السلام عليكم ورحمة الله وبركاته

شخباركم عساكم بخير

[bor=333333]
حبيت استفسر عن التدريب العسكري المهني ابي شرح كامل ومفصل عن هالتدريب

وعن المكافئات وقت الدورة كم وايضا التخصصات يعطون مكافئه ايضا

لاني فكرت ادخلها وقلت لابوي ووافق عليها
[/bor]
[bor=0000FF]
يمكن البعض يقول بعدها يعطونك ملفك وتروح تقدم مره ثانيه وكثير عارضوني بالموضوع

وخاصه كل اهلي وعماني وخوالي عارضوني بالهموضوع

انا اللي كنت اقصده اني اقدم عليهم وبعد ما انهي ارتباطي فيهم اخذ اوراقي واقدم على الجيش

برتبه عريف او وكيل رقيب عريف 8000 ووكيل رقيب 9000

شفتو اني لعبتها صح وبعض يقولو الشهاده اللي اخذتها اشرب مويتها تدري ليش لانو مافكرو

مثل تفكيري لعبتها صح وان شاء الله تزبط معاي صح يارب دعواتكم بس
[/bor]

[bor=FF0000]
تكفون ساعدوني طموحي فوق مره مره وربي لو ابيه راح اجيبه يعني اجيبه

تكفون الله يخليكم ابي كل شئ عن التدريب العسكري المهني كم الدوره والمكافئه

والتخصصات كم مكافئتها وكم مده سنه ولا سنتين كل شئ تكفون الله يخليكم
[/bor]

اهلين اخوووووي بعطيك كل المعلومات الي عندي وماراح ابخل عليه بشيء

نبداء اول شيء اوضح لك انا واعوذ بالله من كلمة انا كنت ناوي ادخله التقديم الي طاف
المهم حطموني بعض الاشخاص منه قالوا لي كلام كثير ومعلومات كنت جاهلها وبعدين كبيته ومادخلته

بس ظروفي تختلف عن ظروفك

اذا انت مو اكبر عيال ابوك يعني فيه احد غيرك اكبر منك ويغطي عليك بالبيت وكذا فتوكل على الله ومنت خسران شيء
اذا ماستفدت منت خسران شيء

ولاكن فيه امور لازم تكون عارفها قبل تدخل مثل :

مكافئة شهرية 700 ريال واحيانا ماتنزل كل شهر يعني ياخرونها
السكن في مهجع او يسمونه سريه يعني جماعي ومشترك مافيه كل شخص او شخصين بلحالهم
مجرد دخولك للمعهد اعتبر نفسك كانك داخل دوره عسكرية نفس الي يصير بالدورات بس فيه اختلافات بسيطه
بخصوص تطلع من المعهد وتدخل مو على كيفك على كيفهم ويمسكونك في البدايه تقريب شهر ماتطلع
مو اي تخصص في بالك تدخله
التخصصات على حسب شهادتك الثانويه يعني اذا علمي لك تخصصات معينه واذا شرعي ادبي لك تخصصات معينه

تخصصات العلمي

قسم تقنية الحاسب والذي يضم تخصصات البرمجيات والدعم الفني والبرمجيات ، وقسم التقنية الكهربائية ويضم تخصصات الاتصالات والإلكترونيات والآلات الكهربائية والتمديدات الكهربائية ، وقسم التقنية الميكانيكية الذي يضم تخصصات المحركات والمركبات ، والميكانيكا العامة والتبريد والتكييف

والتخصصات الشرعيه

قسم التقنية الإدارية الذي يضم الأعمال المكتبية وإدارة المستودعات والمحاسبة .
يعني التخصص مو اي تخصص تدخله


على حسب المعلومات الي وصلتني يوم قررت اسجل فيه

يقولون المعهد الي بالرياض تابع لوزارة الداخليه
ومعهد جده خاص بالحرس الوطني
ومعهد الخميس خاص بالجيش وزارة الدفاع


وشل من راسك شيء اسمه وظيفتك مضمونه مافيه شيء مضمون
فيه ناس توظفوا عن طريق المعهد بالعسكريه وفيه ناس مالقوا وظائف
يعني ممكن تلاقي وممكن ماتلاقي لاتحط في راسك شيء اسمه وظيفه مضمونه


انا بصراحه كنت متحمس ادخله التقديم الي راح ولاكن للاسف مالقيت ولا واحد يمدحه هالمعهد
وعلى فكره انا اعرف اربعه اشخاص توظفوا عن طريق المعهد العسكري

اثنين منهم موظفين في الحرس الوطني في جده
وواحد مموظف في الشرطه
وواحد في الدوريات

وهذولي موظفين عن طريق المعهد
واعرف واحد بعد دخل المعهد العسكري والى الان تقريبا له اربعه اشهر او اكثر وماردو له خبر باي وظيفه


هذا الي اعرفه عن المعهد ومعلومات من ناس دخلوا المعهد وناس عسكر يعرفون ويفهمون فالعسكريه


واخيراً انا بوجه لك نصيحه اخ لايعرفك ولاتعرفه بس ابي منها الاجر

اذا انت اكبر عيال ابوك ووراك مسوليه وماتقدر تغترب عن البيت لفتره سنة وشوي
مانصحك تدخله ولاتفكر فيه

