السلام عليكم ورحمة الله وبركاته

ان موعدي كان في يوم 12 شهر3 1432 هجري يوم الثلاثاء

كان عندي عدة اشغال ما خلصته انشغلت بشغل شغال بجامعة الدمام سكرتي

لين ما جا يوم الاثنين يوم 11 قبل الموعد بيوم وعطلت جمعت كل هالاشغال بيوم الاثنين يوم 11
قعدت العصر وما خلصت الا الساعة 11 الليل كنت مضغوط واعصابي تعبانه ما كنت مرتاح نفسيا بأخر يوم قبل الموعد جمعت كل الاشغال بيوم واحد قريت من شروط في الامن العام تحلق راسك رقم واحد رحت الحلاق وصلعت حلقت راسي رقم واحد ورحت المكتبة طبعت ورقة الموعد واشتريت ملف ورتبت الاوراق وقريت بالموقع من شروط الامن العام طالبين 4 في 6 صور ملونه كاشف لرأس احترت يعني كيف كاشف لرأس يعني بدون غترة ولا تصور وانت اصلع ورحت ستديو وصورت وان اصلع لونه كان عندي صور كاشف لرأس بدون غترة بس قلت مدام يبغانه نحلق رقم واحد ووظيفة حكوميه لا تستبعد يبغوا الصور وانت اصلع وظيفة حكوميه يعني تعقيد ورحت وصورت وان اصلع وحطيت الصور احتياط
ماتم مكان ما رحته حتى طولي ما قسته وماني متأكد منه قسته في متر مرة طلعلي 160 ومرة 165 حطيت بالموقع 168 وان ماني متأكد وتوكلت على الله وقلت ان شاء الله يقبلوني وماني اصغر من 168 جمعت كل الشغل بيوم واحد قبل الموعد ونتيجه رحت الموعد وان مرتبك ومضغوط ما ارتحت نفسيا

قعدت من النوم الساعة 6 و15 دقيقة وتكيسلت افطر ما فطرت ودقيت مشوار وكان الشارع زحمه مرة على طريق الظهران كان الصباح زحمه لين ما وصلت مدينة تدريب الامن العام بظهران الساعه 7 و45 دقيقة اخدت ملفي معاي فيه صوره من بطاقة الاحوال مع شهاداتي الدراسية الاصل وصور منها وست صور 4 في6 ملونه ودخلت مع الباب شفت 3 عساكر قاعدين على المكتب وكثير من الشباب قاعدين على كراسي من الصف الاول الى الاخير شافني العسكري وان داخل مع الباب الساعة 8 الصباح قالي توك جاي قلتله نعم توني جاي قالي روح اقعد بصف الاخير رحت وقعدت بأخر صف مع شباب وطالعت بشباب واستغربت الي لبس بدلة رياضة ولي لبس غترة وثوب ولي لبس ثوب مع كبوس ولي محلق راسه رقم واحد ولي شعره طويل استغربت قلت وين قاعدين في مكان حكوومي ولا بمجمع تجاري وين الكلام الي سمعته لازم تلبس بدلت رياضة وووين الشرط الي مكتوب بموقع الامن العام لازم تحلق راسك رقم واحد نصلع على الفاضي كله هذا نصب بنصب طبعا شفت الشباب الي رايح يقيس طوله ولي رايح يعطي العسكري شهاداته والي قاعديين مخلصيين ينتظروا شنهو الله واعلم المهم ما يحتاج تسئل العساكر الف سؤال وتعب نفسك ريحت روحي لا سئلت لا فلان ولا علان عن طريق النظر والمتابعة والاستماع عرفت شسوي بضبط اول شي شفت شباب الي بصف الاول طلعوا يقيسوا الطول وخلصوا من الطول وعدوا بعدين راحوا للعسكري الي عنده حاسوب عطوا فقط شهادة الثانوية العامة مصدقة مع صورة الموعد بعدين خلصوا وراحوا لثلاث العساكر الي قاعدين بالمكتب عطوهم الاوراق الي عطاهم العسكري تبع الحاسوب وجالسوا بصوب الثاني ينتظروا شوي شوي نداهم العسكري بالأسامي وين تبغوا الكشف واحد قال بالدمام وواحد بالرياض وواحد بعسير كل واحد بمكان
ششوي عطاهم العسكري اوراق فيه المستندات المطلوبه فيه 16 مستند مطلوبه تجمعه بملف

طبعا كل ما خلص صف يروح الثاني خلص الصف الاول طلع الصف الثاني وخلص الصف الثاني طلع الصف الثالث وبهطريقة لين ما يخلص الكل من شباب
النظام كيف؟؟؟ الي يخلص قبل ما يمشي الكل يطلعوا مع بعض


