بسم الله الرحمن الرحيم
السلام عليكم ورحمة الله وبركاته
كيفكم ياشباب انا والله كنت حاط املي عالمخدرات
لاكن حسبي الله ونعم الوكيل
انا ياشباب رحت الفحص امس الاربعاء
في مكافحة المخدرات فالطايف الحمد لله كل شي سلييييم
لاكن وانا مرتاح وانا في امان الله جاني واحد من اللجنه وناداني باسمي
وقال تعال رحت له وقال انت عندك مشكله قلت سلامات
قال لا خير بس انت عندك ((((((دوااااااااالي فالخصيه))))) روح سوي عمليه وتعال عندك مهله السبت والاحد تجي ومعاك تقرير انك سويت العمليه المهم انا انصدمت معرف وش الدوالي رحت سالت عنها طلعت بسيطه وعمليتها بسيطه في اقل من يوم تخلصها فالمستشفيات الاهليه اما الحكوميه ردد ياليل مطولك المهم رحت للمتشفيات الاهليه وانصدمت يان العمليه

تكلف 8000 ريال واقل مستشفى ومستشفى ابو كلب بعد 6000 ريال

وانا ماعندي استطاعه لاني قبل الفحص باسبوع سددت القسايم بقيمة 9000 ريال عشان المكافحه طالبين رخصه


وش الحل وش الحل
اللي عنده واسطه في مستشفى والا شي لايبخل علي بالتقرير وهدا رقمي مخالف عن طريق الخاص فقط
ولفا اللي يعرف مستشفى رخيص بعد لا يبخل علي لاني والله سرت نفسيه

اخوي الله يفرج همك وتعدي ع خير
وش الدوالي الله يكفينا الشر

الله يوفق

اول شي الله يوفقك يا اخوي وتلقئ من عنده واسطه ويساعدك

بقولك قصة ولد خالي يمكن اذا شفت قصته تهون عليه قصتك

ولد خالي انقبل في المكافحه معك وراح لهم وعطوه الكشف

وهو حط الكشف في الطائف عند اوسخ خلق الله وهو سليم 200%

سوو له كل الكشوفات ونجح

ولما وصل دكتور النفسيه سئله سؤال في الكيمياء وقال ما اعرفه قال خلاص انتظر برا

بالعلم انه جاوب ع 6 اسأله قبل هالسؤال

وبعد ربع ساعه نادوا بالآسامي وهو من ظمن اللي نادوه وقالوا الله يستر عليكم انتم راسبين في الاسأله النفسيه

سؤال انا مقدم ع عسكريه ولا مدرس؟؟؟؟؟

انت اقل شي عندك سبب لاكن هذه انطر عشان سؤال وهو مجاوب ع 6 اسأله قبل

اتمنى لك التوفيق والله و يسر امرك

الله ييسر اموركـ يالربـ

والله لو اعرف احد من اخوياني وربي لااخدمك

لكن للاسف مااعرف وان شاءالله يجيكـ ولد حلال ويخدمك


علاج الدوالي

في الماضي كان ربط هذه الدوالي عن طريق كيس الخصية ولكن عاب هذه الوسيلة حدوث ضمور للخصية في بعض الأحوال وتشعب الأوردة مما أدى إلى عدم القدرة على ربطها كلها ورجوع الدوالي

الأسلوب الشائع الآن هو ربط الدوالي في أسفل البطن في القناة الأربية أو خلف غشاء البريتون أو عن طريق المنظار وهذه جراحات بسيطة يجري الآن بدون الحاجة لبيات المريض في المستشفى، وسبب سهولة هذا الأسلوب أن الأوردة في هذا المكان تتجمع إلى عدد يتراوح بين 2 إلى 6 أوردة فقط بعد أن كانت متشعبة في الكيس أما عن كيفية تصريف الدم من الخصية بعد ربط الدوالي فيكون عن طريق نظامين آخرين للأوردة متصلين بالكيس والخصية

آخر التطورات في جراحة الدوالي هو استعمال الميكروسكوب أ وسائل التكبير أو المنظار الجراحي لربط الأوردة وذلك للتمكن من ربط كل الأوردة حتى الصغيرة جدا منها مع الحفاظ على شريان الخصية الملاصق لها والحفاظ على القنوات الليمفاوية الدقيقة لتفادي تكون قيله مائية حول الخصية


نتائج الجراحة

تؤدي الجراحة إلى منع ارتجاع الدم إلى الخصية وعدم رجوع الدوالي في 95 % من الحالات، أما بالنسبة للخصوبة فيحدث تحسن في تحليل المني في 60 % إلى 70 % من الحالات وتكون نسبة الحمل من 40 % إلى 50 % خلال السنة الأولى بعد العملية وتعتبر نسبة مرتفعة مقارنة بالوسائل الأخرى المتبعة في علاج عقم الرجال

موفق بإذن الله ... لك مني أجمل تحية .

الله يشفيك ويعافيك والله ييسر لك العمليه وتنجح بأذن الله معك حلين يانك تروح لمستشفى وتكلم الدكتور يعطيك تقرير انك سويت العمليه وتعطيه الف ريال مثلا وعاد مدري تجوز ولا لا او انك تسلف مع اي احد يعز عليك ولا مشت امورك وانقبلت نهائي وباذن الله انك تنقبل نهائي وتسدده والله يوفقك

الله يكوون في عونك

الله يفرج همك والله ماتستااااااااهل ياذيبان