اقول بندر انكانك جاد في القصة فانا اقولك الي هذا اوله ينعاف تاليه مادامه تبغى تسافر برا المملكة بدون محرم سلامات مايجوز يعني وين تقول عائله محترمه الحين السفر للحج بدون محرم ما يجوز عاد كيف برا المملكة اقول خلك منه وتراه البنات الحين ماليات البلد يعني خله تولي بس هاذا رايي

ونصيحه لا تلفت لارائ عوائل متفتحه الي يقول حنا بعصر تطور هذا لا تسمع له

أنا راح أكلمك من خبرة وتجربة وياليت تقرأ ردي كذا مرة عشان تفهم << لأن واضح فهمك ****
ولا أقول بكلمك بأسلوب ثاني يمكن تفهم

بس بالبداية حبيت أقول لك نقطة لو اني في موقف خطيبتك أو بالاصح زوجتك باعتبار انك مملك عليها وقرأت ردك ذا أقرب محكمة تأدي الغرض وكل حي يتسهل على طريقه
>> على فكرة تراي متزوجه وعندي بنية الله يحفظها

من الآخر انا توني متخرجة مالي غير ترم ومن مبتعثات البرنامج السادس والظاهر زوجتك بنفس المرحلة
أبسط شي ممكن أنك ترده لأهلها التقدير اللي قدروك هو
وقدرها هي قبل كل شي وحسسها بقيمتها عندك
احمد ربك انسانة وصلت لمراتب متقدمة من العلم ومعدلها وجهدها أهلها لأنها بتكون مبتعثة
انسانه مثلها بكرة ان شاء الله تكون خير مربية لعيالك
لا تظن ان الغربة أو الدراسة ممكن تلهيها عنك أو عن الأطفال مستقبلا طبعا اذا لقيت أحد ينشد فيه الظهر ويكون لها عون موب فرعون
فيه سؤال مهم تجاوب عليه بينك وبين نفسك
انت تدور حرمة ولا انسانه ؟

بخصوص راتبك كمرافق لك حالتين :
اذا كنت موظف حكومي اجازة استثنائية بورقة تجيبها لك من وزارة التعليم العالي مقر ادارة البعثات أو برسالة ايميل لموظفات الوزارة توصلها دايركت على ايميلها وتقدمها انت لمقر عملك
وتسافر تتهنا انت وهي وبعد تدرسو وتكونو نفسكم راح تآخذ انت راتب مرافق وهي راتب مبتعثة واذا ربي رزقكم بأطفال راح يكون له راتب مع التأمين الصحي للكل الراتب يختلف حسب الدولة المبتعثين لها وقبل الراتب حط ببآلك انك بتدرس لغة و بعدها تكمل دراستك على حسب المؤهل اللي عندك
لأنه من حق المرافق انه يدرس طوال فترة مرافقته للمبتعثة وفور التحاقه بالبرنامج الأكاديمي بعد سنة اللغة يصبح مبتعث مستقل

أما اذا كنت موظف بقطاع خاص فحسب جهة عملك ممكن اجازة أو فصل وانت فكر بالجوانب الايجابية الافضل لك

في حآلة خاصة وهي انك تكون عسكري ( مثل زوجي ) وهذي أمورهم صعبة شوي ومع ذا الحمد لله حصل زوجي على الحاق عسكري ومع ذا ما تهاون ومن أول مرة قال اتركي البعثة >> ياعسا ربي مايخليني منه فديته
صدق اللي قال أصابع يدك مو سوا

وفيه حآله كمان واللي استشفيتها من كلامك وهي انك تكون عآطل تحوس في منتديات حلول البطالة

نرجع لموضوعك وودي اقتبس كذا جملة وأبيك انت تعلق عليها

قارن بين جملك اللي فوق واللي تحت

اقتباس:

المهم استشرت ناس وقلت ليهم القصه

اقتباس:

اقول لنفسي اطلقها واسترد فلوسي احسن

شآور نفسك واترك عنك النآس والله مايجيب البلا الا كثر مشاور النآس شآور العاقل واترك عنك البآقي

اقتباس:

اني اروح معها واهجر مملكتي الحبيبه وشعبي الطيب واهلي واصدقائي علشان 10 الف ريال ..

ما أدري يعني شعبك وأصدقائك بيردون لك احترامك اللي بتفقده قدام الناس اللي احترمتك وقدرتك ؟ ولا بيدبرون لك شهادة ولغة تجيب لك بكرة انت وعيالك مكانة طيبة ان شاء الله وعلى فكرة المرافق يدرس لو مؤهله مقبول

اقتباس:

هل يعطون المرافق الزوج راتب 10 الف ريال اذا صحيح راح اجهز شناطي من الاسبوع الجاي يستهل هالرتب هالغربه الي راح اعيشها اما اذا كان الراتب يقل عن العشره فمستحيل اخلي ديرتي علشان الفتات

يعني لو 9999 مستحيل تترك ديرتك علشان الفتات ؟؟
عجيب والله !!

