الحين الشباب يخلون زوجاتهم يقدمون ابتعاث لانه سهل بالنسبه للبنات علشان يطيرون معهم ويكملون دراستهم
وانت تقول مملكتي الحبيبه
اذا رحت ان شاء الله وكملت دراستك بتجي تنفع مملكتك الحبيبه

لو ما رحت انت الخسران الزوجه والحياة الحلوه والمنعمه
روح هناك كملت دراستك لاتصير زي الفاشلين تندب حظك روح هناك ويعطوك الاولوية تدرس واذا شغلك حكومي خذ اجازه بدون راتب وبرتجع بشهاده جديدة وحتى زوجتك ترجع ومعها شهاده توظفها وتعيشوا عيشه كريمه تتشاركوا على خير وتربوا عيالكم وهناك في جاليات ومدارس كويسه للاطفال ادخل منتدى مبتعث وجهز شنطتك ولاتكسر قلب البنت سبحان الله الحين لو انت اللي جاتك البعثه وهي رفضت على طول بتسحب عليها وتجيب غيرها لكن ان شاء الله ماتكون من هالنوعيه
روحوا وسافروا واستانسوا وشوفو الناس ولا ترجعوا الا وانتم دكاتره ترى الدراسه هنا تجيب القرف تعقيد وواسطات هناك امورهم سهله وناس مايهمهم انت ولد من ومن وين جاي
ماعليك من المهولين والمرجفين تلقاهم قبلك واصلين المطار !!!

اعرف ناس راحوا ودرسوا وكملوا ورجعوا وكلهم مسكوا مناصب عليا وحتى عيالهم كبروا وارسلوهم وماشاء الله كلهم اطباء وعلماء والناس ترجع لهم بكل شي

واتذكر انك هناك تمثل الشعب السعودي والمسلمين احرص انك تكون فعلا انسان فعال وايجابي
وبشرنا بخبر الزواج ان شاء الله

اخوي بندر
مرافق المبتعثه يبتعث ويكمل دراسته فلاتحرم نفسك وتحرم بنت الحلال فرصة العمر اللي حلمت فيها وتحققت بشرط وجود محرم معها .
فكر واستخير ربك إن شاء الله ربي يعطيك على قد نيتك
كثير ناس تتمنى النعمة اللي انت فيها

السلام عليكم ورحمة الله وبركاته

اخوي بندر سكرتير طلقها ودلني على بيتها عشان اروووح انا معها بعثه والله انك خبل احد يرفص النعمه برجوله وهذا الي يقول البعثه حرام اخونا جوزيفكو هذا حاسد انتبه وانا اخوك من هذي الاشكال توكل على الله وروح مرافق معها وادرس دبلوم ولا كمل اذا كنت جامعي ترى تنفعك هذي الفرصه الذهبيه الي غيرك يحلم فيها اخوي بندر تكفى لاتضيع الفرصه روح والله غير تدعيلي ادرس انجليزي واذا جيت والله كل وظيفه تتمناك روووووووووح

المسألة ليس مسألة راتب مغري تأخذه أنت لقاء سفرك معها ..لو أردت أن تأخذها بهذا الشكل المادي البحت فستجد أنك اخطأت وتاجرت بأشياء كثيرة ؟؟
السؤال الأهم ..أنت.. ماهو موقفك من القضية ؟
المسألة أيضا ليست في أن أترك وطني من أجل مبلغ من المال ..
أساسا وطنك هذا لا أحد يشتريه بريال .. لكن لا علينا من هذه المبالغات ..أنت كشخص لديك هدف في الحياة وتسعى لأجله .. لا تبيع وطنك ..أنت تخدم نفسك وتخدم وطنك بالمقابل .. فأنت لو أردت أن تبيعه لما أعطاك وطنك هذه الامتيازات !

وكرأي متجرد .. أنا لا أؤمن بجل ما تقوله .. أساسا أنت تتناقض في كثير من الأمور..المشكلة ( هل لديك موقف شخصي من مجرد سفر زوجتك أو أختك بحضرتك طبعا ..إلى الخارج ) هو لا يوجد مانع شرعي تماما .. ولكن هناك موانع اجتماعية لا تخفى ..
هل لديك ؟ إذا لم تكن لديك من هذا الجانب مشكلة كبيرة ..
فأنا أرى أن تسافر مع خطيبتك كرد الدين لأهل الدين ..هي وأهلها الذين وافقوا عليك بثمن بخس !
تعلم في الخارج مع خطيبتك .. خذ لغة يا أخي .. فالعبادة لا تختلف في أي مكان في الأرض ( وجعلت لي الأرض مسجدا وطهورا ) سافر وتغرب وهاجر أنت وأهلك .. خاطر يا أخي جازف (لو افترضنا أن بها مخاطرة ) ! حاول أن ترى العالم والشعوب والحضارات .. لا أعتقد أن دينك سينتهي لمجرد سفرك
فما أكثر الضائعين في هذا البلد وهم بلا دين ولا خلق !!
فكر ولكن تذكر أن في الطلاق جرح غائر لا يخطئ قلب إنسانه رضت بك
وتمنت أن تكون معها !!
لا تحاول أن تجعل منها نهبة للإختيار بين ما تراه حياتها وحياة زوجها
وبين زوجها .. لا تكن أنانيا
وشأنك أنت وزوجك ..متمنيا لك التوفيق .