قعدت انتظر مع شباب لين ما جا دور الصف تبعنا صفت سرى مع شباب لين ما جا دوري بقياس الطول ارتبكت خفت الطوول ما يضبط حتى الوقفه فيه وقفه خاصه لازم توقفه ما عرفت اوقفه
قالي العسكري ضم رجليك مع بعض ضميت رجولي مع بعض ((ضم رجولك يعني لزق رجولك ببعض)) شوي قالي افسخ الكبوس فسخت الكبوس شوي قالي افسخ الجوتي فسخنه الجوتي قعد يلف برقبتي يمين يسار وان ماني عارف اووقف صح ومرتبش بسبب اسلوب العسكري شوي مادري ويش فيه نزلني من على المقياس قالي افسخ شراباتك فسخنا الشرابات بس انا استغربت اظن ان الوحيد الي قالي افسخ الشرابات ليه مادري يمكن لانه شافني مرتبك قالي اوقف على الخطين المايلين تحت وقفنا على الخطين وقعد يلفلف برقبتي لين ما قالي انزل نزلت وشفته كتب بالورقة 168 قلت الحمدلله ضبط الطوول وارتحت نفسيا قلت بخاطري ما توقعت يضبط الطوول
بعد ما خلصت من القياس اطالع بيدي اشوووف جرح وينزل دم قلت مادري ويش فيني شكله يدي ضربت بالمقياس ونجرحت وحطيت نشاف على الجرح احاول اووقفه مو راضي يوقف الدم بس كله من العسكري بهدلني كان قالي من البداية اوووقف على الخطين المايلين ان ماني فاهم عليه مو يقعد يلف ويدور ويبهدلني المهم ضبط الطووول وفتكيت منه بعدين رحت للعسكري الي قاعد على الحاسوب عطيته اوراقي صوره مصدقه من شهادة الثانوية العامة وصوره من الموعد وكم صوره شخصية ملونه 4 في 6 شوي طالع فيني شاف الجرح وان مغطي بنشاف ابغاه يوقف قالي ويش فيك انجرحت قلتله وان واقف اقيس الطوول ضربت بالمقياس وانجرحت قام يضحك وضحكت معاها قالي ناس تمشي واياديه على ارقبته شوي قالي نجيبلك الاسعاف قلتله ما يحتاج امشي حالي وفقص ضحك العسكري بعدين عطاني ورقة عطيته العساكر الثلاثة الي بالمكتب بعدين ما شفت بطاقة الاحوال رحت رجعت سئلت العسكري الي على الحاسوب قالي بطاقتك انت كنت حامله بيدك عطيته العسكري الثاني وجيت بسئل واحد فيهم سؤال ما مداني اتكلم الا قالي بصوت عالي ايه ايه ايه ثلاث مرات يبغاني اروح وما يبغى يساعدني اخلاق زفت عطاني ورقة فيه المستندات ورحت قعدت انتظر بصوب الثاني مع الشباب لين ما نداني العسكري قالي وين تبغى الكشف قلتله بالدمام شوي وخلص الكل وتكلم العسكري وخطب قال هذي الورقة الي فيه 16 مستند ترتبوها بترتيب بملف وجيبوها معكم في عندكم ثلاث اوراق الورقة الاولى تودوها مستشفى قوى الامن الصحي وتاخذوا موعد للفحص اما الورقة الثانية تودوها شرطة الدمام اشان تاخذوا البصمات والورقة الثالثة تعبوها في الاحوال المدنيه وقال اي واحد يتعاطى مخدرات او مشتغل من قبل بالعسكرية ما راح يتم قبووله واي واحد مزور شهادة ثانوية عامة بنتأكد منه عن طريق الكمبيوتر وبيتم استبعاده وقال موعدكم الجاي يوم 1 شهر 4 1432 هجري شوي ناده علينا بلاسامي وعطانا كتاب طلب الالتحاق بداخله اوراق وقال هذا الكتاب تعبونه وتجيبون معكم الملف مرتبه فيه المستندات المطلوبة في الموعد يوم 1 شهر 4
وطلعنا كذا من مدينة تدريب الامن العام الساعة 11 الظهر


مافي احد يطلع قبل الثاني الكل يطلعووا مع بعض وبالنسبة لطوول الاكثرية اجتازوا الطول ما عدا كم واحد بس ما اجتازوا كان طووولهم مرة قصير
والنسب شيكوا عليه الي غلطان وحاط في المربع الاول درجته وفي المربع الثاني 100 ما راح يقبلونه طريقة النسبة تحط مجموع درجاتك بالمربع الاول والثاني تحط المجموع الكلي وتطلع في المربع الثالث النسبة التراكمية مباشرة

في ناس جوا متأخرين بساعة ودخلووهم كثير جوا متأخرين

يا شباب في اشياء ماني فاهمه ومحتاج مساعدتكم

بالنسبة للموعد المراجعه اان موعدي في يوم 1 شهر 4 ونسيت اسئل هل تاريخ المراجعه بالعربي او بلانقليزي ؟؟؟؟؟

وين موقع مستشفى قووى الامن الصحي بالدمام؟؟؟؟؟؟؟؟؟ ((بالتفصيل))

