خطيبتي ابتعثوها وانا تورطت )-:

عبدالله الاحمد · #11 (**permalink**) 15-02-2011, 08:01 PM

اقتباس:

المشاركة الأصلية كتبت بواسطة جوزيفكو

[align=center]اخوي الدين فوق كل شي فلا تجعل المال اكبر همك....انا قرأت فتاوى عن البعثات وحكمها لا يجوز...ونصيحه من اخوك دورلك على وحده غيرها...دعواتي لك بالتوفيق[/align][align=center]
[/align]

وش تحس فيه تكفى ؟

رهام الغلا · #12 (**permalink**) 15-02-2011, 08:04 PM

انت شخص غريب فكرت في ترك بلدك مافكرت في البنت
انت يوم خطبتها وصارلكم 4 شهور ماحبيتها؟ هاللي تبي تتخلى عنها بسهوله؟؟

معقوله كل هالفتره ماحن قلبك على خطيبتك وتبي تتركها بسهوله عشان بعثه ووين بتلقى اصلا مثلها على قولتك جمال
وتعليم ومهر قليل واهلها مسهلين عليك وغير كيذا تروح معها سفره ماحلمت فيها

مشمش وخوخ · #13 (**permalink**) 15-02-2011, 08:05 PM

إلحين تقول لقيت ناس محترمين وقدروا ظروفك وماراح تلقى أحد مثلهم والبنت ع قولتك محترمه وملكة جمال وتتخلى عنها من أول موقف تحتاجك فيه ؟؟ وين التضحيه ياخي روح معها كلها كم سنه وترجع لمملكتك الحبيبه
تستاهل زوجتك التضحيه .. وإلحين فكرت بالفلوس ولا فكرت بالبنت وش شعورها وكيف بينكسر قلبها لو تتركها ع شان سبب تافه (الغربه ) زوجتك معك يعني منت بلحالك وبعدين أسمحلي دام تفكيرك الفلوس ولافكرت بالبنت اللي راعت ظروفك وبعد رضت تسكن مع اهلك وغيرها مايرضاها ..
بصراحه أنت ماتستاهلها وإن طلقتها تكون سويت خير فيها خلها يجيها واحد يقدرها ويستاهلها .. لاتزعل بس بصراحه هذي الحقيقه ناس تفكر بالفلوس ولاتقدرالنفوس أعوذبالله من هالأشكال ..

طفشت من كل شي · #14 (**permalink**) 15-02-2011, 08:06 PM

يَ حبيبي روح بلآ مملكتي الحبيبه بلآ خرآبيط

رح وادرس هنآك معهآ بنفسس الجآمعه بعد

واكسب لغه وكل ششششي

: )

تحدوهآ البشر•• · #15 (**permalink**) 15-02-2011, 08:07 PM

مسآآء الخير أخوي

أنا بالبدآية أدعي لكم بالتوفيق في كلا الحآلتين إن استمريتوا مع بعض أم لآ

ثانياً: أنا وجهة نظري انك تروح معها ,,

لأنها بتروح هناك تتعلم وتستفيد وتجي تفيد هالبلد ما بتروح ترقص و تتعرى وتسكر , يعني مو حرآم ولا شي

(مع احترامي لصااحب الرأي ).. هذي نقطة

النقطة الثانية انت ممكن تستفيد بتطوير نفسك في اللغة وفيما هو متعلق بمجال عملك

وبعدين البعثه اعتبرها شهر عسل ع حساب الدوله

وكلها 3 سنوات تعدي بلمح البصر ..

تووكل ع ربك وتزوج وروح

جوزيفكو · #16 (**permalink**) 15-02-2011, 08:10 PM

اقتباس:

المشاركة الأصلية كتبت بواسطة مزاح

السلام عليكم ورحمة الله وبركاته

اخوي بندر سكرتير طلقها ودلني على بيتها عشان اروووح انا معها بعثه والله انك خبل احد يرفص النعمه برجوله وهذا الي يقول البعثه حرام اخونا جوزيفكو هذا حاسد انتبه وانا اخوك من هذي الاشكال توكل على الله وروح مرافق معها وادرس دبلوم ولا كمل اذا كنت جامعي ترى تنفعك هذي الفرصه الذهبيه الي غيرك يحلم فيها اخوي بندر تكفى لاتضيع الفرصه روح والله غير تدعيلي ادرس انجليزي واذا جيت والله كل وظيفه تتمناك روووووووووح

تحياتي اخوك مزاح

الله يهديك اخوي شوف كلام ابن باز http://www.binbaz.org.sa/mat/205

جوزيفكو · #17 (**permalink**) 15-02-2011, 08:18 PM

اقتباس:

