لو جبت عامل كيف استفيد منه وانا ماعندي مشروع ؟؟

الفتى المكافح · #1 (**permalink**) 13-02-2011, 02:29 AM

ذلحين لو قدمت على سواق اكيد بيعطوني

فلو حبيت اشغل هذا السواق في شغلة واستفيد من وراه

يستفيد هو وانا كمان على اساس إني كفيله

كيف اسوي ؟

هل اشغله عند احد وآخذ من راتبه نسبة شهريا ؟

ولا كيف الطريقة ؟

او انها بالمرة ما تصلح

نوروني الله يفتح عليكم

النجم الذهبي · #2 (**permalink**) 13-02-2011, 02:56 AM

السلام عليكم ورحمة الله وبركاته
اكيد انه بعد مايجي جماعته مابيخلونه بيعلمونه صنعه تستفيد منها انت وهو قدم منت خسران الا الفين حق الفيزه

ابن الهيلا · #3 (**permalink**) 13-02-2011, 03:03 AM

انا شايف فكرتك لم يسبقك بها احد من الأعضاء وهي فكرة رائعة وخاصة إن فكرتك تخدم اطراف عديدة

- تخدم هذا العامل إنك وفرت لة الحماية ودخولة البلد بطريقة شرعية لن يحاسبة احد عليها
- تخدم هذا العامل إنه مايتغرب وقت طويل عن بلدة بالكثير سنتين ويرجع الى بلدة رافع راس اهلة ورافع اقتصاد بلدة
-تخدم هذا العامل إنة يصبح الكفيل وانت العامل تأخذ 300 ريال في الشهر وممكن تكون كثيرة عليك
- تخدم هذا العامل يتعلم الحلاقة في روس المجانين لدينا
- اتوقع الخدمات كثيرة ويصعب علي حصرها ولكن اقول لك كثر الله من امثالك لخدمة تدهور اقتصاد بلدك وتشجيع شبابة على المضئ على نهجك وتفكيرك الرائع

آلدانه · #4 (**permalink**) 13-02-2011, 03:47 AM

^
اول ماشفت الرد انصدمت بس يوم كملت فهمت

انا من رايي لو جبت عامل كلها كم شهر ويتقن الشغله الي انت مستقدمه عشانها ويهج ويشتغل لحسابه وانت تكون خسرت استقدم وفيزا وبهذله وهو كسبان

+

ماراح يصدق معك في الربح يعني لو خليته سواق ماراح يعطيك حقك باأمانه الا من رحم ربي وهذا نادر

العماله شر الله يكفينا شرهم ويريحنا منهم .. ماانصحك تستقدم الا لو بتشغله في بقاله مغسله بوفيه شي مضمون
اما تجيبه وانت ماتدري وش تبي تسوي معه او تخليه على كفالتك ويسرح ويمرح على كيفه وكل نهايه شهر يعطيك فتات وانت ماتدري وش هو يهبب يسرق يتاجر بمخدرات في بلا ماانصحك لانك الكفيل والمتضرر الوحيد ............

يتيم الشوووق · #5 (**permalink**) 13-02-2011, 07:53 PM

اخوي هات الفيزا , واخذ لك 3000 الاف ريال , وكل شهر نسبه 100 ريال

راجو القحطاني · #6 (**permalink**) 13-02-2011, 08:14 PM

انت جبته بمهنة سائق خاص
غير لما يكون باسم شركة و مؤسسة
الدعوة ما هي على كيفك
و الحل يكون سائق لديك و يعمل بعلمك في توصل مدرسات و مشاوير
غير هذا مالك في المشاكل و الدوخة

الفتى المكافح · #7 (**permalink**) 14-02-2011, 02:02 AM

مشكورين على الرد

اقتباس:

المشاركة الأصلية كتبت بواسطة ابن الهيلا

انا شايف فكرتك لم يسبقك بها احد من الأعضاء وهي فكرة رائعة وخاصة إن فكرتك تخدم اطراف عديدة

- تخدم هذا العامل إنك وفرت لة الحماية ودخولة البلد بطريقة شرعية لن يحاسبة احد عليها
- تخدم هذا العامل إنه مايتغرب وقت طويل عن بلدة بالكثير سنتين ويرجع الى بلدة رافع راس اهلة ورافع اقتصاد بلدة
-تخدم هذا العامل إنة يصبح الكفيل وانت العامل تأخذ 300 ريال في الشهر وممكن تكون كثيرة عليك
- تخدم هذا العامل يتعلم الحلاقة في روس المجانين لدينا
- اتوقع الخدمات كثيرة ويصعب علي حصرها ولكن اقول لك كثر الله من امثالك لخدمة تدهور اقتصاد بلدك وتشجيع شبابة على المضئ على نهجك وتفكيرك الرائع

صحيح كلامك في جزء منه لأن حتى لو شغلته في مشروع راح يلهفك ويسرقك

وانا ماعمري شفت سعودي يشرف على محله او مشروعه كل مارحت محل احصل اجنبي

بعدين انا فكرت في هذا لفترة مؤقتة لحد ماالقى مشروع مناسب

يتيم الشوووق · #8 (**permalink**) 15-02-2011, 01:21 AM

ياحبااايبي انتم جديدين على المشاريع والافكار

العامل شغله عندي / اذا تبي رجال يشرف عليه وانت فقط مجرد اسم والباقي عندي شغله وتدريبه
وانا اللي بستفيد منه , هاته , ومانختلف , والانظمة الأخرى عارف طريقتها , لحد يقول سائق ولا فلاح
الامور كلها طيبه .

تحياتي