بغيت أنبهك بداية إلى أن أهم مافي تجارة التجزئة هو: اختيار المكان المناسب..
وهذا بدوره ينقسم إلى قسمين:
- المكان المناسب للمحل، بأن يكون على شارع معروف وهام و موقع المحل واضح وفي نفس الوقت توفر العدد الكافي من المواقف " ويفضل أن يكون المحل على زاوية ".
- المكان المناسب للبضاعة، وأعني به ترتيبها بالشكل المناسب وبالطريقة التي تناسب سلوك المستهلك وطريقة شراؤه " وممكن تكون تابعة لأكثر البضائع طلباً في محافظتكم".

- احرص على المهرجانات والتخفيضات في بداية الإفتتاح، وحط إعلانات و سكاي دانسرز .
- بالنسبة لموضوع التسعير، لو أنت قريب من الرياض أو جدة شوف محلات أبو ريالين، ماعاد يبيعون شيء بريالين إلا ما ندر..! هذا شيء، الشيء الثاني ترا الناس مصيرهم يدورون على الجودة لأن مب كل شيء يصلح فيه السعر المنخفض مع الجودة المتدنية " الأواني المنزلية مثلاً". عشان تطلع من هالإحراج خل محلك اسمه: محل التاجر للكماليات " من ريال > لو تبي..! إلى 50 ريال وبكذا ماتجيب شيء غالي وفي نفس الوقت أنت مافقدت مصداقيتك لأن أغلب البضائع في هالمحلات تتراوح بين السعرين السابقين فأنت أي شيء فوق الخمسين لا تجيبه نهائي.. وبالتالي أرضيت أغلب زباينك مع محافظتك على أسعارك منطقية...!
- نقطة أخيرة، المحل بالنهاية أنت أدرى وش يناسبه من موقع لأنك أنت أدرى بمحافظتك.

سبحان الله كنت اتناقش انا واحد قرابتي بمحل ابو ريال بصراحة لما قرات ردود الاخوان واخص العضو مهند تغيرت نظرتي

على كلا لو يكون اسم المحل ابو خمسة الرياض افضل تنزل بشيء وترفع بشيء

سؤالي : من اين نجيب البضاعة ؟

اخوي الله يوفقك بس حبيت انصحك بما ان الحريم ياخذون كل شي
اكتب اسم المحل يارخيص او يابلاش ولا تحدد السعر واكتب تحته من ريالين اللي مثلا 20 ريال علشان ماتكون فقدت مصداقيتك وتراء البنغاله مسوويين محلات بريالين ويبيعون اشياء ب200 ريال زي التحف واكسسوارات البيت الحريم مايخلون شي الا يشتروه اهم شي السعر
بيع كل شي بالذات الاكسسوارات واللعاب الاطفال واغراض المطبخ يعني من كله
ربــي يوفقك

تاابعوا مراقب عن بعد ، حلوه المواضيع هذي تنبه الواحد وتنوره
موفق بإذن الله ... لك مني أجمل تحية .

بالمناسبة أخوي..

سألت خويي وقال:
- كثر من الإكسسورات النسائية لأنها تمشي بسرعة >> درزنين عالقليل.
- تقسيم المحل يكون تبعاً للوضع الإقتصادي العام في منطقتك، وعلى حسب البضائع الأكثر طلباً هناك، ومافي مشكلة لو تجيب بعض الأشياء اللي تكون طلب خاص عندكم في المنطقة، حتى لو اضطريت تحشر المحل بالبضاعة لتلبية رغبات الزبائن>>مع إني شخصياً لا أؤيد الخيار الأخير.
- تجيب البضاعة الجيدة عن طريق: مندوبي المشتريات الخاصين بك، ذهابك لسوق الجملة وسؤالك للتجار هناك عن المطلوب الأيام هذه، شعورك الشخصي بالموضة أو الدارج الأيام هذي.
- بيمر عليك مندوبي مبيعاتـ، اشتر منهم بعد مفاصلتهم مهما كان سعرهم، ولا تشتري في البداية إلا المضمون تسويقه.
- أشوفك شايل هم الموقع بشكل كبير، صدقني لو تميزت ببضاعتك و الأهم تعاملك مع الزباين بيجونك وين ماكنت، بس أنت يبيلك دعاية في البداية وشوية خساير وبتعوض في النهاية، المهم لا تأيس.

بالتوفيق... ودعواتك لنا