السلام عليكم ورحمة الله وبركاته
[align=justify]
وأسعد الله أوقاتكم بكل خير ,,, أخواني الأبطال حبيت اعرض عليكم مشكلتي هذي لعلني ألقى حلها عند رب العالمين ثم عندكم يالابطال ألا وهي ( العنصريه ) وهي كل شخص ينفع اقرابه وجماعته أكثر من الناس اللي خدمة عمرها كله وسوت المستحيل عشان تكون شي كبير في عملها وفالنهايه مكانك يفضل تحت مهما يكون .....

أول وقبل ما أبدء في موضوعي حبيت اقول ( الله يوفق كل شخص في حياته الدينيه والدنياويه والله يبعد عن كل مسلم كل مكروه يارب )

أخواني أنا يمكن جربة حياة عملي من عمر ( 17 سنه ) لأن كانة الظروف صعبه وكنت اتمنى يزيد عمري بسرعه عشان أشيل هم الوالدين اللي تعبو عشان يخلوني راضي رب العالمين ثم ارضيهم وأحترم الصغير والكبير وكنت حس من هالدنيا أنها ضالمتنا كثير بس الحمدلله على كل حال . ..

أنا ما توفقت في دراستي يمكن لأن ظروفنا ما سمحت أننا نأمن شي ممكن يعطيك معنويات الدراسه صحيح أني أخذت شهادة الكفائه بأعجوبه لأني أنضلمت حتى في دراستي من قبل مدرس بس ما اقول الا الله يسامحه ,,, خلاني أدرس مرحلة الأبتدائيه بدل ما تكون ( 6 سنوات ) خلاني ( 12سنه )

يعني السنه بسنتين عمري راح وحياتي راحة وتعب أهلي راحت على هاعمر اللي أمضيته ,,,

حاولت أوقف على حيلي وأحس ان لي مكانه بين الناس أشتغلت من ورا أهلي ( حارس بيت ومزارع وسواق ) وكان عمري في حدود ( 17 سنه ) ورضيت بعملي هذا بس المشكله أني توضفت عند شخص له أسمه ويملك من الله الخير الكثير وجلست موظف عنده حوالي أكثر من 7 أشهر وأكثر بدون راتب وللأسف أني كنت أقضي لبيته من مصروفي اللي يجيني من الوالد وأن شاءالله حقي ما يضيع عند رب العالمين ,,,

ومر حياتي كلها شغل وتعب الى ما وصلت سن 34 سنه جتني وظيفه في جهه حكوميه بس مو رسميه والكلام قبل 3 سنوات ونصف واللي حمسن على هالوظيفه اني متوظف في قطاع لحل مشاكل الناس بجميع أنواعها ومطاوعه يخافون الله وأتفقو معي براتب ( 2500 ريال ) فتره 3 أشهر التجريبيه وبعد الـ 3 أشهر يصل راتبي إلى ( 3000 ريال ) طبعاً وافقت على الدوام لأني بحاجه للعمل ,,, بعد ما انتهت الفتره التجريبيه ووصل الشهر الرابع من عملي عندهم وراتبي زي ماهو ما تغير ( 2500 ريال ) فصبرت لعلى وعسى يزيدوني من خير رب اعالمين لكن دون أي اهميه منهم وأخر رد لهم قالولي مالك ألا ( 2500 ريال ) تبيها والا مع السلامه قلت لهم هي جت من الله نعمه ولله الحمد مع ان الدوام فترتين كان من ( 9.00 ص إلى 2.00 ظ ) ومن
5.00 م إلى 10.00 م ) ووقتي كله في خدمة الناس وكنت بوظيفة ناسخ يعني أطبع الخطابات لهم

وبعد مرور سنه فيه الزيادات السنويه 300 ريال لكل موظف زادوني في السنه الثانيه مو السنه الأولى في عملي لهم رضيت بكل شي وبعد مرور سنتين جاني مدير التوظيف وهو قريب الرئيس التنفيذي لمقر العمل وقالي نبيك تكون جوكر في عملك يعني لو احتجناك تروح مكه والا ايمكان تروح ,,,

قلت له أنا وظيفتي ناسخ وأطبع الخطابات والعمل كله يرجع على هالشي فكيف تبيني واشتغل مراسل ,, قلت له أنا أوافق وشرطي زيادة راتبي ,,, رد علي وقالي يصير خير فصار يحاول يكرهني في الدوام ويأخر رواتبي يعني روتبنا تنزل في يوم 25 وما نصدق يجي هايوم ينزله لي 28 أو 29 وانا علي ألتزامات وأمور في البيت بس ما نقول الأ الحمدلله ,,,

