على كلام الاخوان الاسماء طلعت
لكن ابي اعرف ليه هذا التأخير
وايضاً عدم وجود رد
لا والي يقهرني اتصل على السنترال اكثر من عشر مرات ولا يرد
هذا وش تسموه ..

انصحكم يا اخوان راجعوا الامانة باسرع وقت لان الاسماء نزلت اتصل علي واحد من الاخوان وقالي الاسماء نزلت تعال بسرعة وفعلاً راجعت الامانة ولقيت اسمي وسويت الكشف الطبي ولله الحمد وبعدها سألت الموظف ليه ما ارستلو رسائل او اتصال قال احمد ربك انك جيت لو تأخرت كان اخذنا الاحتياط

السلام عليكم

ياجماعة هذا الكلام غير معقول من كم اسبوع وكل يوم يطلع لنا واحد يقول اتصلوا على صاحبي
والثاني يقول النتائج هذا الاسبوع
والثالث عنده كلام مألفه من راسه

وخلونا من سواليف ( سمعت - ووكالة يقولون )

العملية تأخذ وقت كبقية الدوائر الحكومية تعرفوا الإجراءات هذا غير المراسلات مع الخدمة المدنية للتأكد من مناسبة الشهادات للوظائف وأحياناً يتم استبعاد من لا تتناسب شهادته مع الوظيفة وهذي نادرة جداّ
ويطلبون بديل من الاحتياط لمن اعتذر عن الوظيفة أو توظف في مكان آخر

والشغلة تحتاج منكم صبر ولا أحد يستعجل على رزقه .. أهم شي خلي جوالك شغال على مدار الساعة لأن الأمانة في حالة القبول للوظيفة سيتصلون بالمرشح أو يرسلوا له رساله .. وسيعلنون الاسماء بإذن الله .

الله يرزق الجميع .. وتحياتي لكم

شباب وربي الكلام هذا ما ينفع

انا ساكن في الرياض
وصعبه اروح امانه جده علشان اشوف اسمي طلع ولا لا

الي عنده مصدر ثقه يقول
وفكونا من الاشاعات ..

ياجماعة اتاكدو من وجود اسمائكم عن طريق الرقم التالي
026149999
تحويلة مباشر ...8542 او 8613 او 9087 .....وبالتوفيق

انا اتصلت عليهم من هذي التحويلات وركزو على التحويلة الاخيرة جاوبوني عليها بسرعة ......
وبالتوفيق للجميع

والله يا اخوان الكلام اللي كتبتة صحيح والاسماء رجعت من الديوان وتحديداً الوظيفة اللي انا متقدم عليها ولو لا الله ثم اتصال احد المتقدمين معي على نفس الوظيفة ولا كان طارت الوظيفة خصوصاً ان الامانة ما كلفوا انفسهم باتصال والحين انا بنتظار قرار التعيين