دراسة + راتب + زوجة + تأمين صحي
وأهم شي قبل ذا كله ماتدري ان الكلمة أمانة !!

أنا فاهمة شعور كثير من الشباب اللي ممكن يرفض انه يكون مرافق لمبتعثة
والنآس أدرى بظروفها
وومكن إنك تكون مستعجل على إنك تكون أسرة و تستقر عند أهلك أفضل من أي مكان بالدنيا وبكذا تعين وتعاون

لكن بصراحة كلامك مستفز فوق كل الظروف اللي شرحتها انت أدنت نفسك بنفسك وعيب والله يكون تفكيرك كذا
وترا العشرة هنآ مو مثل العشرة هنآك لو حآط ببالك العشرة ولا غيرها
صحيح تقدر توفر منها لو انت حآط ببالك التوفير وقل الصرف وانك رايح عشان هدف محدد وواضح فيه بنات وشباب فاتحين بيوت من مكافائات كلياتهم هنا
واعرف مبتعثين يرسلون لاهلهم من رواتبهم لانهم عارفين هم ليش رايحين وفيه مبتعثين مايجي نص الشهر الا هو ينتظر راتب الشهر اللي بعده من الصرف والطلعات والفله

وتذكر انك لو استمريت ووافقت تروح معها انكم بتكونو بأول سنة زواج وهي اصعب سنة فبتكونو لسى فرش متزوجين ومغتربين كمان
أنا أنصحك لو بتكمل وتسافر معاها تشيل كل الافكار اللي متخفية ورا الكلام اللي كتبته وتجدد نيتك عشان تقبلو على دراسة وحيآة حلوة ان شاء الله

باين من كلامك انك طيب وعلى نيآتك بس كلام النآس يوديك ويجيبك سيبك من كلام النآس واستخير ربي والله يكتب لك الخيرة فين ما كانت

قدر شيبة أبوها اللي أحسن لك
وتذكر ( وهل جزاء الاحسان الا الاحسان )

آسفة لو غلطت بشي
بس ذا اللي عندي

مشكورين لجميع الي شاركو البعض شارك بانتقادت وتجريح لي اكثر مما انا مجروح بقرار خطيبتي البعض وصفني بالخبل والغبي وغريب الاطور لكن الله يهدي كل من تسرع بضلمي اعرف هدفي اولاً لان واحد مثلي تعدا 28 من العمر وش يبي من السفر برا انا كان هدفي تكوين اسره صغيره واني استقر مع اهلي وهذا ماقدر اشريه بفلوس الدنيا لكن اعترف اني غلطان يوم اني فكرت اروح علشان الفلوس مافكرت فيها لانها فاجاتني بقرار البعثه الصعبه وعلى فكره انا موظف براتب 3الف ريال يكفينا لكن انشالله راح اتوصل مع اهلها اما انا والبعثه وصدقوني انا اسف لاني اشغلتكم بمشكلتي وارجو من الجميع احترام نفسهم والتادب في الردود لاني مو ناقص كلام فاضي انا رجل وماحد يمشي كلامه علي سوا نعمه والا نقمه مشكورين جميعا واسف ..

اخوي بندر



تبي نصيحتي

روح ادرس معها برا

مافيه شئ احسن من العلم والدراسة

انا كنت مبتعث لبريطانيا (كنت عزوبي وقتها)

كنت احسد السعوديين المتزوجين هناك

---

قبل كل شئ

استخير ربك

اقول اذا مابتسافر

قولي انا بخطبها بدالك هع

يارجال توكل ع الله

قال مملكتك قال

راتبك 3.000 بس..!!

أقول توكل على الله والمملكة الحبيبة لن تذهب بأي مكان

وكلها كم سنة وترجعون ووضعك يكون أفضل من اللي انت فيه وكذلك زوجتك وتضمنون مسنقبلكم ومستقبل أبنائكم وبناتكم

اما راتبك الحالي صدقني لا توكل عيش والاسعار في ازدياد كل سنة

والظروف المعيشية تزداد صعوبة فكيف لو كان لديكم أطفال والراتب قليل جدا وانت قاربت الثلاثين

هذه نصيحتي من أخ لأخ .انت لا تفكر الان... فكر في المستقبل حيث الضمانة لك ولعائلتك


بالتوفيق ان شاء الله

الله يوفقك ويوفقها يارب
استخير الله والله يكتب لكم الخير

مغلق