استشــارة لموقــع محــل ابو رياليـــن !!

تاااجر جااامعي · #1 (**permalink**) 09-02-2011, 10:39 PM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

اخــواني مراقبي منتدى حلول البطالة الافاضل , لكــم كل الشكــر على ما تقدمونــه من استشارات ونصائح وفوائد لاعضاء وزوار منتداكم , لكــم كل الشكــر , وأيضا الاخــوة اعضاء المنتدى الناصحين . . .
انا نااوي افتحــ محــــل ابو رياليـن , ولكــن عندي مشكلــة في اختيار الموقــع !

يوجد مكاان وااحد تقريبا في محافظتنا , لاماكن تواجد المحلات النسائية , وتجمعهم , وفي هذا المكان يوجد محل ابو ريالين نااجح جدا - عسى الله يوفقه ويزيده
وللأسف مالقيت محل فااضي استأجر فيــه ,

1- الا محل يبعــد عنهــم حول 800 متر , ويفصل بينهــم محلات اجهزة كهربائية مكاتب مطاعم , وهو في الاخير لوحده , وليس عنده اي محل نسائي , ولكن طبعا اي واحد يمشي من هالمحلات لابد يمر من جنب هالمحل , لأن مافي ريتير - تدويره - الا من عنده
(( المحــل من حيث شكله يعتبر جيد جدا والعمارة شكلها جيد جداً ))

2- لقيــت محل في وسط البلد , وبعيد عن هالمحلات النسائية , ويبعد حول 400 متر عن الشارع اللي يعتبر رئيسي , وهو تقريبا في قلب البلــــد , وهي عمار ة شكلها حلو , وفيها حول 5 محلات جديدة لم تستأجر , وامامهم مواقف كبيرة والعمارة تشوفها من الشارع الرئيسي , واجارها حول 14000 ريال والثااني حول 17000
(( المحل من حيث شكله ممتاز جدا , والعمارة شكلها مرره حلوو ))
...
3- وبعدهم بااخر الشارع فيه مشاغل وبعدهم بكم عمارة يوجد عمارة فيها كم محل واجارها 12000 والمشكلة مافي ولا محل , كلها مقفلة , لأنها جديدة ,
((المحل شكله ممتاز , والعمارة شكلها ممتاز ))

4- يوجد محل في وسط الشارع الرئيسي , وقلب البلد وهي محلات جنب بعضها , كثير , ولكن كلها مافيها محلات نسائية الا واحد تقريبا ويعتبر نااجح , والمحل مدخله صغير ومن الداخل كبير , واجاره 14000ريال ,
(( المحل شكله جيد , والعمارة شكلها جيد ))
شوركــــــــــم . . .

اخــوانــي نااوي ابيع كل شي برياالين , واللي ما يجيي بريالين ما راح اجيبه في المحــل !!
وش راايكــم

مهند بافهد · #2 (**permalink**) 09-02-2011, 10:43 PM

أشور عليك بالرابع...

بالتوفيق..

تاااجر جااامعي · #3 (**permalink**) 09-02-2011, 10:52 PM

اقتباس:

المشاركة الأصلية كتبت بواسطة مهند بافهد

أشور عليك بالرابع...

بالتوفيق..

اشكـــرك اخــوي مهنــد بافهــد , واسأل الله العظيــم رب العرش العظيــم ان يوفقكــ لما تحــب وترضــى , وان يكتب لك الخيــر حيث كاان ,, اسمــك يذكرنـــي بشخـص عزيـــز على قلبـــي . . .

اخوي ممكــن اعرف لماذا اخترت المحــل الرابــع !!

مباشر وبس · #4 (**permalink**) 09-02-2011, 11:27 PM

اخوي افتح في اي مكان بس بشرط يكون فيه زحمة

مهند بافهد · #5 (**permalink**) 10-02-2011, 12:02 AM

اقتباس:

المشاركة الأصلية كتبت بواسطة تاااجر جااامعي

اشكـــرك اخــوي مهنــد بافهــد , واسأل الله العظيــم رب العرش العظيــم ان يوفقكــ لما تحــب وترضــى , وان يكتب لك الخيــر حيث كاان ,, اسمــك يذكرنـــي بشخـص عزيـــز على قلبـــي . . .

اخوي ممكــن اعرف لماذا اخترت المحــل الرابــع !!

الله يجزاك خير ويبارك لك فيما أعطاك..

- لأن المحل بوسط البلد وهذه ميزة تحسب لصالح محلك.
- محلات أبو ريالين مايشترط أن تكون بجانب محلات النساء، لأنها مطلوبة من كل الفئات، هذا من جهة، من جهة ثانية مادمت تتكلم عن وسط البلد فمعناه المتسوقين " وبالتأكيد من بينهم نساء " راح يمرون من هالشارع.
- شوف محلات أبو ريالين في الرياض مثلاً، تلقاها في كل مكان ولا يشترط تكون بجنب محلات معينة.
- ضروري تنتبه لنقطتين معينتين: المواقف، والمساحة الكبيرة للمحل من داخل.
- ما أنصحك تبيع كل شيء بريالين لأنك بتضطر تدخل بعض الأشياء اللي سعرها فوق شوي واللي بتكون مطلوبة من مختلف الناس.
- في محلات التجزئة والخدمات المهم هو: الموقع ثم الموقع ثم الموقع..! لان الموقع عامل كبير في رفع العوائد أو تخفيضها.

ملاحظة: خويي عنده محلات أبو ريالين وما شاء الله شغلهم حلو...
اسألني اللي تبي وأنا بسأله وبرد عليك - بحول الله - قريب..