بالنسبة للبصمات وين نسوي البصمات بشرطة شمال الدمام اي شرطة بالدمام ولا كيف ؟؟؟

بالنسبة لورقة المستندات المطلوبة رقم 7 خطاب الاحوال ناخذه من الاحوال المدنية ؟؟وهل لازم نحجز موعد بلانترنت عشان نخلص شغلتنا بلاحوال ولا كيف لاني سمعت نظام الاحوال المدنية الجديد الحجز عن طريق الانترنت؟؟؟؟؟؟؟؟؟؟؟

بصحفة المستندات المطلوبة رقم 14 مكتوب اقرار بالموافقة على الرتبة الممنوحه ايش المقصود بهذي النقطة؟؟؟؟؟؟؟؟؟؟

رقم 11 بورقة المستندات المطلوبة مكتوب صورة من المؤهلات الفنية ان وجدت ايش المقصود بالمؤهلات الفنية؟؟؟؟؟؟؟؟؟

مكتوب في دفتر طلب الالتحاق من شروط الالتحاق بالخدمة العسكرية اجتياز اختبار المقابلة الشخصية المبدئيه والنهائية واختبارات القبول كيف طريقة اختبار المقابلة المبدئية والنهائية واختبار القبوول؟؟؟؟؟؟؟؟؟

((حسب المكتوب في طلب الالتحاق شهادة الثانوية العامة الاصلية وشهادة حسن سيرة وسلوك الاصلية مطلوبة فقط عندالتسجيل االنهائي فقط للمطابقة يعني مش مطلوبة في التسجيل المبدئي في التسجيل المبدئي المطلوب صوره مصدقه فقط))


بالنسبة لورقة التعهد بكتاب طلب الالتحاق

مكتوب اتعهد بدفع كافت المصاريف والنفقات الدراسية في حال الانسحاب من الدورة يعني الانسحاب بفلوس ؟؟؟
ايضا مكتوب
(في حال وجود جواز سفري اتعهد بتسليمه لدى جهات الاختصاص عند التحاق في الدورة يعني لازم تسلم جواز سفرك))

يقولون الي يبغى يشتغل بالعسكرية ودوامه صباح او صادفه شفت صباح لازم يترك عمله حتى يسجل بالعسكرية لانه مراجعات العسكرية ما تخلص وطويله ما ابغى اخسر وظيفتي ما اضمن القبول بلامن العام صحيح هالكلام؟؟؟؟؟؟؟

ااسف على الاطالة

ان كتبت الموضوع حتى الكل يستفيد ويفيد بس ياليت تفيدوني وجاوبوا على اسئلتي

أحمد ربك الي عديت الطول

والله تحمست مع قصتك هههههههههههههههههههههههههههههههههه

تصصدق جالس أقرى وشوي يوم قريت أنك عديت الطول جلست اضحك من الفرحةة هههههههه



---------------

وبالنسبه للشعر عاادي لو أخفف ؟

ماشاء الله من متى وانت تكتب ولله ماقصرت يعطيك العافيه هذه معلومه مهمه جدا

بس والله ما اقدر افيدك لاني انطردت بسبب النسبه


الله يوفقك

اول شي مبروك انك عديت من الطوال والوزن وعقبال القبول النهائي
تاريخ المراجعه با العربي حلو ومكان مستشفى قوى الامن سهل عرفت الانصاري للاثاث الي عند اسوق التميمي تخلي الانصاري على يمينك وتمشي سيده لما تشوفه على يمينك وبس
وصلى الله وسلم على سيدنا ونبينا محمد

الله يوفقك وعقبال القبول النهائي
بس ماسلو عن النسب الاي طايحه يردونه لان نسبتي 67بس مانقبلت
خائف يقبلوني واروح واتعب ويردوني في النسبه
موفق بإذن الله ... لك مني أجمل تحية .

عجبتني انك دقيق في كل شي وبالنسبة لوظيفتك الي انت فيها مو شرط تتركها ياخوي يوم داوم في الليل ويوم استأذن ويوم غياب وماعندك مراجعه غير المشتشفى ممكن ثلاث ايام والاحوال والبصمات يوم واحد الاحوال ربع ساعة وانت خالص البصمات ممكن ساعة وانت خالص يعني سهاله ان شاء الله والله يجعلها من نصيبك

كم نسبتك اخوي

[align=center]موفق خير ان شاء الله عقبال - انتظار دخول الدوره
-
قوى الأمن بالدمام - حي العنود : اقرب مكان قريب له " اسواق التميمي " إذا صارت يمينك اسواق التميمي .. وانت وجهك شماًل .. دزها مع الدوار .. يسار .. خل اتجاهك غررب .. على بعد 900 متر تقريباً .. تشوفه قدامك ع اليمين .. واضح المبنى تشوف قدامه زي الطابوق - مدري وش اسمهن بس اللي يحطونهن الدوائر الحكوميه ، مربعات أسمنتيه . خخخخخ
-
طبعاً - حط ف بالك الفحوصات الطبيه ( الأحد "و" الثلاثاء ) انا سألت الأفراد اللي موجودين ..
-
وأظن أظن ب يعطونك موعد على " 3/24 " لإني اشوفهم اكثر الشعب عطوهم موعد كذا ..
=
موفق خيـــــــــــــــر ان شاء الله [/align]