كان الله في عونك ,,
الشيبان دائمن روسهم يابسه ..
انا نفس سالفتك ممنوع من الدراسه بس طولي زين الحمد لله ..
بس اخوانك كيف تفكيرهم كذا ؟
العسكريه للي مالهم بالدراسه ..
طوووووولك 150 يمكن لو تروح للقبول المبدئ يستهزئ فيك اللي ياخذ الطول >>تعرف انت عسكريه وسخه
حاااول فيهم وكثر الدق يفك الحام ..
لك الله .. تقبل مروري ..

موفق بإذن الله ... لك مني أجمل تحية .

[align=center]
فلها وربك يحلها.......سووي الي في راسك...وانشالله بيفتخروون فيك اذا كملت دراستك وصرت شي كبير...

والله يعينك ويثبتك...
[/align]

اخوي اقدر اجزم ان قصتك رح تكون بداية نجاح لك شف انت من كلامك باين انك من النوع الي يقول اوكي ويسكت حبيبي فيه اشياء نتسامح فيها ونغمض العين عنها لاكن فيه اشياء تقدر تقول مثل اكون او لا اكون يعني بالعربي انت جتك فرص دراسية وفرص وظيفية كثيرة وعشان اهلك والاقرباء رفضو انت رفضت مثل ماقلو الشباب قبلي ماحد من العيال يبي يشيشك على اهلك بالعكس انت قمه في الاخلاق والاحترام وابوك عرف وشلون يربيك وطلعك رجال كفو لاكن حسافة نسي اهم شي بعد تربيته الله يعطيه العافية نسي يخليك تعتمد على نفسك انت انسان واعي ومثقف وعندك اكيد ثقافة الحوار اجلس مع الي رافضين اي فكرة لك سوا وظيفية او دراسية او اي فكرة كانت واطلب منهم يعطونك عيوبه وانت اعطهم عيوب العطالة وورهم من الصح انت او هم والشي الثاني لو مامشى الحال معهم بالتفاهم خلاص سو مثل ماقلت لك اكون او لا اكون يعني شوف اقرب فرصة وظيفة او دراسية وروح فيها خل قرارك ارتجالي من راسك بس احذر انت رح تضحي فلابد ان الشي الي رح تضحي من شانه يستاهل التضحية بحيث انك لو خلصة دراستك او استمريت في وظيفتك يكون لك مستقبل زاهر بحيث انك تجيهم بعد فترة وتعلمهم انك انت صح وهم الخطاء وفي النهاية اقولك لازم تتصرف خصوصا لو كان لك اخوان اصغر منك لان الي مر عليك رح يمر عليهم عزيزي العائلة عندك محتاجه توجيه لازم يفهمو ان الزمن تغير وليس مثل اول وكل الناس فهمت الدرس ذا مثلا انا الوالد شغال رئيس تنفيذي في شركة ارامكو ولاكن ماعنده مانع اروح جندي في اي قطاع تبع الداخلية قول ليش لانه فهم ان حنا في زمن الواحد فيه لازم يستغل انصاف الفرص ولازم يفهمون ان الحياة ليست مجرد اكل وشرب ونوم في البيت يعني ابوك اكيد مو مقصر ويعطيك مصروفك في يدك لاكن انت فهمه ان الحياة مستقبل وتكوين حياة واذا على الاكل والشرب والنوم صدقني مافي احد الليوم يموت من الجوع لو وقفت عند مسجد طلعة راتب موظف في اسبوع الي ابي اوصله انك تفهم اهلك بالنقاط الي قلت لك وفي مثل حالتك لابد من التضحية بشي ولاكن خل التضحية تكون اخر الحلول انك تتحاور معهم بعقلانية وهدوء ولابد انك تميز من الحاسد والناصح وفي الاخير انت شوف كل من قالك لا وش وضعه المادي
اللهم لاحسد ولاكن تلاقيه بطاقة الصراف في جيبه واي شي يبيه يشتريه واي محل يبيه يروح له ولاهو حاس فيك ولاكن فقط فرض سلطة والله المستعان
ودي قبل ردي واسف على الاطلة

انا اعلمك يا خوي الكلام اللي يجمد على الشارب اهم شيء رضا امك عليك هذا اهم شيء انت خذ شهادتك واللي براسك يالذيب سوه من تقاديم سوائا العسكرية أو المدنية لكن خذ نصيحة من أخوك الحربي عليك بالصلاة الصلاة والدعاء تراها مفتاح للرزق الكبير صدقني وانا اخوك الحين والله العضيم صلاة الفجر يادوب صف واحد أو بعض الأحيان ما يكمل صف أسئل الله العافية وحنا بآخر الدنيا أقدح من راسك يالذيب ولا عليك من أحد أهم شيء مثل ماقلتلك الوالدة أهم شيء خلها تدعيلك قدم مع الرياجيل قدم ولا تستحي ولا يقولولك لا تسجل ولا شيء هذولا تلقاهم مسنعين أنفسهم وخالصين وموضفين ما عليهم الا انهم إذا جاء 25 من الشهر يقبض الراتب ويمشي سجل مع الرياجيل بالقطاعات العسكرية والمدنية كلها وعندي ابيات لحالتك وعساها تفرج إنشاء الله

ياسعود ضاق البال والصدر ضايق=والكل يبغا من جهتهم معاذير

عساك تسلم من نفوس العمايق=اللي تدور للعلايل وتفسير

[bor=FF0000]
انا معاك في كل الكلام اللي قلته قبل مشوي لكن جلست معاهم ومن اول ماتخرجت ابوي قالي منت مكمل دراستك

هاذي اخر سنه تدرس فيها الثانوية وبعدها تدور وظائف خلصت الدراسه والحمدالله معدلي حلو وكل شئ حلو

يوم جيت باخذ رايهم في بعض المعاهد رفض قالي دراسه ما ابي لانو بتعرف بعض المعاهد او اغلب المعاهد فيها

دراسه قالي دور وظائف في الشركات مؤسسات بنوك ولا عسكريه طبعا هذا الكلام بعد ماتخرجت من الثانوي

بحث وقدمت على شركات وبنوك لكن يبون خبره وانا ماعندي خبره وكلمني بعدها قالي مالك الا العسكرية وكلهم

وافقو على اني ادخل العسكرية وانا رافض فكرة العسكرية وجلست معه اكثر من مره لكن عصبي علطول ويشب

نار فيني طوالي ودرو عاد عماني وخوالي ما ابي اكمل دراستي وانو عندي طموح وعارفيني اني صغير ولا يمكن

تقبلني العسكرية ابدا مهما كان معاي وتجمعو كلهم عندنا في البيت وبدا ابوي يتكلم عني ومالي الا العسكرية

والطول وقلتلهم لا يمكن يقبلوني وكل اللي كانو موجودين يبوني عسكري ما يبوني ادرس وصارت مشادات كلاميه

بيني وبينهم بس وفهمتهم وضعهم غير وضعنا وزمنا غير زمنهم وشبت السالفه ذالحين ماعندهم سؤاليف الا عني

وعن هالعسكرية واجبروني اني ادخلها وحاولت وعجزت فيهم واخر مره قبل اسبوع تجمعو مره ثانيه ان مالي

الا العسكرية راضي ولا مانيب راضي
[/bor]