السلام عليكم ورحمة الله وبركاته

موضوعنا لو كنت ايها العضور وزير عمل فماذا ستفعل لاجل توظيف العاطلين؟؟؟


وقد اشترط عليك: ان لا تتعرض بشكل تام للاجانب .

بالنسبة لي:
1.اخفض ساعات العمل لبعض القطاعات بالنسبة للدوام النهاري الى 4ساعات واشغّل موظفين جدد للـ4 ساعات القادمة، وكل من يعمل 8 ساعات ليس له اوفر تايم بالنسبة للقدماء.

2. خفض ساعات العمل لنظام الشفتات الى 6ساعات وبدل ما يكون هناك 4قروبات يصيروا اقل شي 6قروبات، وكل من يعمل 8 ساعات ليس له اوفر تايم بالنسبة لقدماء

3. النظام يشمل الجدد فقط، والقدماء يتم تخفيض ساعات العمل وليس لهم اوفر تايم عند عدم تعديل ساعات العمل الى 8 ساعات.

4. وضع حد لاجور السعوديين بالساعة كل ساعة ب30ريال ، ويتم حساب رواتب الموظفين من زكاة الشركةللموظفين دون الراتب 5000ريال.

5.الزام الشركات بوضع موظفين سعوديين بالشركة للتخصصات الموجودة بالسعودية وكل تخصص حساس يتم توظيف سعودي واخذ العهود عليه بان لا يستقيل لمدة معينة.

هذه بعض القوانين اللي يمكن ان اضعها ان كنت وزير عمل.

يااخوي كأنك داري اليوم الصباح افكر في هالشي خخخخخخخخ
بالنسبه لي اولا عجبتني فكرتك احتساب الراتب بالساعه عشان نضمن ان اصحاب العمل مايكرفون الموظف 12 ساعه في اليوم عشان يوفرون راتب واحد ثاني بكذا كل مازاد ساعاته زاد راتبه وهم طبعا مايبون هالشي ههههههههههههه
ثانيا اشغل موظفين من الوزراه كل حي يمسكه مجموعه كل شهر يطلعون على المحلات المستوصفات وغيره ويشوفون نسبه السعوده عندهم وياخذون شكاوى الموظفين هناك
ثالثا كل خريج يبي يتوظف قطاع خاص يكون من اختصاص وزارة العمل يعني يجيب ملفه للوزاره وانا اوجهه للمكان اللي الموظفين لقواعنده نقص في السعوده مثلا خريجي المعاهد والكليات التقنيه والمهنيه اشغلهم في محلات التبريد والحداده والنجاره والسباكه كلن حسب تخصصه واحدد الرواتب بعد مو اي شي ههههه
رابعا الزم القطاع الخاص كل اجنبي مقابله 2 سعوديين يوظفونهم
خامسا احط سلم للرواتب مثل سلم رواتب موظفي الحكومه وتأمين طبي وتأمين اجتماعي وبدل سكن وبدل مواصلات وش ناقصنا عن الاجانب لان فيه ناس لاتامين ولاشي ماغير هالـ 1500 ريال كل اخر شهر حسبي الله عليهم
واحدد كل وظيفه وش الشهاده اللي تتوظف عليها يعني اللي للثانوي مايوظف عليها جامعي عشان مايجلسون اللي بالثانوي والمتوسط مايلقون وظايف
خامسا صاحب المنشأه اللي مايلتزم بماذكر اعلاه >> حلوه هههه
اول شي ادفعه غرامه وتكون محدده كل شرط مايطبقه له غرامه محدده ويعطى فرصه عشان يصلح وضعه ماصلحه تغلق منشأته نهائيا
سادسا الوظائف العليا للسعودييين فقط فقط فقط الا لو تعذر وجود سعودي يسد هالمكان ومااعتقد انه بيتعذر صراحه يعني مايجيني مشغل 50 سعودي ومديرهم هندي والا مصري

وش رايكم انفع وزيره هههههههههههههه

أولأ تطبيق النظام بكل حذافيرة
ثانيأ صرف أعانة بطالة من فرض غرامات مالية على الشركات
ثالثأ أنشاء مركز أستطلاع وبحث لمعالجة البطالة
رأبعأ جعل كل أنظمة وزارة العمل اليكترونية من التقديم على طلب وظيفة إلى التقاعد أي كل الاجراءت تتم بين طالب العمل وصاحب العمل اليأ يعني لاوجود للورق ؟

أنا لو صرت وزير قسم إني أبسط العاطليين

أول قرار : حد أذنى للرواتب الإبتدائي 3700 المتوسط 4132 الثانوي 5000 دبلوم 5600 جامعي 7000
ثاني قرار : ساعات العمل 8 ساعات وبنسبه للشركات أبو دواميين يعطي للموظف بدل النقل مرتيين
والشركه إللي ما تقدر تعطي الراتب هذه يقفل شركته الله يستر عليه


وراح أمسك السعوديين إللي يعطون سجلات التجاره للأجانب عشان يعطيه الأجنبي ألف ريال راح أشطب سجله التجاري وأسجنه كمان

صراحة لم ارى حل مقنع امشكلة البطالة
يعني مثلا تقولوا ان بتزيدو الرواتب من وين تجي الزيادة اذا الشركة ارباحها قليلة؟؟؟
ثاني شي كيف بتوظفوا ولا يوجد وظايف كافية ومرغوب؟هنا المشكلة
نريدكم يا وزراء العمل الافتراضيين تقولوا النا احنا العاطلين هذي وظيفتكم وهذي رواتبكم الكويسة
نريد حل جوهري

البطاله مالها حل حتى العاطلين ما يجاوبون (لو كنت وزير عمل ماذا تصنع للعاطلين)شاطرين بس يسبوا في وزير العمل

اووضفهم بدون شروط....