بخصوص الاستقاله من الوظيفه الحكوميه

عش حياتك · #11 (**permalink**) 09-05-2012, 02:13 AM

شباب شفيكم
للأسف ترى الوظيفه الحكومية ليس فيها تطوير للموظف
وانا معكم لاتترك الوظيفه الحكومية الا اذا انقبلت بشركات كبيره
سابك - ارامكو - الهئيه الملكيه - الاتصالات السعوديه - موبايلي - الكهرباء - المياه

الله يوفق الجميع

معماري في اللفة · #12 (**permalink**) 09-05-2012, 03:09 PM

السلام عليكم ورحمة اللهُ وبركـآتهُ ..~

بالنسبة لموضوع الاستقالهُ في .. القطاع الحكوميُ مالي اي خلـفيه عنه ..

بس حبيت اردُ وافيدكُ من ناحية القطاع الخاصُ .. كونيُ موظف قطاع خاص ُ ..

شوفُ يُ غاليُ .. من اياُم ماكناُ ندرسُ .. المهندسين والمدرسينُ .. يكررون عليناُ

كلمة ( اتجهوُ للقطاع الخاصُ ) .. بما فيهُ من مميزاتُ افضلُ بـ 100 مره من القطاع الحكوميُ

اول حاجةُ وصراحة الناسُ تحسدنيُ عليها الله يكفينا شرهمُ .. اللي هو التأمين الطبيُ

تأمين القطاع الخاصُ الطبيُ افضل .. من الحكوميُ لما فيه من مميزات ولك الحرية

تروح اي مستشفى .. يدعم التامين حقك ع حسب شركتك ..

ثاني شي .. من بعد ماتخرجت الحمد لله ُ .. لي قرابة السنه وعليها ..

جتنيُ عروض من شركاتُ قطاع خاص بالتوظيف ُ .. افضل من الحكومي من ناحية مميزاتُ

ورواتب وعلاوة سنويةُ ..

ثالث شيُ .. اذا قررت تنتقل للقطاع الخاصُ .. ع طول سجل في صندوق الموارد البشرية

هذا الصندوق ميزتهُ .. حاليا لموظف القطاع الخاص .. اذا اكملت سنة وانت ع راسُ العمل

وصندوق الموارد البشرية يدعمكُ .. تستحق بعد سنه دورة تدريبية تدفع تكاليفها الصندوق

سواء في مجال عملك .. تنمى قدراتك او تدرس اي شيُ .. وأيضا الصندوق كلُ سنة ع حسب

كلام المسؤول عن الموارد البشرية في الشركة اللي انا متوظف فيهاُ .. كل سنة يزيد راتبك

2000 ريال ألفين ريال .. وقت اللي تكون فيه مدعوم من الصندوقُ ..

السلبيات صراحة .. في القطاع الخاص زي ماذكرو الشباب مافي امانُ وظيفي الا في عدد

من الشركات المعروفة .. الاغلبية يعنيُ .. لكن من ناحية رواتب وحوافز وعلاوات بتنبسط

خذها قاعده منيُ .. موظف قطاع خاص اثبت وجودكُ .. يرفعون فيكُ فوق فوق السماء

يعني مهندس عندنا .. سعودي يقول كرفت في القطاع الحكوميُ 10 سنوات لا رواتب زي

الناس ولا لنا كادر هندسين ولا سلم رواتب معينُ .. يعني طفشونا يقولُ

يقول المهندس السعودي تركت القطاع الحكوميُ واتجهت للخاصُ .. وقتها عرفت قيمتي

كمهندس عند الشركات .. ماشاء الله عليه الله لايضرهُ توظف براتبُ 15000 الف كبداية

خلال سنة ونصُ .. صار راتبة 30 او 40 الف .. ما اذكر بالتحديد في ذا الحدود .. جمع منها

كم قرش وفتحُ له .. مكتب هندسي خاص فيهُ .. وكان دايم يقولي فكك من القطاع الحكوميُ

مايعرفون قيمة الموظف ولا يطورون منك ابد .. تجلس محلك راوحُ ..

