31-10-2007, 07:45 PM
|
عضو مميز
|
|
تاريخ التسجيل: Jul 2007
الدولة: الرياض
المشاركات: 1,128
معدل تقييم المستوى: 74343
|
|
اللهم اجعل فية القبول وفينا يا رب العالمين موفق انشالله يالديك العاطل
بس كيف قدمت مقدم على النت انا ولا صار شي
بالنسبة للمقابلة انا ابقولك اللي يصير في غالب البنوك بصفة عامة :
1- المظهر العام (كشخة ومحلق ومنعم وريحتك حلوة )كنك معرس
2- تنام من وقت عشان تقوم من وقت وتستعد
3- تجمع معلومات عن نشاطها الاساسي من تاريخ تاسيس الى عدد الفروع الى الانشطة اللي يقدمونها للعملاء
4-تدرب من الأن عن الاكسل والورد ممكن يطلبون منك تسوي جدول ويختبرون سرعتك في الطباعة
5-حاول تتعلم تتكلم عن نفسك ودراستك بالانجليزي بس لا تكثر عشان يوم تروح عندهم وتكلمت واجد تفتح على نفسك باب مالة اول من اخر
6-توكل على الله ولا تشيل هم وحط في راسك جت جت ما جت فية فرص اخرى من قبل لا تروح حاول تحط هالكلام في راسك عشان لا تجي تدخل عندهم وانت مرتبك
7- يوم تدخل البنك او المكتب اللي يبون يقابلونك فية تسير بثقة بس بثقة مؤدبة موب تكون مثل بعض الاخوان الله يهديهم شوي ويضربهم ثقة يعني اقفل القلابي وريح راسك على حدة في مشيتك تكون معتدلة صوتك يكون واضح لاهو مرتفع ولا منخفض يدل على عدم ثقة وتخاذل
8- اول ما تدخل سلم واستأذن بالجلوس يحددونلك المكان اللي تقعد فية تقعد وانت مالي الكرسي فهمت ظهرك يكون مستقيم على ظهر الكرسي موب مشصب هههه ما تشبك يدينك في بعض اذا قالك مثلا تفضل سيجارة قلة شكرا ما ادخن حتى لو انت تدخن وهوا دخن قدامك اصمل على اللي اقولك اي سؤال يقولة لك لا تتعجل الاجابة فكر بس لا تطول بعد يتملل منك اذا اللي يقابلونك اكثر من واحد عطهم جميعا نظرة اهتمام واضغاء لكلامهم موب تركز بس ويا واحد ممكن يسألونك اسألة ضاغطة يبون يشوفون ردة فعلك خلك بااااااااااااارد ومبتسم بسيط موب تقلبها ضحك هههههههه
يوم يخلص وتجي تطلع اشكرهم على اعطائك هالوقت من وقتهم الغالي على انها شغلتهم بس يعني هذي الاصول وبينلهم انك في حاجة هالوظيفة
الاسئلة المتوقعة
س- ايش ممكن تقدم للبنك او ما هوا اللي يميزك عن غيرك من المتقدمين ؟
س-مدى درايتك بالحاسب الالي وعلى وجه التحديد الاوفيس ؟
س-وين تشوف نفسك بعد خمس سنوات اذا توظفت عندنا؟
س-اهدافك من الوظيفة؟
ملاحظة اذا سبق لك العمل في مكان سابقا وسالوك عن سبب ترك العمل انتبه تطب في مديرك السابق ولا تذم في مكان عملك السابق على طول يبون يأكسون عليك
والله يوفقك انشالله وابيك تبيضها عاد تحياتي
التعديل الأخير تم بواسطة faisal2035 ; 31-10-2007 الساعة 07:51 PM
|
أستفسار عاجل ( عندي مقابلة في بنك البلاد ) يوم السبت
العرض العادي
