كان أكبر همي بطفولتي إني أعبي (المطارة - الزمزية) مويه وانقز للملعب هههههههههههههههه

وطبعاً اليوم اللي ما ألعب فيه كورة أتعب نفسياً <<== الحمد لله والشكر

لبى فلوووووووووووووووونه كنت اتفرج عليه الصبح اه اه وربى الم الذكريات مو احين الواحد كله هموم

ما أنسى الغاليه أمي يوم شرت لي مكينه لعبة تبين أخيط وأبلط بالبيت

بعذره ماخليت عايرن إلا وأنا فيه وشرت هالمكينه تبين أنثبر لكن هيهات

أخبر شارعنا يوم يزفلتونه وبعز الظهر نطلع من بيوتنا المبزره تسننا قطاوه
نتهايق على البوكلينات المصفوفات على الطريق قدام بيوتنا

ونلعب بالحبص هذا الحصى الأبيض ونجدع أنفسنا بالحفر اللي حافرينه

أخبر تسلب مشرد تغبى تحت سياره ومن القراده طاح بأيدي الشياطين عيال الحاره ومير أنا طالعتن معهم إلا هم جايبين عصى مكنسه يلخزون به التسلب وهو إذا نبح ماتشوفون إلا الغبره كلن منحاش لبيته وأنا معهم

تعرفون الليات الحمر حقت الكهارب ؟؟

هذي إذا جاء رمضان نسوي فيه حروووب وقبايل وعشائر
متأثرين بمسلسل قريش والتاريخ الإسلامي

أجيب خرقه وأربطه على هامة راسي وأخلي طرفه يتدودل أبي أصير بنت الولي اللي يجي بهالمسلسل


راجعتن بحول الله

لكل جيل حكاية ورواية ... ولكل منا قصة وموقف

اختلفت الميول ... وتشابهة الأفكار

طفولات يجب أن تُخلد ذكرياتها بحروف من ذهب

لي ولكم رجعة قوية للموضوع

^^^^^^^^^^^^^^^
ويلكـــــــــــــــــــــــــــــم بــــــــــــــــــاك

88888888
يسلمووووووو ثانكسـ

اقتباس:

المشاركة الأصلية كتبت بواسطة ليووونة اااااااه طفولتي كنت مسكينه والله اخوي كروم وبعده سوسو وانا ضعت بينهم كان فيهم دشرة على اصولها ومايخلوني اروح معهم يقولو لسى صغيرة يالله فارقينا واروح بيت جدتي ابلعب معهم ومايخلني والسبب اخوي واختي لا هي صغيرة فنحرمت من اللعب معهم وماكان عندي غير التلفزيون كلها تعجبني وبابا الله يحفظه لما يسافر يجبلي عرايس من بريطانيا وكندا والفلبين والهند وماليزيا ومن ايطاليا انسجمت معها واكيييييييد ماانسى ضرب مامي الله يحفظها راح احاول انزل صوري وانا زعنطوطه بس لاحد يتريق عليه

حلو نتذكرايام الصغراللي اعرفه اني العب مع بنات الجيران نحب الشارع بس نلعب عند البيت مانتعدى
وكان اخوي مايداني ان خواته يطلعون الشارع يعصب وجرني مره بشعري وارجع اطلع غباء
واذكرمره تلاحقنا وحذفته بحصاة وكان وقتها تو محلق راسه يعني اصابه شيءبس طبعاً ماخلاها تعدي

واذكراني وخواتي كنا نحب نلعب كيرم واذا تهاوشنا حذف بالحبوب والمضراب لكن مره
انضربت من ابوي الله يرحمه وانا ماسويت شيء بس يقول انتي اكبرهم ليه ما تعقلينهم تهيء تهيء
والكراتين سالي وقبلها جرندايزر وعدنان ولينه وهايدي وليدي وبسمه وعبدووغيره
ومن البرامج الرائعه افتح ياسمسم ماكنا نفوت حلقاته..
ماعليش طولت ومايحتاج صور كلها مرة علينا بالموضوع
اخوي في الله ابو لمار شكرالك..

__________________
"لله دُر أمي إذا ابتسمت
تهادت جروح قلبي والتئمت"

الله يالطفوله قلبت المواجع يالغالي هههههههه

موقف كل ما اتذكره والله اضحك من قلبي

عندنا جارنا كان بطران اشترى لعياله" اتاري " تخبرووووونه

المهم جانا الولد قال والله ابوي اشترالي اتاري >>> بالله من جدك <<والله من جدي

واروح لابوي يبى ابي اشتري اتاري زي جارنا ويطيح خصااام في المهم حاولت حاولت مع الوالد مافي فائدة

ابي العب اتاري اللحين كيف وش اسوي الا وجاتني فكرة

اروح لجارنا واطق الباب ههههههههه طلعلي

ههههههههههه يمكن ماتحسون انتم بالموقف

طلعلي وش تبغى جاي بيتنا في بالي ابغى العب عساه مايطردني

قلتله امي تسلم عليكم وتقول خلوني اسهر عندكم ههههههههههه

والله يعطيكم العافية