انا الحمد لله موظف قطاع خاصُ راضي عن راتبيُ ودواميُ .. والحمد لله والشكر

======================

استخير يُ غاليُ .. وربي بيكتب لك اللي فيه الخـير ان شاء اللهُ ..

اتمنى افدتكُ بالليُ اعرفه وأي استفسار انا حاضرُ ..

تحُ ـيتي ..~

مشعل الغام دي · #13 (**permalink**) 05-11-2012, 02:31 PM

اقتباس:

المشاركة الأصلية كتبت بواسطة ابا الجوهرة

وجهة نظري
تبقى في وظيفتك الحكومية حتى لو جاك عرض من شركة بضعف الراتب لالالالالالالالالالالالالالالالالالالالالالالا تترك الوظيفة الحكومية
الوظيفة الحكومية .. امان وظيفي
الوظيفة الحكومية .. استقرار
الوظيفة الحكومية .. ترقيات وزيادات
الوظيفة الحكومية .. امان بعد الله لك ولعيالك
الوظيفة الحكومية .. تجعلك مقبول اجتماعياً

القطاع الخاص رواتب عاليه ويتم تسريحك مع انتهاء المشروع
القطاع الخاص زيادات اكثر في الرواتب ومكافئات .. وخصميت مع اتفه غلطة وبدون رحمة
القطاع الخاص دوام يهد الحيل لايوجد فرصه لقضاء اوقات مع اهلك وحضور المناسبات
القطاع الخاص شح في الايجازات

ولك الخيار .. مع العلم باني اعرف شخص كان يعمل في شركة براتب 5000 ريال وجوال على حساب الشركة وسيارة ايضاً ودوامه قدام بيته ..جاته وظيفة حكومية براتب 4200 يعني اقل بـ 800 ريال ..وتبعد عن اهله 1200 كم يعني هو في ديره واهله في ديره ثانية .. فصل من الشركة واتجه للوظيفة الحكومية وبعد شهر حصلت مشكلة في الشركة وتم تسريح جميع الموظفين يعني لو بقي في الشركة كان الحين يلفلف بملفه على الشركات يدور على وظيفة

الحكومية وبس

ابا الجوهرة ترآ الله ميسر الأرزاق وكتبه أنه يروح وبالنسبة لو أنه قعد ومدري أيش هذي كلهآ بعلم الغيب

وأخوي دام لك شهرين خذ رويتبك وروح خل عنك الحقوق ومالحقوق شهرين عادي مايطلع لك شي

واتمنى لك التوفيق

حسووونه · #14 (**permalink**) 08-11-2012, 01:10 AM

هدا مو صاحي

ابو عثمان 123 · #15 (**permalink**) 12-11-2012, 07:50 PM

اقتباس:

المشاركة الأصلية كتبت بواسطة معماري في اللفة

السلام عليكم ورحمة اللهُ وبركـآتهُ ..~

بالنسبة لموضوع الاستقالهُ في .. القطاع الحكوميُ مالي اي خلـفيه عنه ..

بس حبيت اردُ وافيدكُ من ناحية القطاع الخاصُ .. كونيُ موظف قطاع خاص ُ ..

شوفُ يُ غاليُ .. من اياُم ماكناُ ندرسُ .. المهندسين والمدرسينُ .. يكررون عليناُ

كلمة ( اتجهوُ للقطاع الخاصُ ) .. بما فيهُ من مميزاتُ افضلُ بـ 100 مره من القطاع الحكوميُ

اول حاجةُ وصراحة الناسُ تحسدنيُ عليها الله يكفينا شرهمُ .. اللي هو التأمين الطبيُ

تأمين القطاع الخاصُ الطبيُ افضل .. من الحكوميُ لما فيه من مميزات ولك الحرية

تروح اي مستشفى .. يدعم التامين حقك ع حسب شركتك ..

