السلام عليكم ورحمة الله وبركاته

شخباركم عساكم بخير

[bor=FF0000]
بعطيكم قصتي من اولها لين اخرها ولا تلموني اذا طلعت اللي في قلبي كله لاني ما بيدي شئ

اقدر اسوي
[/bor]
[bor=0000FF]
انا سعود من الرياض عمري 20 سنه حاصل على شهادة ثانوية عامه بتقدير جيدجدا

نسبتي 86.24 % متخرج عام 1431هـ

كان حلمي اكمل دراستي لكي احصل على الماجستير ودبلوم وعندي طموح اني استمر على

دراستي بعد فقدي بنسبه كبيره للدخول في القطاعات العسكريه او بالاصح(العسكريه بكبرها)

قبلوني تقنيه الرياض وقف في وجهي ابوي ورفض اعطيهم اوراقي وقدمت على معهد الاداره

سنتين واحصل على شهاده دبلوم وكمان وقف في وجهي وقدمت على الخطوط الجويه العربيه

السعودية تخصص مركبات ورفضو اخواني اروح لهم وقدمت على سلاح الاشاره قطاع الغربي

لم يتم قبولي قدمت على الامن العام لم يتم قبولي قدمت على الحرس الوطني لم يتم قبولي

قدمت على شركه كارفور رفضوني وكمان شركه بنده وشركه الا تصالات شركه موبايلي

شركه سابك شركه سامبا شركه زين وكلهم رفضوني بسبب ماعندي خبره اقل من سنتين

ابوي- اخواني-عماني- خوالي= عسكريه تدخلها غصبن عنك ولا اقرب قدار عندك
[/bor]
[bor=00FF00]
حاولت فيهم بسبب طولي ما يساعدني وصار مشادات كلاميه بيني وبينهم الا ادخلها غصب

قلتلهم طيب عطوني واسطه في الجوازات-حرس الحدود-المباحث-الحرس الوطني-قوات الطوارى

الدفاع المدني -سلاح الاشاره

يقولون مانعرف احد

قلتلهم طيب بدخل في التدريب العسكري المهني قالو لي لا تقدم ماهيب زينه سنتين واخر شئ ما

فيها فايده قلتلهم بعد ما اخلص منها اقدر اقدم على كليات عسكريه يقبلوني ولا الجيش رتبه

عريف ولا وكيل رقيب رواتب على 3000ولا4000 قالو لا ماتصلح لك قلتلهم انتم مشغليني

اتقولون مالك الا العسكريه ويوم اقول اي شئ عن العسكرية اتقولون لا ليش قالو ماتصلح لك

ولا تاكل عيش حتى لو صرت عريف ولا وكيل رقيب

قلتلهم طيب بكمل دراستي احسن لي ولكم قالو دراسه لا يعني لا

قلتلهم وش تبوني اسوي دراسه ممنوع اني ادرس شركات وبوك يبون خبره عسكريه يبون طول

وش تبوني اسوي معجزة علشان اقدر اجيب طول وهذا اللي قدرني ربي عليه قالو عسكريه

مو كلها طول قلتلهم طيب الجمارك السعودية قالو بيحطونك برى الرياض في مكه ولا جده

قلتلهم اروح اهناك ماهيب مشكله قالو لي برى الرياض لا
[/bor]
[bor=FF0000]
وش هذا التعقيد في كل شئ
[/bor]
[bor=FF0000]
اسئلكم بالله وين تبوني اروح كل شئ محروم منه لا جوال لا سيارة وكلها سحبها مني ابوي

وكل يوم يهاوشني ويشب علطول نار فيني وش اني مسوي

لا اصدقاء ولا اخوياء ولا شئ وين تبوني اروح اجل افجر نفسي علشان تحسون فيني

انا ما ابي منكم شئ بس كل شئ قدامي مسدود اتقول مسوي جريمه حياتي انقلبت فوق تحت

وباقي في قلبي بعد واجد بس وش اقول بعد .....
[/bor]

الله يكون في عونك والله مدري وش اقول
بس غريبة العائلة كلها مسويه انقلاب عليك
ما اقول الا الله يكون في عونك ويصبرك على اللي انت فيه
والله يرزقك بالوظيفة اللي تتمناها
وان شاء الله انها ازمة وتعدي قول أأمين

المشكله نضرتهم لك انك صغير ومايعتمد عليك.. .. ويبي يمشون رايهم عليك ..ولاعندهم تفآهم.. ..


لكن حاول يكون لك راي قول ابي هذا ومابي هذا انا رجال ماني صغير

عطهم من الكلام ولاتخاف

الله يعينك

الله يفرج همك ويسر امرك ...

لكن حاول تدخل وساطة بينك وبين ابوك مثل خالك اوعمك او جدك

لان اللي يسويه والدك خطاً من وجه نظري ...


الله يوفقك وعليك باللجوء إلى الله سبحانه

اول شي ما اقول الئ الله يسهلها عليك ويوفقك ويرزقك

شوف وانا اخوك انت رجال منت بصغير واكيد تعرف مصلحتك الي انت تشوفه يفيدك وهو الانسب لك سووة وماعليك با احد

انا ما احرضك علئ ابوك ولا اخوانك لا

لاكن انت تفاهم معاهم واقنعهم با الي يناسبك

واعيد واقول الله يوفقك ويرزقك

شف منت مجبور بكلام اهلك وبالاخص اذا هم على غلط انت متأكد متقبلك عسكريه روح ادرس وش بيصير يعني مابيذبحك ابوك مدام ماراح يقدر يدخلك عسكريه ادرس وشف مستقبلك ماراح يصرف عليك اشتغل بأي وظيفه بسيطه وامن نفسك بنفسك لايضيع عمرك والله يعينك

طولي 150

جدي ميت الله يرحمه هو اللي كان يخاف علي اكثر منهم كلهم

قلتلهم مانيب صغير واعرف مصلحتي بس مو راضين وكل يوم ابكي على هالحاله في كل شئ محروم منه

مقدر اسوي اللي ابيه لو اسويه تلاقيني في الشارع وبعدها وين تبيني اروح

عقليتهم متعجرفه وش تبيني اسوي

يبونك عسكري وانت قصير وغصب بعد وهم يدرون انك ماراح تنقبل بالعسكريه!!!

اخوي والله العظيم اني حزنت على الكلام الي كاتبه انت

شوف انت لازم تدعي ربك ان الله يوعي ابوك عليك وتتغير طريقته معك

وحاول تجيه وهو الحاله وتفهمه

ان شاءلله ربي يرزقك بالوظييفه الي تسعدك
ان من ناحيتي راح ادعيلك ان شالله
مووفق خير اخوي