[align=right]
مساكم / صباحكم خير
انا متخرج من الكليه التقنيه بالدمام قبل سنه تخصصي الكترونيات صناعيه وتحكم
معدلي 3.30 من 5
والى يومكم هذا عاطل عن العمل لي سنه مع اني ما خليت شركه ما قدمت عليها اون لاين عن طريق الانترنت واحس ان ما فيه فايده بالايميلات اللي ارسلها كلها على الفاضي وش تنصحوني فيه وش الشركات اللي اتوجهلها شخصيا وومكن انها توظفني سواء كانت بالجبيل او الصناعيه الاولى والثانيه فزعتكم يا هل الخبره

تراني تعبت
[/align]

والله يااخوي لو كان سؤالك عن الوظيفة فهذا سؤالنا كلنا


لكن تبي نصيحتي دام انك من اهل الدمام روح البحرين وقدم ع الشركات يمكن تلاقي وظيفة

ويابلادي واااااااااااااصلي

[CENTERالله يوفقك اخوي
حبيت القولك روح هذا الرابط (( فقط نقره))

https://www.btalah.com/t273716.html
[/CENTER]

اخوي النايف الشركه هذي قدمت عليها وما منها فايده سوينا مقابله شخصيه بالدمام عن طريق صندوق الموارد البشريه وكان جاي موظف من جده وسوالنا مقابله شخصيه وعطانا اوراق توظيف وعبيناها والمقابله كانت ممتازه جدا الكلام هذا قبل 3 اشهر والى يومك ما حد اتصل ولا حد ارسل رساله ولا اي شي صدقني يا خوي ما خلت شركه معروفه او متوسطه ما قدمت عليها عن طريق الانترنت احس ما فيه فايده ابد الانترنت ما غير تسكيته كذا انا ابي حد يفزعلي ويدلني وين اتوجه من يقبلني ابي اتحرك تكفووووون تكفووووون للي يقدر يدلني على شركه توظفني اانا ابروووح شخصيا واحط اوراقي عندهم سواء بالدمام الصناعيه الاولى او الثانيه او الخبر او حتى الجبيل لا حد يبخل علي تراني تعبت من ارسال الايميلات والكلام الفاضي لي سنه متكي بالبيت [align=right][/align]

وانا نفس التخصص الكترونيات صناعية وتحكم ومعدلي 3.81
وعاطل لي سنة كاملة وانا ادور اي وظيفة لفيت اكثر من شركة وراسلت أكثر من شركة
واذا جاني اتصال قالولي تعال للمقابلة الشخصية واحظر لهم في المقابلة الشخصية ولكن كل المقابلة فاشلة
والسبب عدم اجادة اللغة الانجليزية ولايوجد لدي خبرة مع اني خريج من وين اجيب الخبرة .
ولكن مانقول الا الحمد لله على كل حال .
وانا بصراحة فقدت الامل في جميع الشركات ليش لأني فني الكترونيات وحامل دبلوم ولايوجد لدي لغة انجليزية .