وصار يبي يدور علي أي شي عشان يكرهني في عملي ارسل مديري وهم كلهم من جماعه وحده قال يقولك تشتغل جوكر والا رتبك بينقص إلى ( 2500 ريال ) بعد ما صار ( 2800 ريال ) ورفضت طبعاً طلبه لأنه ما يستاهل أوافق على اي شي يطلبني فيه لو تعامل معي بكل أخوه والله لو راتبي 1000 ريال لأرضا بس التعامل بالمستويات وبالجماعات والتفرقه بين الكل هذا ما يصير

وبعد ما مر على عملي 3 سنوات فيه الزيادات السنويه زادو كل الموظفين إلى أنا قالي انت ما تستحق الزياده ,,, رضيت وقلت الحمدلله رب العالمين على كل شي ,,, وشافني ما طلعت ولا أستقلت بعد اللي سواه فيني أرسلي السكرتير وقالي يقولك ( فلان ) بأن تنهي خدماتك ولا تدام ,,, قلتله ليش قالي هو اللي قول قلت ان شاءالله والله معاكم ,,, هذا جزات خدمتي لهم 3 سنوات ونص كذا جزاتي ورضيت بكل اللي يسونه فيني يالله الحمدلله رب العالمين ,,, يوم جيت أطلع من الدوام قالي السكرتير راح يودعون في حسابك راتب شهر عشان تضبط امورك وتلقالك عمل هاليومين قلت ان شاءالله ,,,,

والحين مر علي من تركت عملي شهرين لا شهادة خبره عمليه ولا حولو لي راتب شهر اللي وعدوني فيه ,,, بس وين بيروحون من رب العالمين راح يجيهم يوم وحقي ماراح يضيع

صحيح أني أعاني من ولادة زوجتي لأن زوجتي مو سعوديه وتجديد هويتها وهي في الشهر الأخير لها لولادتها وإيجار الشقه كلها جاتني في شهر 3 ولا حتى أملك اللي أقدر اساعدها فيه ولا اساعد نفسي ,,,,
سامحوني على كتابتي الطويله وأعذروني على أي شي واللي ينوي يخدمني ما ابي ألا وظيفه تناسب تجاربي العمليه وانا ولله الحمد تعاملي مع كل شخص بشكل كبير ومستعد أثبت هالشي لكم

والله يوفقكم يارب
[/align]
[align=center]
أخوكم ( شاعر الود )
[/align]

الله يعينك ويرزقك بالوظيفة السنعه

الله يرزقك بالوظيفه اللي تحقق جميع امنياتك والناس اللي ظلموك حسابهم عند الله حسبي الله عليهم انا عاطل زيك ودي اساعدك بس ماعندي غير الدعاء لك الله يرزقك من فضله

[align=center]
تسلم أخوي ( وينك يالبطاله ) على مرورك لموضوعي واللهم أمين يارب
[/align]

[align=center]
يعطيك الف عافيه أخوي ( خفوقي عاف دقاته ) والله هم أمين ويرزقك بوظيفه تعز نفسك وتعز غاليك
[/align]

الله يرزقك مالك الا الدعاء وتعليق املك بالواحد الاحد

دنيا وماشيين منها

لا تيأس
الله يفرج همك وهم كل مسلم
الزم الاستغفار والصبر والصلاة
وادعو ربك واذكره
لا حول ولا قوة الا بالله
ترا الظلم من الغريب اهون من ظلم القرايب

شوف أخوي حقك المفروض ما تسكت عنه

وإلي بيناقشك نط في عينه

إلي معه الحق ما يخاف

عموما صلحها مع ربك وتزين إن شاء الله

لا تنسى فضل الأستغفار والتوكل المطلق على الله والدعاء ولا تيأس الله يبدل الحال بكل يسر

بس خلك متفائل واصبر

الله يوفقك ويرزقك بأطيب رزقه والله يقوم زوجتك بالسلامه

بكره يجيك مولد والذريه تجلب معها الرزق خلك مستبشر

معروفين بدون لاتقول وش هم !!
وياخوي ترى اللحية هالايام ديكور
صار خريج السجون يلقى وظيفة بهالديكور
الله يعينك يالغالي

[align=center]
بيض الله وجيهكم والله لا يحرمني من طيبة قلوبكم
[/align]