اخي الكريم...صيغة الخطاب تكون كالتالي:

التاريخ

سعادة مدير مرور مدينة..... الموقر

السلام عليكم ورحمة الله وبركاته...وبعد،،،

الموضوع:اعتراض على المخالفة رقم........

بالاشارة إلى الموضوع أعلاه، بتاريخ.....تم تسجيل مخالفة رقم.........بقيمة.....، وبعد الاستفسار عن المخالفة اتضح لي بأنه تم تسجيلها في مدينة......

وبعد التحقق ثبت لي أنه لم يتم قيادة سيارتي في ...... سواء كان ذلك من أو من أي شخص آخر معروف لدي، كما أفيدكم بأنه لم يسبق لي بزيارة هذه المدينة مطلقاً.

لذا، ارجو من سعادتكم قبل اعتراضي هذا واتخاذ الإجراءات اللازمة للتحقق بعدم صحة المخالفة التي تم تسجيلها على سيارتي

وتقبلوا تحياتي،،،

الاسم
رقم السجل
الجوال

------------------------------------------------------

وبالتوفيق

بيض الله وجهك
والله يوفقك ويجزاك خير

استعلام عن مخالفة مرورية و تسجيل اعتراض

السلام عليكم ورحمة الله وبركاته
مساء الورد
والله لو تكتب 10000000 معروض محد يفيدكـ
انك لو ناديت لسمعت حيا ولكن لاحياة لمن تنادي
الله يحفظكم يارب

ابشرك اخوي وحتى قبل نظام ساهر

هناك تلاعب من قبل العساكر ( اللي مسؤوليتهم حماية المواطن ) وانا في حالتي هذي ما اقصد نظام ساهر

قبل سنه تقريبا شيكت على مخالفات المرور بالصدفه وطلع لي مخالفه قيمتها 100ريال

من وين جت ؟؟

المهم

انا عارف من وين جت <

جت بنظام الواسطات والقبيله والخرابيط اللي مادري متى بتطلع من شعب الخليج

> تقوله هذا الشي حرام > يقولك من قبيلتي

طبعا نظام المخالفات > ما فيه شي اسمه عطيتك مخالفه وبعد يوم احذفها > ما يقدر يحذفها العسكري نهائيا من قاعدة البيانات

تدرون وش يسوي ؟

يشيل اسمك من المخالفه ويرقعها باسم ثاني وما يهمه سعودي هندي مصري

> اهم شي يشيله عن ولد عمه او صديقه والخ ..

رحت سددت المخالفه بعد وش اسوي اكتب خطاب واروح الرياض واخسر نفسي 10000 الاف عشان 100؟

وقبلي بفتره بسيطه ؛ جارنا اللي عمره 60 سنه وما عمره ساق سياره > يوم راح بسوي جوازات لعياله قالوا اول سدد المخالفات اللي عليك وبعدها نسوي الجوازات ؟!

بالله عليكم الرجال ما يسوق سياره من وين جته المخالفات ؟

كلاش
ظهر مقطع و انتشر في المنتديات
عسكري مرور في جدة
جالس و يكتب مخالفات و يرمي الصفراء اللى المفروض يسلمها للمخالف
لكن واضحة المهم يخلص الدفتر و لو كرر الأرقام او غير رقم واحد فقط
و الاسم ليس ضروري المهم الرقم سواء احوال او اقامة
اما من قبيلتي و بطيخ هذا قلة عقل تظلم الناس و تحملهم مخالفات عشان فزعة ابن عمك الفاسد
مثلها مثل موظفي الخطوط راكب ينتظر و جاهز كرت الركوب و فجاة يلغى و ياخذه صديق موظف
و المسكين ينتظر 6 ساعات اخرى في الصالة حتى تاتي الرحلة القادمة هذا اذا نفع
و كلها انعدام ضمير و ذمة