السلام عليكم ورحمة الله وبركاته

بإذن الله ناوي افتح محل ابيع فيه قهوة عربية (دلة) مع قدوع (كنافه)

بس ماعرف شي عن المحلات واستخراج الرخص

وتكلفات الديكورات و الكهرباء ماشابه

ياليت تساعدوني وتقولون لي كم يكلف المشروع وهل هو مربح ام لا ؟

المشروع هذا دخل مزاجي وحيز اهتمامي من حوالي شهر


كنافه + قهوة عربية + قدوع ( تمر ) + حلويات بانواعها + معمول مثلا واي شئ

المشروع ناجح وحلو بس اهم شئ الموقع والترخيص اكيد زيه زي اي محل ثاني

اذا انت من سكان الشرقية

تعال الثقبة شارع الجزائر اللي يودي البحرين

فيه محل اسمه (كنافة التاج الذهبي) مسوي نفس الشي

بصراحه حلو (العزابية يبون القهوة العربية) وتقدر تاخذ ترمس القهوة معك

بشرط تدفع تأمين قيمة الترمس

يعني اذا مكان العزوبية البدو يصلح لهم هالمشروع

لكن مادري كم بيكلفني ؟

وطريقة استخراج الرخص والفيز؟

خليك حول سكن عزاب وبشر بعزك

ماشاء الله مشروع جيد ..وبإذن الله ناجح ...

هنا مواضيع للاستفسارات عن الرخص التجاريه ابحث عنها...

توكل على الله وقسم المبلغ الذي لديك من استئجار للمحل وديكورات وغيره..قبل البدء بكل شي حتى تكون لديك خلفيه جيده قد رسمتها من قبل لكي لاتقع في معضله بوسط الطريق

واذا على الكنافه وغيرها من مشروبات امرها سيكون سهلا كثيرا ...وفقك الله

[align=right]






.
.
.



سلااااااااااااااااااااااااام عليكم ...



في مبدى انا اتبعه ومرررررررره رهيب


عشان اسهل عليك هالمبدا , على قولتهم


حبه حبه ,,,, نآآآآآآآآآآصل للمحبة ..


شف ياخلفهم ,, بما اني لي خبر متواااضعه , في امور التجاره وفتح المحلات وكذا ..

انصحك في التخصص اولآ ..

فمثلآ ,, آبدآ في الكنافه فقط ...

وفكرة الكنافه ممتازة جدآ ... اذا كانت بقشطة بـ 6 ريال اما جبن بـ 5 ريال

وبما اني من سكان القصيم , اعرف واحد يبيع باليوم 100 صحن


يعني 100 في 5 = 500 ريال

بالشهر 15000 ووووونآآآآآسه ..

وبصراحة فكرة الكنافه تدور في راااسي واااجد .. جدآ ..


عشان كذا يا بعدي انت , خلك بالكنافه وبعد كم شهر دخل ثلاجة وفيها شوكلاته وكذا .. وبعدها دخل قهوك ومكسراتك وكذا ...



وان شاء الله توفق ا بعدي


واذا تبي تفتح عندنا خابرن لك محل طلقه , او اي واحد من الشباب ناوي يفتح ونشارك , قدام




بالتوفيق للجميع



واذا ديكورك خشب يابعدي , عطني الاطوال والشكل والموووديل وابشر بعزك ..

وابعطيك بسعرن بخس هههههههه





بالتوفيق ياخلفههههههم


[/align]

الله يوفقك

يالغالي والله مشروع ناجح بمعنى الكلمه

واذا تبي حركات ومعلومات كافيه فيه محل فاتح في ثاني محطه وانت طالع من الخبر للرياض عليهم زحمه

سير عليهم وشوف كيف الجلسات وطريقة التقديم وغيرها

وبالتوفيق لك

انا فكرت لكن متردد بهالمشروع
عطوني رايكم