^^^^^^^^^^
هههههههههههههههههههههههههههههههههه
ذكريــــــــــــــــــــــــــــــــــــــــــــــ ــــــــــــــــــــــــــــــــات الطفولــــــــــــــــــــــة ترسم على الشفاه ابتسأأأأأأأأأأأأأامة رضا
أذكر مرة وحنا بزاريـــــــــــــــــــــن ماغير نلعب في البراحــــــــــــــــة من يوم نصبح ليـــــــــــــن يأذن المغرب ومانرجع البيت الا كل شي دمــــــــــــــــار شوشات طايرة ومغبرة وملابس اللهم ياكافي بس مع كذا كـــــــــــــأنت ايام حلوة

88888888888888

والمغرب وقت النوم هههههههههههه

يازينتس من أيااااام وه بس

أتذكر حديقة الحاره كل بزران الحاره يطلعون بعد الغدا وتشوفون كلن مدحدر على الحديقه ونلعب ونستانس مع الشايب حارس الحديقه الله يرحمه توفي أبو لحيه حمراء

أتذكر إذا جاء المغرب والجو يلفح من هبابه ونسناسه نطلع للبلكونه نفرش فرشتنا وتلفزيونا
وأمي تصالي هالبزران الله يمتعه بالصحه ويطول بعمره

إذا جاء رمضان يسوون شبابنا عزبه ويطلعون ماتبقى من اكل رمضان من المغرب إلين أخر الليل

أما عيد الأضحى نروح نعيد عند أبوي عند ذوده ونذبح الذبيحه وأنا أتولى غسيل الكرشه والمصاريين
كنت ذربه وسنعه من بعد كم بقصه من أمي ومن كم خيزرانه أخذته

أختي الكبيره كانت هاديه وماتويز برا الشارع أبد أما أنا عكسه ماخليت عايرن إلا أشرفت عليه
وشررررريه وشوشتي طاريه والمحازم مفكوكات وحافيه
لكن الوضع تغير بعد ماكبرنا

يالله عليك يابدر كم مره أتهاوش معه ومره معط شعري ومسطن بالأرض


أتذكر أختي العوده إذا رحنا المدرسه أمي تعطيه ريالين وأنا ريال عشان إذا رجعنا الظهر نمر على بقالة الرقيبه وتعطين نص ريال من اللي معه
وأتذكر أختي تحملت مسئوولية أخوتي التؤام كانت لابسة عبايه بسنة رابع وأنا بثاني وأخوتي أصغر من بالرووضه كانت تمسكهم بايديهم ياحوبيلهم ربي يخليهم لي

وأتذكر كان في الجو طير العقاب كبير محلق بالسماء ومير حنا راجعين من المدرسه إلا أخوتي التؤام توزوا داخل عباية أختي خايفين من العقاب يحسبونه يشيل العيال الصغار


لي عوده مع سطح بيتنا ومع حوش النخل

أتذكر يوم نروح مع أبوي بالددسن وننام عند ذوده

أتذكر إذا جاء العشاء وتعشينا نزهب عمرنا ونقش بطاطينا ونركبها في الددسن وإلا الجمس السياره اللي بيروح فيها أبوي وياخذنا وننام عنده بالبر

إذا أصبحنا نقوم و كز أبوي واحدن من العيال يروح لم الديره ويمر بقاله يجيب لنا فطور وماننسى السفن آب

ونفطر وتفطر معنا الذبان

ويقوم أبوي يضفنا ويرجعنا للبيت

داريتن أننا شاقين ابوي بس وش نسوي ودنا نخاويه بكل مكان

أتذكر بهذيك الليله وحنا بالبر عند أبله وغنمه أذني توجعن مره مره وأصيح إلا أبوي ودان لم الديره ويمر على صيدليه ويشري قطره للأذن عسان فدوتن له

ويهجد وجع أذني ويقول لي أوديتس للبيت وأنا ما أبي
قلت لا ورحت معه لمكانا عند العربان

ولقيت القبيله خامدين وفراشي باسطينه وأذني مع الوجع بنت اللذين رجع لي ومير أبوي يأمر أكبر واحد فينا يقشنا ويرجعنا للبيت بأخر الليل


إيه يا دنيا

تدرون وش أكثر مستغربه منه شفتوا حديقة الحاره وأنا كعادتي طالعه من الظهر إلا شفت راعي غنم جايبن غنمهم وهم حريمهم ورجالهم يحشوون الثيل حق الحديقه يعطونه الغنم ترعى منه

صح تصرفه غريب بس يااا زينه من أيام


ما أنسى ذاك الجو الخرافي اللي ماعمري ولا عمري شفته يجنن يهوووووس جو على مايقولون مجنون

ذيك المره طالعه من البيت أشقر على شارعنا
وهالجو الزين جاء في بالي أن القيامه قامت

كنت أناظر للسحب وأحس بإحساس غريب أعجز أوصفه وهذان كبيره بعد أعجز عن ترجمته


إيه يا المرابحي الله يرحمك ويغمد روحك الجنه صوته شباب في الأذان والإقامه لكن إذا شفتوه شايب

توفى الله يرحمه ويغفر له

تعرفون النبيطه

واحد من التوائم هاوي صيد عصافير والدّخل
ويحب يبدع بزبرقه النبيطه حقته بشطرطون أسود والمغطات يتفنن بتركيبه

ويجيب خير ماشاء الله يروح للحديقه الناس تلعب وهو مع نبيطته يصيد

ذيك المره حبيت أخوض تجربة يكون لي نبيطه مثل أخوي

وأسوي نبيطه وأحط هاك الشطرطون الأسود والجلده أخذته من نعال شرقيات مايبونه قطعت الأصبع الكبير

وطبعاً باءت بالفشل تجربتي ومع وجود حوادث من أثر النبيطه الله لا يعيده توجع
خاصة لو أخطيت الهدف ووجهت الحصى على اصبعك اللي ماسكن فيه أخره النبيطه وياما حصل لي


تعرفون البواجي حقت السيارات

هذي ناخذه من ورشة أبوي و نسوي منها طرطعانات
والأنتيك هو اللي يزبرق الطرطعانة حقته بريش حمام

وللأمانه سويته ونجحت تجربتي وخلصنا كبريت امي
وحصلنا هواش وهويش من الغاليه وماتحلى اللعبه إلا برمضان وعلى جدار بيتنا


وفيه ناس إذا خربت البواجي حقتهم و صار فيه قحط من وجود البواجي نسوي طرطعان لمن بالأرض

نحفر حفرة صغيره بمسمار ونجيب كبريت ونفتت فيه ونحط المسمار وبيدي حصاة ونصقع هالمسمار بأقوى ماعندي يصير إهتزاز وإنفجار يروع الأمنين من بيوتهم

لا أحد يسويه تراي مخليتن من المسئووليه تراه ينفجر بوجهك ويطلع نار وصوت يصمخ أذونك