بسم الله الرحمن الرحيم

ياليت تردون وتتفاعلون معي
انا محتاره بين مترجمه في الهيئه الملكيه و مقابلة بنك الراجحي؟؟

لاني ماني عارفه مميزاتها ؟

والله يوفق كل من يرد لي

والله ياأختي

كلهم حلوين ومزاياهم أحلى بعد

مترجمه للهيئه الملكيه حلوه بس أعتقد مافيها يمه أرحميني ...
والعمل أكيد بيكون مختلط رجال وغيره يعني ماراح تاخذين راحتك

أما البنك حلو بصراحه
صح دوامه تعب شوي
بس أحلى والله من الهيئه الملكيه من وجهة نظري ...

والأمر الأول والأخير لك

ونصيحتي أستخيري وأختاري فالخيره فيما أختاره الله

والله يوفقك يارب

جزاك الله خير على الرد
بس كم راتب المترجمه في الهيئه ؟؟ وكم عددساعات العمل؟

[align=center]
مثل ماقال a6er
الهيئة فيها اختلاط
لكن بصراحة رواتبهم حلوة حلوة بشكل
كمان هذي وظيفة حكومية واظمن لك من وظيفة البنك
والاختيار لك

بالتوفيق يارب
[/align]

^
عذرا على المداخله بموضوعكـ
اسمحيلي اطرح استفساري للاخوان اللي عندهم علم في الهيئه الملكيه

سؤالي انا معيده في جامعه تابعه لوزارة التعليم العالي واريد النقل لكليه تابعه للهئيه الملكيه
ايهما افضل وماهي ميزتها والهئيه تابعه لاأيش بالضبط ؟!

الهيئه الملكيه الافضل من بنك الرججي وقولي بندر سكرتير ماقال وانتي عقلك براسك وتعرفي الزين من الشين وعذرا على المداخله بس حبيت افيدك...

يعطيكم العافيه على الرد
بس أفضل من اي ناحيه إذا كان من ناحية الرواتب فكم راح يكون راتب المترجمه
سته او سبعه مثلا علشان اقدر اقارن ياليت احد يوضحلي ....

و الله يجزى كل واحد رد كل خير

الهيئه الملكيه كل يتمناها لان لها مميزات والبنك مافيه ترقيات انا افضل الهيئة والله يوفقك

من وجهة نظري الهيئة أفضل ، زي ماقالوا الأخوان انها جهة حكومية وبالتالي بيكون فيها أمان وظيفي
أفضل ،
أختي ممكن بس سؤال ،
انا قدمت على وظيفة مترجمة في الهيئة بس كل ما أعبي الابليكيشن وارفع السي في
يقول ان " الملف غير صحيح " ، وش السواة ؟
ربي يوفقك ويكتب لك الخير في كل امورك يارب ،

الكل يسب تعامل بنك الراجحي يقولوا جدا سيء مع الموظفات كأنك بمدرسه
وماعندي فكره عن الرواتب استخيري والله يختار لك اللي فيه خير لدينك ودنياك