات صعبه علي مو على كل حال

-

والأخير المعهد الثقافي اللي على طريق الملك عبدالله هو قريب

لكن مو مقتنعه فيه لأن كثير سبوا تدريسهم ب / 2800

صدق دراستهم مو ذاك الزود ؟!


---

وش رايكم والله محتاره , أبي تصويتكم وش أزين لي من خلال معرفتكم


شاكره لكم .. /

[align=right]نصيحتي لك آبعدي عن نيوهورايزن ,,


معهد مآدي وبسسس,, آعرف كثير دخلوه وندموآ ,,

معهد آلعآلميه فيه فرع بشششرق آلريآض ,, وصآحبتي دخلته وتمدحه ,,

وآلثقآفي سمعت كثير يسسسبون فيه ,,

وفيه معهد آلآرتقآء حلو ,, سسسوي بحث عنه ^^

والله يوفقك حبيبتي ,,[/align]

الله يعطيك يالعافيه ماقصرتي والله , ربي يرزقكِ ماتتمنين ()

العالمية دقيت أمس على فرع تقول مافيه إلا اللي بحي الملك فهد =/

وعليكم السلام ورحمة الله وبركاته ،،،،،،،،

أي معهد معترف فيه من المؤسسة العامة للتدريب التقني والمهني تعتبر شهادته معتمدة بغض النظر عن السعر

سواء درستِ ب 2000 ريال أو 5000 ريال الشهادة هي هي وما تختلف من معهد لمعهد
وهي شهادة تأهيليه يعني ما فيها صعوبة وطريقة الاسئلة موجودة في موقع المؤسسة حتى المعهد راح يعطيكم خلفية عن الأسئلة والاختبار وما هو المطلوب منك في الاختبار
والاختبار راح يكون من المؤسسة ما هو من المعهد
يعني بعد ما تخلصين من الدورة يتم تحديد موعد الاختبار في مقر المؤسسة وإذا اجتزت الاختبار راح ترسل النتيجة للمعهد ويعمل المعهد الشهادة ويرسلها للمؤسسة لاعتماد النتيجة والتدقيق في الشهادة ومن ثم ترسل إلى المعهد
واختبار المؤسسة ما هو صعب يعتبر متوسط وأظن أن دراسة ست أشهر كافية ل برامج ما يكروسوف أوفس

أختي لاتهمك أسماء المعاهد فالبعض يركز على قيمة المبنى وأسعار مرتبات المدرسين والمدربين المرتفعة وهذا كله يأخذونه من جيوب المتدربين المساكين ..
أنا مثلا أخذت دورة في إدخال بيانات ومعالجة نصوص في معهد الرازي طريق الملك عبدالله 1200 ريال وعلى ماظن فيه فرع نسائي ..
على فكرة المعهد يأهلك فقط لدخول الاختبار في المؤسسة العامة لذا لاتركزي على أسماء المعاهد ومبالغهم الباهضة الشكلية , بالتوفيق

اختي نصيحه ادخلي نيوهورايزن صح السعر مبالغ فيه بس تشتري راحه نفسك
وسمعت تدريسهم حلو انا دخلت معهد مشي حالك ولي سنتين اللين الحين ماخذت منهم لا حق ولا باطل
وربي لو ادري اني ادفع 10 الاف بس اخذ ذي الشهاده واخلص نفسي

الله يبارك فيكم , ويرزقكم ماتتمنون , ويفرج همومكم , وييسر أموركم

ماقصرتم والله

واضيف ع كلامهم اذاااا كنتي تبين تعلم عن بعد سمعت عن مركز اسمه

روح الابداع للتدريب وابحثي ع جوجل لان الرابط يحذفونه
اوكيه اتمنى افدتك

يا اخيتي الله يعطيك العافية


انصحك تدشين دورة كامبردج الدولية فيه 6 اشهر و3 اشهر




معترف بها عالميآ وانا توي متخرج من هالدورة ممتازه جدآآآ


المهم معترف بها عالميآ ومعترفه من ديوان الخدمة المدنية ومؤسسة التدريب التقني والمهني.


وبعدبن انا درستها 6 اشهر ب 1600 ريال اقصاد وفيه كاش 1500 مدري ليش انتم اسعاركم مرتفعه


بعدين اذا كان المعهد اسمه انجليزي احسهم يبالغون بسعر مرررررررره مبالغ...


واذا انتي من جدة انصحك بمعهد في حي الجامعة بعد ماتنزلين من كوبري الجامعة

قبل دوار سوق الجامعة بلازا عماره مكتوب عليها معهد الحاسوب ناسي اسمه بس انه للسيدات


واذا انتي خارج جدة اعذريني انا معرفتي مختصرة بجدة.. وشكرآ

انا سجلت بمعهد نيوهورايزن الخليج فرع السويدي
شهادة كامبردج البريطانيه
ب 3500 لمده 3 اشهر تعادل 6 اشهر
والدراسه راح تبدا السبت القادم
ماجربته من قبل بس كثير مدحو لي هالمعهد بالذات ومن ناحيه الاسعار والله غاليه بس وش اسوي هذا الموجود
ومسوين خصم كانت ب 3900 والكاش 3500 عطيتهم وتوكلت على الله

ربي يوفقك وتحصلين المعهد اللي يناسبك ..

دعواتك ..