قالوا طيار تلقى وظيفة وانت مغمض

طيار · #1 (**permalink**) 16-11-2006, 04:25 PM

مرحبا

وش تبوني اقولكم وربي اني كرهت نفسي وكرهت الدنيا وخلوها على الله

اول ماتخرجت من الثانوية قالو لي انتبة ترا كل متخرجين الجامعات عواطلية وماهم لاقين وظيفة بس ماعليك الا تشوف لك كلية من تتخرج والطلبات الوظيفية عليك تتكدس

المهم قلت ماعندي الا ادرس على حسابي الخاص وشديت الرحال وعلى الاردن ودخلت كلية طيران خاصة وتخرجت

وحصلت على :

شهادة طيار خاص Private Pilot/ppl

وبعدها التحقت بدورة طيار تجاري Commercial & Instrument Pilot

وتخرجت طيااااار بشهادة معترف بها عالميا

واخذت شهادتي وجيت براس غليص للسعودية قلت بس هالحين ابلقاهم على الحدود يبوني اتوظف

قدمت في الخطوط السعودية واختبرت ونجحت ووضعت في لائحة الانتظار وتدرون كم قدامي 470 طيار يعني حلني متى يجيني التوظيف

قدمت لطيران الخليج وللاسف في قايمة الانتظار

رحت العسكرية وقدمت فيها زحلقوني للطيران المدني

هالحين تدرون وين شغال

لي ثلاث سنوات ياجماعة شغال بكبينة اتصالات بدل كبينة قيادة طائرات مافيها شي كلها تندرج تحت مسمى كبينة

المهم هاليومين عندي تقديم في مستشفى على وظيفة موظف استقبال ويااااااااااارب

الظاهر ابقدم لمشروع الملك عبدالله للموزين واترزق الله

بس خوفي مايركبون معي لاني سعودي

وسلااااااااااااااااااااااااااااام ياوطني

اخوكم خالد

متوسد ملفي · #2 (**permalink**) 16-11-2006, 08:53 PM

الله يعينك طيب ليش ماتروح لخطوط ثانيه يعني تعرض خدماتك على خطوط غير طيران الخليج يمكن تحصل لك وظيفه عندهم وترجع بعدين خبره احسن من غيرك

فراغ · #3 (**permalink**) 17-11-2006, 02:31 AM

ايه صح فتح خطوط سما وغيرها جرب هم موجدين جنب مبنى المطار قبل الجه المسانده للمطار

والله يوفقك

بطلانه طفشانه · #4 (**permalink**) 17-11-2006, 02:37 AM

@@
يااااااااااااااااااااااالله والله حرام

نفس طاش ماطاش الطيار الي نهايته استجن

الله يبعد عنك الشر ويسهل عليك بوظيفه ياااااااارب عليك بالدعاء

وبالتوفيق

اهم شي رزق الحلال

روح الروح · #5 (**permalink**) 17-11-2006, 03:11 AM

الله يعينك والله شيء يحزن اذا طيار مو لاقي وظيفه
اجل خريج الثانوي وش بيكون وضعه
نسأل الله الفرج القريب والرزق الحلال
والله يرزقك اخوي بالوظيفه الي تتمناها

فاعل خير · #6 (**permalink**) 17-11-2006, 03:13 AM

الله يعوضك خير

السفيرة · #7 (**permalink**) 17-11-2006, 03:28 AM

الله يوفقك من جد هم يبكي الله يعين
والله يوفقك يارب في وظيفة الأستقبال يارب

ذبحنا الملحم · #8 (**permalink**) 17-11-2006, 06:57 AM

الله يوفقك ويرزقك الحلا ل الطيب

أبو زياد · #9 (**permalink**) 18-11-2006, 01:03 AM

عندي لك حل يالغالي

شوف يالغالي.. فيه حل وإن شاءالله ينجح.. مالك إلا تجرب دول مجاورة يعني مثل دول الخليج إعرض عليهم شهاداتك وإن شاءالله تتوفق.

بس من جد قهررررررررر

ملف معفوط · #10 (**permalink**) 18-11-2006, 03:53 AM

تستاهل احسن من قالك تصير طيار انت عايش بالسعوديه كل شي هنا ماشي بالبركه يعني انت الحين طيار بس تشتغل في كبينة اتصالات .. صدقني ياخي العزيز ما ابي احطمك او اتشمت عليك بس هذا الواقع والله لو انك عالم ذره وتجي السعوديه تدري وين بتتوظف .. بتتوظف مراسل في وزارة البلدية او اي دائره حكومية لنك مبvip بس اخوي العزيز اتمنى لك التوفيق والنجاح واعتبر انك في اجازه مفتوحه لحد مايفرجها رب العالمين وكثر من الاستغفارمع الصبر وصدقني راح تنحل مشكلتك ارجع واقولك الله يوفقك .