خطيبتي ابتعثوها وانا تورطت )-:

بندرسكرتير · #1 (**permalink**) 15-02-2011, 07:20 PM

[gdwl]ياخون وقعت بمشكله عويصه تبدتي قصتي من 4 اشهر خطبت من عند عايله مشهود لها بالاحترام واول ماخطبت عندهم هم عارفين ضروفي وقدروني صارحه الله يجازهم الف خير فخطبت اكبر واحده وقال الولد المهر 25 الف ريال شامل كل شي والحفله بقاعه ماتكلف الف ريال مع الحسوبه كلها تطلع 30 الف ريال

وينكم ياشباب من تتعذرون بغلاء المهور وووو الخ

انا نويت النيه والحمدالله خذيت ملكة جمال بدون منازع ب30 الف حتى رضيت تسكن مع اهلي مع شرط الخصوصيه المهم هذا موضعنا وكانت فتوكلت على الله وعطيت ابوها 10 الف ريال وقلت الباقي اجيبها لما اتسلف من بنك الحكومه تبع الزوج لما اعطيهم صورة كرت العائله وفق الولد ومرت الايام واذا بالولد البنت يتصل علي ويقول خطيبتي جاتها بعثه ولزم تسافر وانت محرمها وباقي المهر مسامحينك فيه وبنسوي حفله بالبيت المهم اني انفعلت وغضبت وقلت لا انا مستحيل اخلي بلادي وديني علشان اروح لبعثه مرافق معها انصدمت

قال الاب رح فكر وانا خيرت طلق بنتي ونرجعلك فلوسك كلمت خطيبتي بالجوال مصره تبي البعثه

المهم استشرت ناس وقلت ليهم القصه الي يقول خذ فلوسك وخلها تولي ولي يقول رافقها ترا المرافق يعطونها مبلغ لايقل عن ال 10 الف ريال ولاتحلم انك بتلقها هالراتب هنا المهم اني محتار واجد ساعات اقول لنفسي اطلقها واسترد فلوسي احسن
وتفكيري الثاني اني اروح معها واهجر مملكتي الحبيبه وشعبي الطيب واهلي واصدقائي علشان 10 الف ريال .. فسؤالي ياجماعة الخير ياهل الخبره بالبعثات لان ماعندي خبره بالبعثات
هل يعطون المرافق الزوج راتب 10 الف ريال اذا صحيح راح اجهز شناطي من الاسبوع الجاي

يستهل هالرتب هالغربه الي راح اعيشها اما اذا كان الراتب يقل عن العشره فمستحيل اخلي ديرتي علشان الفتات الله يعز الاسلام والمسلمين ... واسف على الاطاله لكن مارح القى حل لمشكلتي الي هنا ....

[/gdwl]

جوزيفكو · #2 (**permalink**) 15-02-2011, 07:28 PM

[align=center]اخوي الدين فوق كل شي فلا تجعل المال اكبر همك....انا قرأت فتاوى عن البعثات وحكمها لا يجوز...ونصيحه من اخوك دورلك على وحده غيرها...دعواتي لك بالتوفيق
[/align]

عبدالله الاحمد · #3 (**permalink**) 15-02-2011, 08:01 PM

اقتباس:

المشاركة الأصلية كتبت بواسطة جوزيفكو

[align=center]اخوي الدين فوق كل شي فلا تجعل المال اكبر همك....انا قرأت فتاوى عن البعثات وحكمها لا يجوز...ونصيحه من اخوك دورلك على وحده غيرها...دعواتي لك بالتوفيق[/align][align=center]
[/align]

وش تحس فيه تكفى ؟

جوزيفكو · #4 (**permalink**) 15-02-2011, 08:18 PM

اقتباس:

المشاركة الأصلية كتبت بواسطة عبدالله الاحمد

وش تحس فيه تكفى ؟

قال الرسول صلى الله عليه وسلم : ( من حسن اسلام المرء تركه مالا يعنيه )

إنتماء · #5 (**permalink**) 15-02-2011, 10:23 PM

اقتباس:

المشاركة الأصلية كتبت بواسطة جوزيفكو

[align=center]اخوي الدين فوق كل شي فلا تجعل المال اكبر همك....انا قرأت فتاوى عن البعثات وحكمها لا يجوز...ونصيحه من اخوك دورلك على وحده غيرها...دعواتي لك بالتوفيق
[/align]

اخوي جوزيفكو .. لو الابتعاث لايجوز كان مادعمه خادم الحرمين وتسمى البرنامج باسمه الكريم
دعك من ردود الناقمين والمتشددين اعداء كل تطور ، وكما يقال ( اطلبوا العلم ولو بالصين ) < على فكرة تراه ماهو حديث

متخرج وحايس · #6 (**permalink**) 15-02-2011, 07:31 PM

[align=center]صرفهـــــــــــــــــا[/align]

ممرض تحت الانشاء · #7 (**permalink**) 15-02-2011, 07:38 PM

يعني انت بتهجر المملكه كل عمرك

ياعالم تفكير الخلق مدري وين راح

تحمل ياخي انت رجل

واذا مانت رايح صدقني مانت قد الخطووبه من اولها

وجهة نظر**

تحدوهآ البشر•• · #8 (**permalink**) 15-02-2011, 08:07 PM

مسآآء الخير أخوي

أنا بالبدآية أدعي لكم بالتوفيق في كلا الحآلتين إن استمريتوا مع بعض أم لآ

ثانياً: أنا وجهة نظري انك تروح معها ,,

لأنها بتروح هناك تتعلم وتستفيد وتجي تفيد هالبلد ما بتروح ترقص و تتعرى وتسكر , يعني مو حرآم ولا شي

(مع احترامي لصااحب الرأي ).. هذي نقطة

النقطة الثانية انت ممكن تستفيد بتطوير نفسك في اللغة وفيما هو متعلق بمجال عملك

وبعدين البعثه اعتبرها شهر عسل ع حساب الدوله

وكلها 3 سنوات تعدي بلمح البصر ..

تووكل ع ربك وتزوج وروح

بو سليمااان · #9 (**permalink**) 15-02-2011, 07:42 PM

أنا أقول روح معها ،، و اكتسبها من ناحيتين انك يا طويل العمر تكسب لغة وتاخذ دورات إدارية و ترجع وانت عندك لغة انجليزية و هذه الدورات ،،، توكل على الله و روح ما تدري يمكن ترجع و تلاقي الـ 10 الالاف تستناك

لا تضيع هذي الفرصة