اما اذا انت ماوراك غير النوم ولاتدرس في دورات ولاشيء وفاااضي وماعندك مشكله تغترب

ادخله واذا ماستفدت منه منت خسران شيء


واولا واخير

ماراح تلاقي احد يمدحه هالمعهد لانه على ارض الواقع فاااااشل ويكفيك شيء واحد
انه تابع للمؤسسة العامه للتعليم المهني والتقني و هذي المؤسسة مشهود لها انها تخرج عاطلين

شفت كليات التقنيه كم خريج جالس فالبيت ومعه دبلوم مالقى شغله

انصحك تفكر تفكر تفكر تفكر تفكر وتسال قبل تقرر لاتستعجل لانه مستقبل
لو ماستفدت من المعهد بعدين راح تندم لانها بتروح سنه من عمرك

يعني لو تقدر تدخل دورات حاسب ميكانيكا او دوره تفيدك او تدخل المعهد الصناعي فتراها ابرك وافضل
واولا واخير تدرس وانت عن اهلك قريب تسرح وتظوي لين الله يفرجها وتتوظف


هذا الي عندي وسلامتك واي استفسار انا حاضر اسالك ناس قريبين مني يفهمون بالمعهد هذا

تحياتي

[bor=FF0000]
اول : مشكور ماتقصر كفيت ووفيت

ثانيه : انت قلت 700 مو صحيح المكافئه 750

ثالث : اكيد ماهو على كيفي

رابع : انا اصغر واحد في العائله اخر العنقود هع

خامس : اتقول مافي شئ مضمون صحيح ماحد يضمن شئ لكن اللي عنده طموح ويبي يحققه يجيبه حتى لو اخر

الدنيا

سادسا:انا كلمت ابوي عن هالتدريب العسكري المهني يقولي زينه مين اللي يقول ماهيب زينه قلتله ناس اتقوله

قالي ماعليك من كلام الناس اهي زينه لكن كل واحد يالف من راسه ويقوله وهو مايدري ولا عنده خلفيه عنه

وبعدين انتو عارفين انو طولي مايساعدني ليش كل من هب ودب قالي ماهيب زينه كلام الناس لا يودي ولا يجيب

مشان كذا ابوي وافق
[/bor]

شوف يا الطيب

اترك كلام الناس واترك كلام ابوك كلهم ما يدرون علم الغيب

شوف قوم الساعه 2 بالليل واستخير الله هو الوحيد الي يعرف علم الغيب
وكلام الناس طشه وراك

وبما ان طولك قصير على كلامك هاذي طريقة جربتها ونجحت معي بس ما ادري هي من الطريقة او من الله كذا

1- انا كنت اشرب المشروبات الغازية وتركتها
2- انقز 20 مره في اليوم ورا بعض
3- اول ما اقوم من النوم امغط نفسي على فوق

وطبعاً مافي شي يجي بسرعه لازم تصبر

واتمنى اني اكون قدمت لك الافاده

اولا : قم الليل صل واستخير وربي يسهل كل امورك هذا الشيء لايختلف عليه اثنين
ثانيا : لاأنا ولاغيري بنجبرك على شيء انت ماتبيه او بنمنعك من شيء انت تبيه .

مجرد طلبت نصح وجواب لإستفساراك من اخوانك بالمنتدى
وواجب علي اعلمك وانبهك بأمور انا على درايه فيها

ولاكن حط في بالك شيء ان القرار الاول ولااخير هو لك شخصيا وان المستفيد والخسران هو انت شخصيا
لأنا ولاأعظاء المنتدى ولأبوك الله يطول بعمره وأعمارنا جميع راح يتضرر من اي قرار تتأخذه لنفسك

هي آراء ونصائح عن واقع تجربه

ويشهد الله مأتمنى لك الا كل خير وأدعي الله ان ييسر امورك ويدلك على الطريق الزين الي ينفعك في دينك ودنياك واخرتك

هذا شيء ..
..... الشيء الثاني

مع احترامي الشديد لك وللأخ كورة ماتنفع انتم فاهمين كلام الناس غلط
أو بالاصح مقوله ( كلام الناس لايودي ولايجيب )

فيه فرق بين كلام الناس الي لايودي ولايجيب وبين نصيحه ورد على استفسار
هي نصيحه وجواب على استفسار فقط لاغير

مو هذا طلبك تبي معلومات عن المعهد ؟

تحياتي

انا ماحب الغازية بالمره
بجرب وبشوف عسى الله يكتب اللي فيه الخير

صحيح يا الغلا ما اختلف معاك بشئ

لكن اقولك بعضهم يلحس مخك وهو مايعرف شئ ابدا ويقعد يتفلسف عليك

صحيح انا طلبت لكن ابي ناس استفيد منهم ولا عندي الا هالوظيفه احسن من اني اقعد عاطل

الحمدلله دورت لموضوع قديم يوم قررت اسجل في المعهد ورد عليه الاخ فيص الله يطول عمره

زور الموضوع وراح تستفيد اكيد

https://www.btalah.com/showthread.*****..DA%D3%DF%D1%ED

تحياتي

مشكورررررررررررررررر ماتقصر عبادي ياكل زبادي

برتبه عريف او وكيل رقيب عريف 8000 ووكيل رقيب 9000

حبيت اقولك ان عريف في الجيش 5000 وشوي انت ماتدري
ان الجيش اقل وراتب في العسكريه كلها !
بالتوفيق لك والله يرزقك