السلام عليكم ورحمة الله وبركاته

تحية طيبه أهديها لجميع مشرفين وأعضاء هذا المنتدى ....

أعتذر لكثرة انقطاعي عنكم والكل يعرف ظروف الحياة ومشاغلها والله يجنبا مصائبها ....

وأنا اتصفح المنتدى قرأت مقال للأخ فيصل 2035 وفيه يريد أنا يعرف عن مقابلة البنك الأهلي

التجاري لكن المهم في مقابلات البنوك تقريبا بصفه عامه معرفة نفسية المتقدم ومدى مرونته

وراح اضرب أمثله :-

س/ لماذا أخترت البنك الاهلي ؟

ج/بعضهم للأسف الشديد يجيب لم أجد غيره يقبلني وهذا خطا ... الأجابه المنطقيه / سمعة البنك

واهتمامه بكبرى المشاريع في البلد وأن مستقبله ممتاز بحيث يضمن للفرد حياة جدا مستقرة

(وبعدين يحبون من يجيد فن التعبير وانتقاء الكلمات.... وهكذا )....؟

طبعا بحكم خبرتي وعملي في البنك الأهلي طبعا أقابل وأعرف بعض من موظفين المقابلات

الشخصية ويصير بيننا حوار وهكذا يقول لي أحدهم أن أكثر الأسئلة التي يتعثر فيها المتقدمين

طبعا راح أذكر السؤال وأتمنى الأنتباه :

س/ هل تقبل أن تعمل مثلا في الجوف أو الخرخير أو صبيا ( يشوفون طبعا منطقه بعيده عن

منطقتك المقيم فيها ومنها يعرفون مدى حبك للعمل ).....؟

ج/ تجيب فقط ( راح أعمل في أي مكان تضعوني فيه)... وكثر الله خيرك بس هذي الأجابه...

س/ راح يقول لك العمل عندنا مرهق ومتعب جدا .. هل تستطيع التحمل ؟

ج/ أعلم ذلك وأنا مستعد وأملك روح التحدي ( وهاتك تعبير ....) ....

وأرجو الأنتباه راح يقوم الموظف المختص بالمقابلة بأستفزازك ربما أكثر من مرة سواء

بالكلام أو يجلس يسولف في الجوال وغيرها .. أنتبه لاتبدي له أنك أنزعجت وخلي الأبتسامه

على وجهك ....

عموما أنا قلت اللي أعرفه وأرجو منكم ألأنتباه جدا للنقاط اللي ذكرتها وتضعونها في

الحسبان أو من باب المعرفه....

ملاحظه/ ذكرت قبل شهرين في أحد مقالتي أني موظف بالادارة العامه للبنك الاهلي وذكرت

بأن من يريد مساعدة راح أساعده باللي أقدر عليه ولكن للاسف كثرة انقطاعي عن المنتدى

حالت دون التواصل معكم المهم علما بأننا المؤظفين لانعلم عن التقديمات اللي تصير لأن

أكثرها مندرجه تحت بند الواسطه ....

انا راح أضع ايميلي وأي استفسار عن البنك الأهلي راح أرد عليه وراح أسوي اللي أقدر عليه لوجه الله ...

المهم أي شخص تجري له مقابله يرسل على ايميلي اسم الشخص اللي سوى له المقابله وراح اساعده باللي اقدر عليه ...

هذا ايميلي وأرجو منكم الدعاء لي ...

mbc565@hotmail.com

واتمنى للجميع التوفيق والنجاح.....

خاطرة


من أراد عزا بالباطل وهبه الله ذلا بالباطل