خطيبتي ابتعثوها وانا تورطت )-:

بندرسكرتير · #1 (**permalink**) 15-02-2011, 07:20 PM

[gdwl]ياخون وقعت بمشكله عويصه تبدتي قصتي من 4 اشهر خطبت من عند عايله مشهود لها بالاحترام واول ماخطبت عندهم هم عارفين ضروفي وقدروني صارحه الله يجازهم الف خير فخطبت اكبر واحده وقال الولد المهر 25 الف ريال شامل كل شي والحفله بقاعه ماتكلف الف ريال مع الحسوبه كلها تطلع 30 الف ريال

وينكم ياشباب من تتعذرون بغلاء المهور وووو الخ

انا نويت النيه والحمدالله خذيت ملكة جمال بدون منازع ب30 الف حتى رضيت تسكن مع اهلي مع شرط الخصوصيه المهم هذا موضعنا وكانت فتوكلت على الله وعطيت ابوها 10 الف ريال وقلت الباقي اجيبها لما اتسلف من بنك الحكومه تبع الزوج لما اعطيهم صورة كرت العائله وفق الولد ومرت الايام واذا بالولد البنت يتصل علي ويقول خطيبتي جاتها بعثه ولزم تسافر وانت محرمها وباقي المهر مسامحينك فيه وبنسوي حفله بالبيت المهم اني انفعلت وغضبت وقلت لا انا مستحيل اخلي بلادي وديني علشان اروح لبعثه مرافق معها انصدمت

قال الاب رح فكر وانا خيرت طلق بنتي ونرجعلك فلوسك كلمت خطيبتي بالجوال مصره تبي البعثه

المهم استشرت ناس وقلت ليهم القصه الي يقول خذ فلوسك وخلها تولي ولي يقول رافقها ترا المرافق يعطونها مبلغ لايقل عن ال 10 الف ريال ولاتحلم انك بتلقها هالراتب هنا المهم اني محتار واجد ساعات اقول لنفسي اطلقها واسترد فلوسي احسن
وتفكيري الثاني اني اروح معها واهجر مملكتي الحبيبه وشعبي الطيب واهلي واصدقائي علشان 10 الف ريال .. فسؤالي ياجماعة الخير ياهل الخبره بالبعثات لان ماعندي خبره بالبعثات
هل يعطون المرافق الزوج راتب 10 الف ريال اذا صحيح راح اجهز شناطي من الاسبوع الجاي

يستهل هالرتب هالغربه الي راح اعيشها اما اذا كان الراتب يقل عن العشره فمستحيل اخلي ديرتي علشان الفتات الله يعز الاسلام والمسلمين ... واسف على الاطاله لكن مارح القى حل لمشكلتي الي هنا ....

[/gdwl]

جوزيفكو · #2 (**permalink**) 15-02-2011, 07:28 PM

[align=center]اخوي الدين فوق كل شي فلا تجعل المال اكبر همك....انا قرأت فتاوى عن البعثات وحكمها لا يجوز...ونصيحه من اخوك دورلك على وحده غيرها...دعواتي لك بالتوفيق
[/align]

متخرج وحايس · #3 (**permalink**) 15-02-2011, 07:31 PM

[align=center]صرفهـــــــــــــــــا[/align]

ممرض تحت الانشاء · #4 (**permalink**) 15-02-2011, 07:38 PM

يعني انت بتهجر المملكه كل عمرك

ياعالم تفكير الخلق مدري وين راح

تحمل ياخي انت رجل

واذا مانت رايح صدقني مانت قد الخطووبه من اولها

وجهة نظر**

بو سليمااان · #5 (**permalink**) 15-02-2011, 07:42 PM

أنا أقول روح معها ،، و اكتسبها من ناحيتين انك يا طويل العمر تكسب لغة وتاخذ دورات إدارية و ترجع وانت عندك لغة انجليزية و هذه الدورات ،،، توكل على الله و روح ما تدري يمكن ترجع و تلاقي الـ 10 الالاف تستناك

لا تضيع هذي الفرصة

حسين صلوي · #6 (**permalink**) 15-02-2011, 07:48 PM

احس انك تتريق يا اخي
وبالنسبة للي يفيدك في البعثات منتدى اسمه مبتعث وهذا رابطه
http://www.******.us/vb/

شبابي الرياض · #7 (**permalink**) 15-02-2011, 07:49 PM

والله من يوم شفتك وانت قاعد تقولي مملكتي والحبيبه ومدري ايش وانا غاسلن يدي

محد درى عنك وانت تقول مملكتي الحبيبه ياحبيبي رح شف مستقبلك وخذلك دوره انجلش وثاني شي تراك بتتزوج وبدون تكاليف لو انا منك وافقت وانا مغمض مايبيلها سؤال

والراي الاول والاخير لك وبالتوفيق

وهج بسمتك · #8 (**permalink**) 15-02-2011, 07:53 PM

بصراحه جاء ها الخبر مفاجئ لك والمفروض يعلمووونك قبل لاتخطبها

احس انهم يبونك ولي ومرافق لها بس مو زوج!!!!

الله يعوضك باحسن منها ’’ اذا تبي بنت حلال ادلك عليها ابشر من عيوني جمال ودين وخلق

مزاح · #9 (**permalink**) 15-02-2011, 07:54 PM

السلام عليكم ورحمة الله وبركاته

اخوي بندر سكرتير طلقها ودلني على بيتها عشان اروووح انا معها بعثه والله انك خبل احد يرفص النعمه برجوله وهذا الي يقول البعثه حرام اخونا جوزيفكو هذا حاسد انتبه وانا اخوك من هذي الاشكال توكل على الله وروح مرافق معها وادرس دبلوم ولا كمل اذا كنت جامعي ترى تنفعك هذي الفرصه الذهبيه الي غيرك يحلم فيها اخوي بندر تكفى لاتضيع الفرصه روح والله غير تدعيلي ادرس انجليزي واذا جيت والله كل وظيفه تتمناك روووووووووح

تحياتي اخوك مزاح