ثاني شي .. من بعد ماتخرجت الحمد لله ُ .. لي قرابة السنه وعليها ..

جتنيُ عروض من شركاتُ قطاع خاص بالتوظيف ُ .. افضل من الحكومي من ناحية مميزاتُ

ورواتب وعلاوة سنويةُ ..

ثالث شيُ .. اذا قررت تنتقل للقطاع الخاصُ .. ع طول سجل في صندوق الموارد البشرية

هذا الصندوق ميزتهُ .. حاليا لموظف القطاع الخاص .. اذا اكملت سنة وانت ع راسُ العمل

وصندوق الموارد البشرية يدعمكُ .. تستحق بعد سنه دورة تدريبية تدفع تكاليفها الصندوق

سواء في مجال عملك .. تنمى قدراتك او تدرس اي شيُ .. وأيضا الصندوق كلُ سنة ع حسب

كلام المسؤول عن الموارد البشرية في الشركة اللي انا متوظف فيهاُ .. كل سنة يزيد راتبك

2000 ريال ألفين ريال .. وقت اللي تكون فيه مدعوم من الصندوقُ ..

السلبيات صراحة .. في القطاع الخاص زي ماذكرو الشباب مافي امانُ وظيفي الا في عدد

من الشركات المعروفة .. الاغلبية يعنيُ .. لكن من ناحية رواتب وحوافز وعلاوات بتنبسط

خذها قاعده منيُ .. موظف قطاع خاص اثبت وجودكُ .. يرفعون فيكُ فوق فوق السماء

يعني مهندس عندنا .. سعودي يقول كرفت في القطاع الحكوميُ 10 سنوات لا رواتب زي

الناس ولا لنا كادر هندسين ولا سلم رواتب معينُ .. يعني طفشونا يقولُ

يقول المهندس السعودي تركت القطاع الحكوميُ واتجهت للخاصُ .. وقتها عرفت قيمتي

كمهندس عند الشركات .. ماشاء الله عليه الله لايضرهُ توظف براتبُ 15000 الف كبداية

خلال سنة ونصُ .. صار راتبة 30 او 40 الف .. ما اذكر بالتحديد في ذا الحدود .. جمع منها

كم قرش وفتحُ له .. مكتب هندسي خاص فيهُ .. وكان دايم يقولي فكك من القطاع الحكوميُ

مايعرفون قيمة الموظف ولا يطورون منك ابد .. تجلس محلك راوحُ ..

انا الحمد لله موظف قطاع خاصُ راضي عن راتبيُ ودواميُ .. والحمد لله والشكر

======================

استخير يُ غاليُ .. وربي بيكتب لك اللي فيه الخـير ان شاء اللهُ ..

اتمنى افدتكُ بالليُ اعرفه وأي استفسار انا حاضرُ ..

تحُ ـيتي ..~

و عليكم السلام و رحمة الله و بركاته ..

اخوي حبيت اقولك مو كل الشركات مثل ما تقول للأسف ..

انا موظف في شركه بس صراحه النظام زفت .. الي يحكمك اجنبي للأسف ..

و بالنسبه للتامين الصحي عندنا ما يشمل الى مستشفى واحد او بالكثير اثنين ..

ومن ناحية الرواتب الحمد لله كبدايه حلوه لاكن مع الوقت ما راح يزيد راتبك الى علاوه سنويه قدرها 90 ريال و على حسب تقيمك من المشرف ..

و بالنسبه للتطوير فيه تطوير في اللغه الانقليزيه للي يهتم فقط ..

علما ان اغلب الاشياء يسويها الاجنبي الي عندك و يشوفك ولا شى عنده ..

طبعا هذا غير نظام الشفتات و التنقل من فرع الى فرع ..

هذا الي حبيت اقوله عن تجربتي في هذي الشركه ..

والله يوفقك يا صاحب الموضوع .. وانا من رايي انك تجلس في الحكومه واذا تقدر تشتغل في المساء شركه افضل لك ..

و شكرا لكم

والحمد لله على كل حال ..

