اقرا لاخر شي هههههه
..........................................
رطوبه
رطوبه
رطوبه
حرررر طفش
خلاص
تعبانه
يؤ
قصدي تعبان
الأم:..اقول ياجعل عيني ماتبكيك ورا ماتتمرجل مع الرجاجيل وتغدي ذيب نعن ابو فرتك انت طالع على من؟
انا يوم اني بسنك كنت اقود قطيع من الغنم واقود قبيله مثلك..
الولد:ماما اش معنا غنم؟؟..ايه قصدك الخروفه..
الام:ايييييييه ياويحي تقول خروفه ها..
ياحرة سبدي
ابوك يوم كان بسنك كان يطارد ورا الاسود يبي يصلخ جلدها ومن ثمن يبيعها..يدور ورا رزقه انت لو يطب في حظنك عنكبوت انكسر حوضك..
الولد:ماما يعني بابا كان زي موكلي؟
الام:نعن ابو حيك الي يسمع سواليفك يقول عمرك ثلاث سنوات وانت ترا جالس تبحر في العشرين اقول تقلع من قدامي لاتخليني اتخلا....
الولد:خلاص ماما بروح انام..
الام:نم ياجعل تنام فوق ضهرك تريله...ربها تقسى عظمك يالرخمه..
الولد:ماما؟ليش انت عدوتي ليش انتي دايم تحاولين تحطمين مشاعري ليش انا مو دلوعتك يؤ قصدي دلوعك انا مو ضناكي اللي تخافين عليه؟؟
الام:تصدق احرجتني بكلامك تصدق حمرت خدودي وبجلس ادق راسي اسفا للي سويته فيك
وراك والله ماذقت عقال ابوك وهو على ضهرك...
الولد:ماما تدرين وش اتمنى...
الام:وش تتمنى ياهيفا واهبي..
الولد:اتمنى بس تشوفين حليمه وتاخذينها قدوتك..
الام:وش انت ياحليمه؟
الولد:بنت بولند ياماما..
الام:اقول ليت والله تاخذ اخوك خلف قدوت(ن)لك مع انك اكبر منه بسنه
هذاك والله اللى شعر شنبه اكثر من شعر جسمك كله..
هذاك والله اللي زنده يوقف عليه التيس...انت لو تلبس ثوب شتوي ثقيل جاك الغظروف..
هذاك عزوتي...وسندي
الام:ياي
الولد:يس ماما
الأم:وش يس ذا جعل تيس ينطحك....يالسفنجه
انت من اللي علمك الهرج ذا قل لبيه يمه سمي يمه...
لو طب علينا حرامي وش بتسوي ياماما..
الولد:بشد شعر وبقوله عيب عليك..
الام:لاتكفى ارحمه مسكين وانت تحسب الحرامي مخلي شعره مثلك ياباربي؟؟
الحرامي يجيك في وجهه شطبة سكين اعرض من يدك
الولد:يوووووه لاتخوفيني ياماما اجل بقوله حوحو خذ كل شي الا السكيتنج حقتي واغراضي من بدي شوب خلها لي الله يخليك؟
الام:الله...وانت مسويله شي؟
الولد:وش اسويله ياماما بقوله لاتسرق ترا السرقه حرام..
الام:بس...
الولد:يس مامي يس مش بس
الام :الله يخلف على ام جابتك بس
((على دخلت خلف من الشارع))
الام:تعال خلف تعال..
خلف:سمي يمه لبيه..
الام هلا بعزوتي وسند ظهري هلا
لو دخل علينا حرامي ياخلف وش بتسوي فيه....امتعني سمعني اطربني...
خلف:بكسر ظهره ثمن بدعس على رقبته واقطع يده وافك ركبته...واعلقها على باب الشارع عظه وعبره لغيره...
الولد:يووء بتسوي فيه مثل ماسوو في بطل فلم الحريه مسكين..
خلف:سكين والله تقطع اذنك ذي اللي كنها كلية فار..
الولد:يؤ ترا مااستحمل الكلام ذا ترا ما اعرف انام اخاف....
بروح انام احسن لي من الجلسه معكم ياعيال دراكولا؟
الام:دراكولا يمص دمك هذا لو عندك دم ماطلع بجسمك عصير دناو احد يقول سذا عن امه؟
الولد:خلاص ماما سوري...
الام:سوري يهابدبك بجدران دمشق قول آمين...
الولد:ماما ترا بروح بعد ما الشمس يخف زعلها محل نكتار بشتري لي بعض الحاجات مخصله من عندي..
الأم:وش يخف زعل الشمس ماخبرت الحتسي ذا ؟
الولد:يعني ياماما لمن تبرد اشعة الشمس يعني بعد المغرب....
الام:وراك ماتطلع بالضحى ياجعلي اضحي فيك العيد الجاي...قصدي والشمس زعلانه
الولد:لا ماما اخاف بشرتي تتعور..
الأم:لاعاد تقول ماما ياجعل مومياء تحضنك...يالأنثى وبتروح مع من؟
الولد:بروح مع اصحابي وائل ولؤي وهيثم..
خلف يطمر من بعيد ويقول:على فكره حبيبي يااي اخبار وائل وشلونه هو..
الولد:ليه تسأل عنه؟
خلف:بس اسأل عن حاله..
الولد:زين تمام وتوه ماخذ شهاده في رقص الباليه...
خلف:لا لا سلامتك توكل ع الله...
الولد:ثانكس بباي
الام:اقول خلف وش جالس تثرثر به انت واخوك المايع مهيب عوايدك..
خلف:لا..بس اخوي واشوفه لايكون يمشي مع دشير ولاشي خايف عليه...
الام:ليته يمشي مع دشير ولاهو جالس يتمكيج قدام التسريحه كل يوم..
خلف:سلامتك يالغاليه..
الام:اقول ياوليدي ورا ماندخل اخوك ياي العسكريه ربه يترجل..
خلف:انسي انسي انسي الموضوع..
((وبعد ان خف زعل الشمس وجا وقت المغرب))
الولد:مامي انا طالع...
الام:وين رايح ياسالي..
الولد:يؤ ماماي نسيتي بروح نكتار..
الام:ايه ذكرتني طيب وانت جاي جب معاك خبز...
الولد:ليش مام..
الام:بتعشى ياجعل اتعشى يوم عرسك....مهما كنت ولدي وابي افرح بك..
مدري انت اللي بتخطب ولاهم بيخطبونك ياحسرتي بس..
الولد:لامامي بجيب كلوب هاوس..
الام:كلاب والله تعضك يالمايع..
الولد:وبعدين مام انا بتزوج تشلسي..
الام:وشو ذا...
الولد:بنت كلنتون..
الام:وش لبتن ذا..
الولد:ههههه ماما ضحكتيني لا بنت رئيس الولايات المتحده الامريكيه سابقا...
الام:وشو تقصد عمريكا؟؟
الولد:ايه شيكا بيكا ههههه..
الام:وتضحك بعد ايه خبري بك راعي شكشكه...
الولد:ايه مام وش احلى من اني اتزوج تشلسي...وبعد مأتزوجها...اكلم ابوها واقوله اطلع من العراق وكلم اسرائيل وخلها تنسحب من فلسطين..ولاترا بزعل تشلسي ولا راح اشريلها ايس كوريم...
الام:وهذا اللي تقدر عليه ياكبده امك تزعلها ولاتشتريلها عسكريم....
انا ابوك يوم زعل علي اعطاني طلقتين بالشوزن في ظهري....