موظف على بند المزاج!

راجو القحطاني · #1 (**permalink**) 18-02-2011, 02:15 PM

موظف على بند المزاج!
موظف يشتغل في امان الله، وفاهم زين وش يسوي، وعنده خبرة في مجاله وشهادات تقدير ولاعمره ارتكب أي غلط في صميم عمله، فجأة يروح يداوم وهو حاط في باله كم خطة جديدة ومتحمس، ويوم يدخل يلاقي مديره – لله في لله - مرسل له يقول «قررنا نفصلك يالحبيب»!
طبعا القرار جاي معاه تبرير مدري وش يبي من الحياة والوكاد ان السالفة ماهيب بس «عذر اقبح من ذنب» الا نموذج مثالي جدا لأي واحد حاب يفهم معنى كلمة «يازينك ساكت». الأخ الكريم كاتب في مبررات القرار «سألت نفسي ولا شفت انك مسوي شي». وهذا المدير انا بصراحة اشك يا انه نصراوي، أو انه هو اللي كاتب اغنية اصالة «أسلي نفسي». الحين موظف مؤدي كل المطلوب منه وزيادة ومالك عليه أي ممسك قانوني أو مهني.. تقطع رزقه.. يعني هو يشتغل في بيتك مثلا؟!
المشكلة قرارات زي هذي احيانا تأثر على وظائف تمس خدمة المجتمع واحتياجات ابناء البلد.. وعلى موظفينه اللي يقيس كفاءة الواحد منهم بمستوى إعجابه فيه، مدير زي هذا يكون عنده مشكلة في معرفة الشي اللي يبغاه بالضبط، وفي استخدام أدوات التصريف «يعني آخر واحد ممكن ينصح بتوظيفه في جدة» غير انه يتسبب برعب الموظفين اللي على بند مزاجه لأنه كلما هوجس له شوي قالوا «الله يجيب العواقب سليمة!».

أحساس مترف · #2 (**permalink**) 18-02-2011, 02:21 PM

[align=right]

لازم ما يسكت له ويرفع عليه قضية
مو عدل نسكت وخلاص ،،وهو معه القانون 100%
إإيه والله يشتغل ببيتهم ،،

[/align]

ااااحساس حلم · #3 (**permalink**) 18-02-2011, 02:25 PM

هذي هي الوظائف الي ع بنود
اشتغل وفي اي لحظة يقولك
باي باي خيو

AMOUR · #4 (**permalink**) 18-02-2011, 02:55 PM

اقتباس:

المشاركة الأصلية كتبت بواسطة راجو القحطاني

المشكلة قرارات زي هذي احيانا تأثر على وظائف تمس خدمة المجتمع واحتياجات ابناء البلد

فعلا
شوف زوجي كان يشتغل في وزارة الشؤون البلدية والقروية ومعاملات يا كثرها من شتى بقاع المملكة والمكتب مافي غير 3 موظفين فقط

، علما انه زوجي هو الثالث

والادهي و الامر من هذا كله انه ال3 انفصلوا

يقولك خلاص خلصت ميزانيتنا من فين نعطيكم رواتب ؟؟

وكان واحد من الموظفين مسؤول عنهم (طبعا هو مرسم) يقول اتنبح صوتي وانا اقولهم يا ناس ياعالم ترانا محتاجينهم ومحتاجين موظفين اكثر عشان يمشي الشغل ، لكن ما اخذ منهم لا حق ولا باطل ، وفصلوا الثلاثه وانتهى الموضوع
والوزير ؟؟؟ >>

راجو القحطاني · #5 (**permalink**) 18-02-2011, 03:04 PM

الوضع كما هو في كل القطاع الخاص
و أى مدير سعودي أو أجنبي نفس العقليات و الوقاحة
لو موظف افضل و اقدم و ما عجب المدير لمجرد نظرة او موقف
تغير كل شئ و اصبح لا يصلح للعمل و تظهر التبريرات و الحجج
و في النهاية لا يوجد من يحميك او يضمن مستقبل و عمل

faisSsal · #6 (**permalink**) 18-02-2011, 03:13 PM

لو سكت ع وضعه .. راح يتمرد أكثر وأكثر
ومو بعيد أغلب المدراء راح يسوون زيئه

حسبي الله ونعم الوكيل فيه .. والله لايكثر من أمثاله

يعطيكـ العافيه يّ بعدي

راجو القحطاني · #7 (**permalink**) 18-02-2011, 05:54 PM

طيب أذا متمردين و خالصين
و أغلب المدراء مثله
قبل ايام يتحدث صديق عن سعودي متزوج و سكن ايجار
و له 6 سنوات و أموره تتحسن و فجأة جاء مدير سعودي و سرحه مع 5
و السبب تقليل و توفير مصروفات يعني وقفت على السعوديين
و لا مشكلة يأتي 10 و 15 وافد

موظف على بند المزاج!

إستراحة الأعضـاء