مرشدة السعد · #16 (**permalink**) 13-11-2012, 11:32 PM

موضوع رائع يعطيكم العافية

فريق اوول · #17 (**permalink**) 16-11-2012, 01:40 AM

الله يوفقك اخوي

الشاعرفالح · #18 (**permalink**) 23-11-2012, 04:03 AM

بصراحه شيء غريب اول مرة احصل واحد

يستقيل من وظيفه حكوميه ويروح للقطاع الخاص لو كان العكس كان صحيح ولو كان يستقيل من وظيفه حكوميه ويطمع بوظيفه حكوميه أفضل منها كان صحيح

الوظيفةالحكومية اريح في العمل وافضل مستقبل استخير واطلب الله في الخيره

عبيد في التجنيد · #19 (**permalink**) 25-11-2012, 06:30 PM

انا حالياً موظف في القطاع الخاص رواتب زفته نظام زفت مديري زفت !!!

انا ابحث عن الوظيفه الحكوميه مو حاصله لي ياليت لو اقدر اتوظف محلك نبدل هع

قبل 3 شهور بالتمام والكمال سمعت عن واحد انفصل من عمله بالقطاع الخاص بسبب ان الاجانب حطوا يدهم مع بعض عليه لين فصلووه امان وظيفي مافيه ابد ابدا ابد القطاع الخاص دكتاتوري مرعب لادوام زي الناس ولا امان وظيفي والتأمين الطبي الي عندي مايشمل الا 3 مستشفيات 1 كله زحمه يبيلك اقل شي ساعتين علشان تدخل على الدكتور والثاني مستشفى حق هنووود وبنقاليه والثالث كويس لابأس به يعني اتعالج في مستشفى واحد بس وحسب ماسمعت من الموظفين لما اتزوج وابي اضيف زوجتي معي مافيه مايضيفونها لان الاداره لاعبه على مكتب العمل لافه على القانون التأمين الطبي للموظف فقط مو للعائله لو مكتب العمل يدري كان غرمووهم

القطاع الخاص دكتاتوري فاااااااااااشل خليك في الحكومي افضل لك ولعائلتك

بالتوفيق

فيزيائي منسدح · #20 (**permalink**) 27-11-2012, 11:33 AM

قبل كل شي استخر ماتدري وين الخيرة فيه

أنا موظف حكومي ولله الحمد

ولي خدمة فوق السنتين

الشخص العملي واللي يحب التطوير ترى القطاع الحكومي والله إحباط
لا راتب ولا مميزات .. وتصل أحيانا يكون المنضبط يعامل معاملة الكسلان

وواسطات وخرابيط بعد

أما الشركات الكبرى والله العظيم صحيح تبذل جهد عندهم بس يعطونك اللي تبي

كلام الناس اللي يقولون الشركات كرف وعمال أجانب وتعب << مع احترامي غير عمليين ويبون الراحة والنوم .

حالياً أنا على وشك انتقل من الحكومة إلى الشركة البريطانية للطيران والفضاء
بسبب المميزات المغرية .. أما النوم والراحة خلها لأهل الكسل والشكوى

وعسى الله يوفق الجميع لكل خير ..

بخصوص الاستقاله من الوظيفه الحكوميه

الأنظمة والقوانين السعودية

السلام عليكم ورحمه الله وبركاته بخصوص الاستقاله من الوظيفه الحكوميه... اريد اقد استقالتي لان جاني عرض لشركه قويه ماهى الاجرائات بخصوص الاستقاله وهل...

بخصوص الاستقاله من الوظيفه الحكوميه

تسجيل الدخول

بخصوص الاستقاله من الوظيفه الحكوميه

الأنظمة والقوانين السعودية

السلام عليكم ورحمه الله وبركاته بخصوص الاستقاله من الوظيفه الحكوميه... اريد اقد استقالتي لان جاني عرض لشركه قويه ماهى الاجرائات بخصوص الاستقاله وهل...

بخصوص الاستقاله من الوظيفه الحكوميه