09-02-2011, 03:20 PM
|
 |
عضو مهم
|
|
تاريخ التسجيل: Feb 2011
الدولة: طيبة الطيبة
المشاركات: 270
معدل تقييم المستوى: 21237
|
|
|
رحلتي لمدينة تدريب الامن العام في المدينة المنورة
بسم الله الرحمن الرحيم
السلام عليكم ورحمة الله وبركاته
كيف حالكم ان شاء الله طيبين،جاي الحين بقولكم وش صار معي اليوم من البداية للنهاية ان شاء الله، اول شي خرجت من البيت على الساعة 6.35 صباحا وركبت السيارة وبسم الله على مدينة التدريب وماشي على رواقة، ووصلت على الساعة 7 واشوف الناس برة اللي لابس لبس رياضي واللي كاشخ وجاي بثوب وشماغ ،المهم جلسنا ننتظر اليين الساعة 7.20 الا يوم قام ينادي عسكري في الشرطة العسكرية رتبته وكيل رقيب اسمه يحيى السفياني،هذا اخونا في الله لو شافك مطلع الجوال ياويلك، نرجع لسالفتنا قام نادى عند البوابة الرئيسية وصفنا صف كل واحد يطلع استمارة القبول اللي طبعها عشان يدخل واللي ماطبع يقول له روح اطبع وتعال واللي مولابس لبس رياضة كمان مايدخل،دخلنا مع البوابة وصفنا جوا ستة طوابير واخذنا قدام صالة في الحوش وقام يحضرنا وكل واحد يسمع اسمه يقول حاضر،المهم قام وزعنا بالنسب اول شي اللي نسبهم تسعين وفوق وهذولا مايجون 30 شخص،وبعدين اللي 80 وفوق،وبعدين اللي 70 و60 وفوق، ودخل حقين التسعين جوا الصالة وحنا نستنى ندخل،وقام نادى حقين الثمانين،ودخلنا ووزعونا على قاعات دراسية،جلسنا أبو ساعة جوا القاعات وجانا الطفش،وبعد ساعة جاء واحد رتبته رائد اسمه عبدالرحمن الحازمي رجل في قمة الاخلاق قام رحب فينا وقال حنا ودنا نقبلكم كلكم لكن انتو عارفين اهم شي الطول وعشان نختصر الوقت تعالو كلكم وراي ،وجينا وراه ودخلنا من تحت حديد كأنه برواز كبير،اللي يخش من تحت الحديد وراسه مايحك فيها يطلع برى مهما كانت نسبته(هذا كلام للناس اللي يقولون اهم شي النسبة) اهم شي عندهم الطول ،المهم طردوا ناس كثيييير واللي بقوا يجيلهم 100 طالب بس،ورجعونا القاعات بعد اختبار الطول،ثم قامو نادوا علينا ودخلونا غرفة قياس الطول والوزن وهناك يدونك الموعد القادم،وبعدها يحولونك على مكتب الرائد عبدالرحمن يوقع لك على الاوراق،وبعدها يحولك الرائد على الحاسب الالي ياخذون صورة الشهادة وصورة حسن السيرة والسلوك ويطابق البيانات ويديك ملف طلب الالتحاق وياخذ منك الملف الاخضر ويديك استمارة مراجعة واستمارة الفحص الطبي ويديك ورقة فيها كل اللي يبونه منك،ويقولون لك جيب معاك رقم حساب بنكي في موعدك الجاي ويكون باسمك ويقولون لك مع السلامة.
ملاحضات: اشياء طلبوها مننا ومهي مكتوبة في الوقع بس الحمد لله جبتها معاي احتياط وهي:
1-صورة من بطاقة العائلة.
2-صورة من الرخصة .
ختاما أتمنى أني افدتكم،وأي احد عنده استفسار انا حاضر ودعواتكم لي بالتوفيق لأني في حاجة مايعلمها الا الله سبحانه وتعالى،والسلام عليكم ورحمة الله وبركاته.
|
العرض العادي
