في فترة تدريبي تم تقسيمها بين المستشفى العام في المنطقه

ومستوصف ومستشفى الصحه النفسيه ,,,,

وعندما تدربت في الصحه النفسيه صادف يوم من الأيام اليوم العالمي لصحه النفسيه بحملات كبيره لن ننساكم وشي زي كذا .........
طبعآ هذا شي جميل والكل ايده وفي يوم الحفل قالي الموضف الي مشرف على تدريبنا بالمختبر اليوم بيجي امير المنطقه ومدير الشؤن الصحيه الدكتور ........... ........... ...........؟
المهم في ذاك اليوم تهندسنى انا وزملائي في التدريب والموضفين مغنى أيض

طبعأ كان هناك استنفار في المستشفى المدير يحوس رايح جاي
ويضبط ويهندس ... وعلى فكره كان لي شهر في المستشفى ما شفت المدير ألا اليوم ذاك ...
وفجه حل السكوت والهدوؤ في المستشفى

أستقربت أنا من الهدوء هذا وقلت يا نايف وش فيه؟ <<<< نايف=فني مختبر المسؤول عن تدريبناء.....
قال. اركد لا تجيب العيد
وصلو المعازيب

المهم تم وصول الأمير و مرافيقيه ومعهم مدير الشوؤن الصحيه
تم تقديم لهم الشاهي والقهوى .. وانا اطل عليهم من شباك المختبر
انتهو من ضيافتهم واخذ الصور
وبدت جوله على اقسام المستشفى ..........
جاء دور المختبر .. دخلو علينا الامير ومدير الشؤون الصحيه أنا كنت امثل اني اسوي تحليل @بلد قروب@ المهم ؟
يمكن يوضفوني_
قال مدير الشؤون الصحيه يا طويل العمر هذا موضف عندنا مجتهد وهذولاء عيالنا متدربين ......
والمسكين نايف كان يراجعه على بدل العدوى من شهرين ما خذها....
المهم صورنا معهم
وقبل خروجهم من المختبر مرو على جهاز ...... في المختبر

وقال مدير الشؤون الصحيه ياطويل العمر هذا جهاز للكشف عن المخدرات
لنكتشف هل المراجع مريض نفسي او مدمن مخدرات

أنا طبعآ جيت بتكلم وقلت يآآآآ..

شدني نايف وقالي أص أص

زبده الموضوع تدرون وش الجهاز@ السنترفيوج@

يوم طلعو قلت نايف أنت مسوي علنا فاهم وتقولنا هذا جهاز الطرد المركزي

وطلعت من جمبها ماتدري هي بك ولا بالخيشه


وهذا الدكتور يقول هذا جهاز للكشف عن المخدرات يالله علمنا وشلون اشوف ان جابر مدمن ولا لاء جابر := مدترب وصديقي .....
كنت امزح يعني

قالي نايف لا هذا جهاز الطرد المركزي

بس تلقاهم ماخذين فلوس الجهاز الي يقولون عنه ولهفوها....

الأسئله الي محيرتني ؟

صحيح الكلام الي قاله نايف لهفهم للفلوس أو ان الدكتور مايدري وين هي رايحه قال كذا بس يتميلح .....
المهم طولتها عليكم
ارجو ان تنال اعجابكم هذي القصه
ملاحضه

السنتر فيوج هو جهاز الطرد المركزي يرج الدم فيه لينقسم الى بلازماء وسيرم المهم ماله شغل بالمخدرات نهائيا بل بتاتا البته

تحليل بلد قروب هو تحليل للكشف عن فصيله الدم

زبدة موضوعك عن اللهف
اختصر لك اللهف في الدواء
يكون متوفر في المستشفيات الحكومية
لكن دكاترة و أطباء لديهم صيدلية و يرسلون المرضى عليها
و يقولون لا يتوفر في المستشفى
اطباء يستفيدون من عمولات و يكتبون وصفة دواء لا يوجد الا في مكان معين
و الاجهزة من زمان نقص و قديمة و حتى منظر فقط
وسع صدرك

شاكر مرورك يا بو قحط