السلام عليكم ورحمة الله وبركاته


حيا الله الجميع أنا عضو جديد وحبيت أستفسر عن كلية الملك عبدالعزيز الحربية اسفسار ما لقيت

له جواب لأن ما فيه أحد أعرفه بهالكلية

وحبيت أكتبه هنا لأن هالمنتدى فريد من نوعه وأعضاءه بيجاوبوني إن شاء الله بحكم اختصاص

هالمنتدى مالكم بالطويلة استفساري هو :-

1/ لازم يكون النظر 6/6 علشان تنقبل وبالعربي ( فيه طلاب يلبوسون نظارات فيهاوإلا لا)

يعني خلوكم من اللوائح والشروط فيه أحد يعرف طالب بالكلية الحين يدرس ( مهب قبل عشرين

سنة ) يلبس نظارات وخلوكم من الليزك والتشطيب أنا أقول فيه طالب يدخل بنظارات ؟؟

<<<< ترا أقسم بالله إنهم عرب وفهموا سؤالك ماله داعي تعيد حفظوه حفظ

وتكفون اللي يعرف يجاوب واللي ما يعرف لا يقول الجملة الشهيرة ( يجي من يعلمك )

من شان يسفيد من الموضووع أكبر عدد من الناس بدون زيادة صفحات

ومشكورين على صبركم على أخوكم الخجول << هذا وهو خجول

للرفع

ههههههههه احرجتني والله يخووك انا مثلك كنت بنزل موضوع عن الكليه بس انت سبقتني يب انا بسألك ؟؟ الشهاده المطلوبه وش هي ثانوي ولا جامعي ولا وش ممكن تفيدني لاتقول يجي من يفيدك ترى مليييييينا من هالعبااااره

هلا ومسهلا أخوي نفسية كول

بالنسبة للكلية هي يا طويل العمر بكالوريوس عسكري يعني تجي بعد الثانوية وتقدم وتتخرج بإذن الله

ضابط برتبة ملازم

وعلى ما أظن فيه تقديم للي معهم شهادة جامعية يدخلون دورة ويتخرجون ضباط لا ربي وفقهم

والشهادة الجامعية اسأل فيها غيري أكثر لأني ماني متأكد مية في المية (وبتلقى من يفيدك )<<أمزح

والله يكتب لي و لك ما فيه الخير وجميع المسلمين

بالتوفيق