السلام عليكم ورحمة الله وبركاته
,,, كيف الحال للجميع ان شاء الله طيبين وان شاء الله ربي يحقق لكل واحد فينا رغباتنا للابتعاد عن البطاله ,,,

انا ناوي ادخل في مجال التخليص الجمركي بسبب ان لي علاقات ممكن تفيدني ولكن ماني عارف من وين ابدا :

- اجرائات استخراج رخصه تخليص جمركي
- تحتاج سجل تجاري ؟
- وين اروح من عند مين استفسر
- سمعنا انه لازم ضمان بنكي بقيمه 100.000 ولكن بنك الرياض ممكن يديك هي بـ 30 الف ويتكفل هو بالباقي بشرط المعاملات تكون عن طريقه ؟!

ياليت اي احد من الاخوان عنده اي معلومه لا يبخل علي فيها .

جزاكم الله الف خير

موفق بإذن الله ... لك مني أجمل تحية .

والله ماعندي فكرة عن الموضوع
الله يوفقك

هلا اخوي مملكة الفيصل

السجل التجاري مو مشكلة تطلعه في يوم او يومين وبمبلغ قليل ما يكلف

المشكلة في اختبار لجنة من الجمارك واكيد راح يسالوك عن كل شئ يخص التخليص بالميناء والجمارك

خليني اكلم ولد عمي عنده مكتب تخليص وارد عليك بعد يوم يومين ان شاء الله

- سمعنا انه لازم ضمان بنكي بقيمه 100.000 ولكن بنك الرياض ممكن يديك هي بـ 30 الف ويتكفل هو بالباقي بشرط المعاملات تكون عن طريقه ؟!



كيف يعني المعاملات تكون عن طريقه ؟؟ .. اللي اعرفه التسديد ببنك واحد يكون داخل الميناء مثل ميناء الدمام بنك سامبا موجود بداخل الميناء خاص بتسديد الرسوم ؟

لو كلامك صحيح شئ حلوو بس اشلون تسدد عن طريقهم اذا كان نظام الميناء والجمارك مرتبط ببنك ثاني !

حياك اخوي خاطر

والله رحت انا بنفسي لبنك الرياض وهو يتحمل التامين الخاص فيك ولكن له نسبه سنويه ياخذها منك على حسب ماتعطيه انت

يعني لو 20% من 100.000 هو ياخذ 2.75 منك كل سنه يعني كل 4 سنوات تطلع 9000 وشوي يعني مو مشكله لانه متحمل عنك التامين كامل وكل مازودت المبلغ اللي عطيتهم اياه كل ماقلت نسبتهم وبعد 6 اشهر يحق لك انك تسحب فلوسك كامله

ياليت تسال قريبك وش الطلبات عشان اطلع الرخصه حقت التخليص وشاكر لك والله يرزقنا وياك يارب

التخليص نوعين ( الترانزيت ) نقل بالعبور يعني السعودية ماتفتشة مثلا من البحرين لقطر او الامارات . هذا ضمانة مليووون ريال . الثاني عادي اسمة ( صادر ووارد ) الى يدخل المملكة والي يخرج منها هذا ضمانة 100000ريال . هذا الى اعرفة اخوي شغال فى جسر الملك فهد
وبالتوفيق

صباح الخير
انا كمان رحت لهم بس قالوو لازم 100.000الف واختبار من الجمارك

بس ياليت لو احد يعرف من اختبر بالجمارك يفيدونا ومشكورين

هذه الشروط حسب ماهو موجود بموقع الجمارك كذلك مرفق الرابط للبحث عن تفاصيل اكثر

1- أن يكون من مواطني إحدى دول الخليج بالغا من العمر (21) عاما
2- الحصول على شهادة الثانوية العامة أو ما يعادلها
3- دورة في الأعمال الجمركية . ( الغرفة التجارية )
4- شهادة إدخال بيانات في الحاسب الألي . (معهد تدريب حكومي أو أهلي)
5- شهادة إلمام باللغة الإنجليزية . (معهد تدريب حكومي أو أهلي)
6- أن لا يكون المتقدم موظـــفا حـــــكوميا .
7- أن لا يكون موظفا في احد الجهات المرتبطة بأعمال التخليص .
8- أن لا يزاول تجارة الاستيراد والتصدير .
9- تقديم شــــهادة خـــلو ســـوابق .
10- اجتياز الامتحان التحريري ( في التعريفة الجمركية , مبادئ المحاسبة , مبادئ الإنجليزي , نظام الجمارك الموحد ولائحته التنفيذية ) .
11- تقديم ضمان مصرفي بقيمة (100,000) ريال غير مشروط بإسم مدير عام الجمارك لمدة ثلاث سنوات وستة اشهر (يقدم بعد اجتياز الامتحان) .
12- إرفاق عدد (4) صـــور ملونة مقاس (3x4) + مــلف افرنجي صغير + صورة البطاقة الشخصية .

http://www.customs.gov.sa/CustomsNew/faqs/Faqs.aspx