سلام عليـــــــــــــــــــكم

كيف احوالكم يااربع حبيت افيدكم وانقل لكم الوضع كما هو امامي بمركز التدريب الدمام
للفايدة لاني كنت اتمنى قبل يجي موعدي ان الشباب الي راحو ينقلون لنا الصورة كماهي
ولكن شباب الشرقية لاحياة لمن تنادي اي بيتفضل علينا يقولنا راوس اقلام ويطير حتى اسالتنا ما يجاوبونا عليها المهم مااعلينا مابي اطول عليكم طبعا انا موعدي السبت 9/3
اول شئ ياشباب تجي عن البوابه تبرز شهادتك والموعد للعسكري طبعا لو تجي سبع ونصف نفس الي يجي سبع ونفس الي يجي الساعة ثمانية تستلمون الدفاتر للمستشفى والبصمات مع بعض
تتوزع آخر شئ بعد التصفيات طبعا الناس الي يمشونهم كثييير جادلت سكت شقيت جيبك مايمشئ عندهم المهم تدخل على الصالة اول شئ بيصير تطبيق النسب طبعا بالنسبة لي انا ادخلت نسبة ثالث ثانوي وعديت ولله الحمد طبعا بتلاحضون 25% من العدد بيمشون بسبب عدم تطابق النسبة
الشباب الي قالو مركز الدمام يمشيك لحد ثمان درجات اليوم العقيد بصوت عالي قاال درجة وحده تفرق ماتمشئ انتو الي دخلتو بياناتكم اتحملو النتائج ولاتمشئ عندنا هنا لاواسطة ولا بطيخ هه مسوي روحه قوي بعد المطابقة وزن وطول 20% من العدد بيمشون الطول كلكم بتشوفون
وربي يحفر راسك عشان ياخذ طولك بالضبببببط عشان مايزودلك الوكيل رقيب هذا يشتغل بضمير واماانه زياده عن الازم بدون مبالغة كل واحد يبيله عشر دقائق عشان ياخذ طوله التأخير كله في الطول الوزن سهالات بعدين الحاسب تدقيق ولازم آخر خمس سنوات تكون درستها في السعودية 5%100 مشوهم من العدد عددنا الكلي اليوم 120 طالب الصاافي في النهاية الي استلمو الدفاتر 68 طالب بالضبط لاتستقربون من الدقة في الاعداد بس كنت متابع بدقة عشان انقل لكم الموضوع بكل وضوح وصدق وكثر اسألتي للعسكر الموجودين لاني لتقيت بثلاثة اعرفهم بالصالة واخذت بعض المعلومات منهم الحضور الزي الرياضي 30% الباقي ثياب مايدققون الشعر الي محلقين رقم واحد 90% لو تكون مخفف زياده شوي ومتساوي مايدققون الموعد الجاي لتسليم الاوراق 28/3 يوم السبت ومافي مشكلة لو تأخرت الين الاربعة في تسليم الاوراق ... هذا والسلام عليكم
وسمحولي على الأطالة ولكن والله القصد اني ابين لكم كل شئ بالتفصيل الممل عشان اوفر على نفسي الأسأله ههههه ماعليه امزح مستعد لاي سؤال بالتوفيق