المشاركة الأصلية كتبت بواسطة عبدالله الاحمد

وش تحس فيه تكفى ؟

قال الرسول صلى الله عليه وسلم : ( من حسن اسلام المرء تركه مالا يعنيه )

تحدوهآ البشر•• · #18 (**permalink**) 15-02-2011, 08:19 PM

اقتباس:

الله يهديك اخوي شوف كلام ابن باز http://www.binbaz.org.sa/mat/205

__________________

أخوي الله يسلمك

لاا تفتروون ع الرجال الله يرحمه ويجزاه خير وتقولون قال (حرام)

افهموا قصده يا ناس ,, قال ((خطر )) وليس ((حرااآم ))

ثانياً هو وآضح جدا جدا ما ذا يقصد بهذه الفتوى : اللي يروحون هناك باسم الدراسه

وهو من جنبها >> يسهر بالنوادي ويسكر وو...

لكن العلم والتعلم من الضرووة ولا يجادل فيه أهميته وضرورته اثنان

تحيآآتي لك اخوي

باقة ورود · #19 (**permalink**) 15-02-2011, 08:19 PM

اخوي ادخل منتدى مبتعث وشوف كم مكافأة مرافق المبتعثة طبعا لأنها تختلف من دولة لدولة ..وفوقها تزيد المكافأة بزيادة المرافقين يعني اذا جاكم بيبي ان شاء الله ..ويحق لك بعد كمرافق تتحول لمبتعث حالك حال زوجتك وتدرس لغة انجليزية وبعدها تدخل للجامعة ويكون راتبك منفصل عنها تماما ومساوي لها اللي في امريكا حوالي 7 الاف ريال وزيادة...الطريف في الموضوع انت بعض الناس يعتبرونك رافس لنعمه لأنه في أشخاص يتمنون الابتعاث بواسطات وغيره والا يتركون وظايفهم وطالعين على حسابهم الشخصي وتحولوا لمبتعثين على حساب الحكومة ..بالنهاية انت استخير وشاور ناس ذوو رأي وحكمة واحسبها من ناحيتك ووظيفتك الحالية هل تستطيع العودة لها بعد 3 سنوات بالقليل او 5 بالكثير اوبترجع من مرحلة الصفر ورحلة البحث عن وظيفة ..

ووفقك الله ويسر أمرك

سنوايت · #20 (**permalink**) 15-02-2011, 08:24 PM

اولا ً احمد ربك وبوس ايدك وجه وقفى ان ابوها رجال اجودي وافق على 10000 ريال
ثانياً اذا تفكر انهم يعطونك 10000 وعلشان كذا بتروح فلا تكلف على نفسك هي بتلقى من يروح معها لو تروح الحالها بتعرف تدبر امورها لان عندها هدف تبي توصل له والله يوفقها

ثالثاً اذا انت رجال تبيها وتبي تروح معها لانها زوجتك وبتروح معها لذاتها مو لفلوس ولا غيره فرح اما اذا عينك على الفلوس والله ماتعيش

رابعاً تذكر انك راح تتعب فتره ويمكن بعد ماترجع تتوظف البنت وتساعدك وتتساعد انت وياها على عيشتك وتأمين مستقبلكم ومستقبل عيالكم

انا لو اني في موقف البنت مااخلي ابوي يخيرك الا بقول بسلامته بداله غيره وبروح اكمل دراستي واامن مستقبلي
بس حط نفسك مكانها والله ماراح تلتفت عليها الا بتروح وبتكمل دراستك

ولا يهمك من يقول دور غيرها لو واحد منهم في مكانك تمسك فيها بيديه ورجليه طبعاً هذا رأيي الشخصي وحرية الاختيار لك

وعلى فكره مو هي الحاله الي مستفيده حتى انت يكفي انه بيكون معك لغه

واتق الله في البنت لا تاخذها علشان انك بتروح معها وبيعطونك فلوس يمكن يقولون لك ايه نعطيك 1000000 مو 10000 بس اذا رحت معها ماتلقى ولا ريال

اسس حياتك على اساس متين مو على فلوس وخل حيطانه الحب والاحترام والمساعده فيما بينكم والله لو انك في هالموقف

ماراح تلقاها منزله موضوع تشوف اراء الناس بالعكس هي اول وحده راح توقف جنبك وتساعدك وتشجعك
وجرب بنفسك اي موقف وشوف ردت فعلها راح تكون في نفس الوقت بدون اي تفكير

والله يوفقك يارب ويوفقها هذا رأيي وهو رأي بنت يعني نفس شعورها

واسفه على الاطاله