السلام عليكم ورحمة الله وبركاته

مساء الخير ع الجميع كيفك حالكم ان شاء الله بخير

رحت لشركة الشايع وسويت مقابله والحمد لله مشت على خير

وقال وين تبي المكان طبعاقلت بالقصيم و افضل بمدينه عنيزه
قال حاليا عنيزه مافيها شي لكن بريده فيه النخيل والعثيم طبعا بريده بعيده عني
وفترتين صعبه مره

مالكم بالطويله قال خلاص انا راح اخبر الاداره انك مشيت بالمقابله ووضعك تمام
وهم راح يتصلون عليك واذا فيه مكان شاغر بعنيزه راح يتصلو عليك ويكون بينكم تنسيق

لما وصلت القصيم كلمت زميلي طبعا هو بنفس الشركه يشتغل
وقال اعتقد انهم صرفونك يقول مافيه عندنا ادارة بعنيزه !
قلت يمكن يقصد المشرفين تبع المحلات قال طيب ولايهمك حنا عندنا واحد مفصول
وفيه كم محل تبع شركة الشايع محتاجين بائعين
قلت الزبده وش الحين قال الزبده
المشرف علي بالمحل بخليه يرسل طلب توظيف انهم بحاجه موظفين قلت بيض الله
وجهك بعد يوم قال المشرف يقول اني مقدر ارسل التوظيف من عند الاداره

والحين انا معلق مدري وش اسوي هل اروح لرياض واقول شوفو لي حل

وانا احسن إن الاداره ماتبي توظف الشباب بعنيزه لئن جميع الشباب يبون عنيزه

قالي زميلي مالك الا انك تروح وتختار بريده بعد شهر تجي لعنيزه قلت انا قلت للمسؤل
وقال لا اذا اخترت بريده ماتجي لعنيزه لابعد شهر ولا شهرين
وزميلي يقول عندنا واحد جاي من بريده!

وش الحل بنضركم

واذا فيه شركات زي الشايع او افضل منها ياليت تذكرون اسمائها وين مقرهم