(فسؤالي ياجماعة الخير ياهل الخبره بالبعثات لان ماعندي خبره بالبعثات
هل يعطون المرافق الزوج راتب 10 الف ريال اذا صحيح راح اجهز شناطي من الاسبوع الجاي)
فعلا انت مصلحجي يعني عشان كم بيعطونك بتروح ولا تقول مستقبل زوجتي ونروح نأسس حياتنا مع بعض ياليتها هي الي ترفضك ... وبعديين مملكتي وديرتي ترى كلها سنتين او ثلاث يعني منت رايح القمر ؟؟... يعني فعلا تفاجئت من كلامك محد منكم يقدر يحب ويعطي من غير حدود .. صارت المسألة مادية ؟؟

مع احترامي الشديد
العب غيرها والله انك تحط لنا من الارانب الي ماهي هينه
اذا كنت صادق فك البنت من شرك لانك راح تصير باالنسبه لها غلطه عمرررررررر

ابي اعرس على بنتهم اذا عندها اخت واصير عديلك

توكل على الله وررح

ياحبيبي بعد كل هالمديح وملكة جمال واهلها اجاويد وطيبين وساعدوك وتسأل كم يعطونك اذا رافقتها ؟؟

لو يقولون مالك ولا ريـال لاتتخلى عنهآآ , اول اختبار وتسأل عن المقآبل ؟

الزواج ظروف صعبه بتمر عليك مع السنين وتحديات اصعب من مرافقه زوجتك ببعثه ,

إذا انت رجال تبي تتزوج وتتعلم روح مع زوجتك . خلك جنبها هي اول مرة تحتآجك خليك مكآنهآ

مملكتك الحبيبه على قولتك مارح توكلك عيش ولابتزوجك بـ 10000 الاف ,

آآخ يالقهر تجيك بارده مبرده وللحين تفكر ومتردد , واللي يقولك اتركها وشف غيرها

عسى ماشر يالطيب تتكلمون عن سياره انتم ولا زوجه

زواج يعني 1 + 1 = 1

توكل على الله وجهز شناطك بفلوس ولابدون

اقرب حجز ياطويل العمر

ويالبى الغربه دام فيها زوجه ونسب ناس ساعدوني ووقفوا معي

اتمنى لك التوفيق ونصيحه لاتفرط في زوجتك

لك>

يآ أخي مسوي من الحبة قبه .!!

ما تبغى تهجر مملكتك الحبيبة والشعب الطيب ..أقسم بالله فطست ضحك ..
أحد قآلك انك بتهاجر مره وحده..انت بتطلع معاها بعثه كم سنة وراجعين والخير معاكم ان شاء الله ..

أحسك شايفها إهانه إنك تطلع معاها مرافق .. اسمع مني توكل على الله وأمشي في امور البعثه وربي يوفقكم
انت بتطلع معاها مرافق يحق لك من الوزراة انك تدرس سنة اللغة مع زوجتك ..
واذا حبيت تنظم للبعثه وتدرس بالجامعة مع زوجتك كمان تقدر قدم أوراقك وجيب قبول جامعة والملحقيه حـ يضبطوا وضعك وتتحول إلى طالب مبتعث ..
كمان حـ يُصرف لك راتب شهري وقدره....... حسب الدوله اللي مبتعثين لها
وراتب لـ زوجتك المبتعثه وقدره........ وحـ يكون راتبها أعلى لأنها مبتعثه ..
لو عندكم أطفال مستقبلاً ..يصرف للأطفال راتب وقدره ..........
غير تذاكر السفر ..والعلاج ..

>>نسيت شي اذا جاكم نونو في بلد الإبتعاث يعطوه الجنسية تخيل ولدك وإلا بنتك سعودي كندي مثلاً فله

يعني الأمور سهالات ان شاء الله فـ ليش التعقيد والتردد ..
توكل على الله وخذ زوجتك وطيروا للإبتعاث ..وكمل انت ويآها ..وربي يرزقكم ويوفقكم ..

اقتباس:

هل يعطون المرافق الزوج راتب 10 الف ريال اذا صحيح راح اجهز شناطي من الاسبوع الجاي يستهل هالرتب هالغربه الي راح اعيشها اما اذا كان الراتب يقل عن العشره فمستحيل اخلي ديرتي علشان الفتات الله يعز الاسلام والمسلمين ...

اذا الراتب أقل من عشرة الآف ما حـ تسافر

اقتباس:

واسف على الاطاله لكن مارح القى حل لمشكلتي الي هنا ....

مافي مشكله من الأساس ..
انت ما شاء الله محظوظ أكثر من غيرك ..زوجة جآتك والمهر سهالات وغيرك مو قادر يتزوج
وجآتك فرصة ابتعاث هذا لو حسبتها صح ..وغيرك يتمنى ومو قادر

بالتوفيق لك ..