بطفولتي كنت ادربي الجوالين !!!

وبس ...

بطفولتي كنت ادربي الكفر الخربان

طبعا اقصد كفر السياره مو كفر البلاك بيري وطقته

وكنت اربط شعري قرنين

وووو كنت مختلفه عن الاطفال

تصدقووووووووون ماكنت اطيق شئ اسمه كرتون

والحين اعيش طفولتي مع اطفالي واشوف الكراتين معهم

على بالي اعوض

وكنت مجتهده في المدرسه

ومصدقه اني بتخرج وباصير مدرسه اد الدنيا

وبسسسسسسسسسسس

واااه ذكريااات الصور

لالا كله ولا طفولتي
شقاء وتعاسة فوق الخيال
ما ابي اتذكر شي

جيل الثمانينات طفولتنا متشابهه لا بل أكثر أكاد اقول متطابقة
أيه كانت قناتنا وحدة مافي شيء ثاني لافضائيات ولا هم يحزنون وكان اللي عنده فديو ذااك الكبير متطور و كشخة
كان عندنا واذا جو قرايبنا شغلنا لهم الموجود من الكرتونيات
من سندباد و كبتن مااجد و قرندايزر

لله و أكبر
كنت في الصف الثالث الابتدائي اول ماركبو جيرانا الدش!!
كان صحن عملاق جابو ونش حتى يوصلونه للسطح ذيك الليلة
مانمت كنت خايفة و اتخيله لأنه كان بالفعل قبيح الشكل
سنتين و احنا شارين مثله بس صار اصغر وكنت لما اقول بالمدرسة ان عندنا دش يحتقروني البنات ومعاد يكلموني!!!
لله أكبر على فكرة كن بس عرب سات مو شيء يعني
وبعد اتذكر اول ماطلع كمبيوتر العائلة الاحمر و الابيض تذكرونه صح؟! غطى على الأتاري الله اكبر ياما لعبنا بيكمون
و ياما و ياما
طفولتي الخاصة كانت جميلة جدا في اشياء كثيرة في حياتي ماكنت افهمها تمنيت اني ماكبرت وفهمتها
طفولتي الخاصة كانت رائعة قضيتها بين لعب سيكل و عرايس و مضاربات وملاكمه بعد
تأثرت بكرتون سنشيرو و كان اخي الاكبر يمثل دمية سانشيرو و انا الدمية الثانية يلعب علي بس يالله كانت ايام حلوة
كان عندنا استراحة و ثيل كبير كانت تمثل الحلبة
آآآآآآآه و آآآآآه و آآآآآآه
كل شيء تغير معاد صرنا مثل أول
و طفولتي في المدرسة كانت سيئة جدا كان عقليتي اكبر من عقليات البنات فأضطريت يكونون صديقاتي بنات الصف السادس و انا في الثالث
هذا اثر علي كثير فماكنت اقدر انسجم مع بنات فصلي
و كنت أحب أبوي و الى الآن بس كان تعلقي فيه غير طبيعي
لدرجة مستحيل احد يتصورها واشياء كثيرة كثيرة بس اكتفي بهذا........

طفولتي أأأأخ طفولة مميزة جدا جدا
بقولكم السبب اولا انا كنت في حرب ضروس مع وحدة من بنات جيرانا كل يوم مضاربة
مايفكونا الا شعرها في يدي وشعري في يدها ولااخليها تلعب معنا وكان عندنا في البيت القديم جبل صغير كانت هاذي الملاهي حقتنا نتزلحق وما نرجع البيت الا الثوب من ورا مشقوق وهات على طرآآآآآآآآخ من الوالدة
كنت احب الكراتين اكثر شي عدنان ولينا وكابتن ماجد علشان كنت احب ياسين
وعلى طاري ماريو باقي اشتريه لحد الحين صح ذكريات بسيطة الكشش اللهم ياكافي واللعب في الطين ونسوي منه بيوت ومافي شي الا كلناه نعرفه ولامانعرفه
رجعتوني لاحلى ايام يعطيك العافيةابو لمار موضوع من جد روعة خليتني اتذكر ايامي المغبرة÷هههههههههه

ياااليت اياام الطفووله ترجع


لاا هم ولاا تعب


ايااام لا تنسى...