إلا على فكرة أنت بأي مدينة؟!

اسيروحدتي · #6 (**permalink**) 10-02-2011, 12:20 AM

بالتوفيق يالغالي

تاااجر جااامعي · #7 (**permalink**) 10-02-2011, 12:40 AM

اقتباس:

المشاركة الأصلية كتبت بواسطة مهند بافهد

الله يجزاك خير ويبارك لك فيما أعطاك..

- لأن المحل بوسط البلد وهذه ميزة تحسب لصالح محلك.
- محلات أبو ريالين مايشترط أن تكون بجانب محلات النساء، لأنها مطلوبة من كل الفئات، هذا من جهة، من جهة ثانية مادمت تتكلم عن وسط البلد فمعناه المتسوقين " وبالتأكيد من بينهم نساء " راح يمرون من هالشارع.
- شوف محلات أبو ريالين في الرياض مثلاً، تلقاها في كل مكان ولا يشترط تكون بجنب محلات معينة.
- ضروري تنتبه لنقطتين معينتين: المواقف، والمساحة الكبيرة للمحل من داخل.
- ما أنصحك تبيع كل شيء بريالين لأنك بتضطر تدخل بعض الأشياء اللي سعرها فوق شوي واللي بتكون مطلوبة من مختلف الناس.
- في محلات التجزئة والخدمات المهم هو: الموقع ثم الموقع ثم الموقع..! لان الموقع عامل كبير في رفع العوائد أو تخفيضها.

ملاحظة: خويي عنده محلات أبو ريالين وما شاء الله شغلهم حلو...
اسألني اللي تبي وأنا بسأله وبرد عليك - بحول الله - قريب..

إلا على فكرة أنت بأي مدينة؟!

آآآميــــــن يااارب العالميــــن , ويااااك إن شاءاللـــه

واشكرك كل الشكر , على نصايحــك , ومانستغنـــي عن خبراتكــم

والموقع وااااسع من الداخــل ,ومن ناحية المواقف فيه امام المحل مسااحة مااهيب بطاالة لمواقف السيارات , وبعد في الشاارع المقاابل في مساااااااااحة كبيرة لموااقف السيارات . . .

اما من نااحية اني بوحــد سعر البضاعة على رياالين , ومارااح زيد عليهاا , اخااف افقد مصداقيتي قدام الزباائن , لأني ناوي اكتب على اللوحة محل ابو رياالين , وما ادري وش راايك انـــت . . .

انا مريــت على احســن محل ابو ريالين في محافظتنــا , ومحلــه ما تقدر تمشي فيه من الزبااين , عسى الله يزيده من وااسع فضلــه , ويباارك لــه , ولقيت عنده اشيااء كثيرة وتقريبا نص المحل بأكثر من ريااليـــن . . .

الاخـــوان اتمنــى اللي عنــدة اي نصيحة او فاائدة , لا يبخــل علينـــا

تاااجر جااامعي · #8 (**permalink**) 10-02-2011, 12:45 AM

اقتباس:

المشاركة الأصلية كتبت بواسطة اسيروحدتي

بالتوفيق يالغالي

آآميــــن , الله يوفقك اخوي

الوافي، · #9 (**permalink**) 10-02-2011, 12:46 AM

انا اكثر شي ملت له لاول اثنين بس ملت للثاني اكثر

اول شي العماره والمحل موقعها وشكلها ممتازه على حسب كلامك

وثاني شي المواقف مهمه جدآ خصوصا وسط البلد دآئم زحمه ونادر ما تحصل مواقف كبيره

وفي الاخير اجارررها بـ 14الف مناسب خصوصا لو قارنتها بالمحل الاول

وبالتوفيق لك في مشروعك وبآذن الله يكون فاتحه خير لك

تاااجر جااامعي · #10 (**permalink**) 10-02-2011, 02:10 AM

اقتباس:

المشاركة الأصلية كتبت بواسطة الوافي،

انا اكثر شي ملت له لاول اثنين بس ملت للثاني اكثر

اول شي العماره والمحل موقعها وشكلها ممتازه على حسب كلامك

وثاني شي المواقف مهمه جدآ خصوصا وسط البلد دآئم زحمه ونادر ما تحصل مواقف كبيره

وفي الاخير اجارررها بـ 14الف مناسب خصوصا لو قارنتها بالمحل الاول

وبالتوفيق لك في مشروعك وبآذن الله يكون فاتحه خير لك

بالاول جزااك الله خير على ردوودك , ونصاايحكــ , ولك كل الشكــر والتقدير , واسأل الله العظيم رب العرش العظيم انه يوفقك لما يحب ويرضى ,

المحل الأول مشكلتــه بعيـد شوي عن الســـوق , وجااالس بلحااله هنااااااااااااااااااك ,
المحل الثااني بصرااحة حااط عيني عليه من اول , وعااجبني شكله , والمسااحة الكبيرة اللي امام المحــل , ولكن مافي محلات على نفس الشاارع , الا هالكم محل ومو مستأجرة ,

استشــارة لموقــع محــل ابو رياليـــن !!

قسم مشاريع وأفكار

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اخــواني مراقبي منتدى حلول...

استشــارة لموقــع محــل ابو رياليـــن !!

تسجيل الدخول

استشــارة لموقــع محــل ابو رياليـــن !!

قسم مشاريع وأفكار

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اخــواني مراقبي منتدى حلول...

استشــارة لموقــع محــل ابو رياليـــن !!