السلام عليكم ورحمة الله وبركاته
اخواتي العزيزات احذرووو مكتب هوازن بالمدينة المنورة للتوظيف النسائي نصاب وينصب على البنات

وصلتني رساله امس على الجوال باسم مكتب هوزان للتوظيف النسائي مدارس بنوك مستشفيات
المهم اختكم ماكذبت خبر واروح ارسل لهم سيرتي الذاتيه عن طريق الجوال لانهم طالبين كذاا شوي واللا يتصل علي نفس الرقم الساعه 12 ليلا استغربت ايش السرعه هذي مرة حريصين على مستقبلنا المهم سالني عن مؤهلي وقالي فين تبين تتوظفي قلت له مستشفى او بنك قالي حددي واحد بس واعطاني رواتب خياليه فوق الاربع آلاف المهم طلبت بنك رغم انوو ماعندي غير دورة حاسب آلي وانجليزي والبكلريوس لغة عربية استغربت لمن قالي اوكي الدوام الاسبوع الجاي بدون ما يعلق على المؤهل
ماله ومال البنوك شهادتي بصوب والمجال بصوب
الادهى والامر طلب مني بطاقة شحن بمية ريال يقول لشحن ملفك الاكتروني نعممم؟؟؟؟؟ استغربت من طلبوو قالي خلال ثلث ساعه ترسليها واللا يلغى ملفك المهم انا شكيت بالموضوع كلمت اخوي قلت له الموضوع ....
راح واتصل فيهم ولمن سمع صوت رجال قفل الخط رجع دق علي قلت له انتم فين مقركم بالضبت جلس يتكلم بصوت عالي ومعصب قالي ليه قلت بس استفسااااار لمن شافني مصرة قالي بالمدينة العوالي ...قلت له شكرا قام قال لي كلمه كبيرة ماتنقال وقفل الخط
قلت لو هو مكتب محترم ما تلفظ بهالكلام كان رد على الاستفسار بصدر رحب
ولا طلب مني ارسل صور من مؤهلاتي ولا شي وقالي انا مهمتي تنتهي بمجرد شحن ملفك الاكتروني واتابع معاك الاستاذة اسمها اميمة حسن تستلمي منها بطاقة التوظيف
طيب فين ومتى؟؟
ما قال اي شي
زاد شكي وتاكدت راح اخوي لشركة الهاتف طلع الجوال سوى شحن وبدون اسم

انا نقلت لكم تجربتي مع هالشركة النصابه والحمد لله كشفتهم قبل فوات الاوان اخواتي ارجووكم ماتتسرعوو قبل ما تخلوو اهلكم يتاكدوو ودائما خلوو الوالد او الاخ بالصوررة لاننا بزمن والله يخوف والناس ما بقلبها رحمة تستغل حاجة الناس وخاصة البنات لاغراض دنيئة الله يجيرنا ويحميناا
والله ثم والله هذي تجربتي ومسئوله عنها يوم الدين واتمنا اني قدرت انبهكم باقرب وقت وشكراا

اللهم أغننا بحلالك عن حرامك وبرضاك عن سخطك
ولا تجعل لظالم علينا يدا آمين رب العالمين