سلام

والله ماابغي منهم هالضمان بس تكاليف العلاج
حسو فينا يايتها الوزاره ماتدرون كيف حالنا مع التكاليف

ممم الضمان مايشملنا حنا المرضى هذا الي اعرفه
ياليت تقولون لنا يشملنا الضمان لو لا

كل الشكر لكم وفي ميزان حسناتكم يارب

و الله يا خي المعاقين بعضهم يجهل حقوقهم وبعضهم ليته ما يعرفها مثلي
لانه يسمع بها بس ما تكون حق له بالسهولة


انا كمعاق من فئة 24 أ

لدي بطاقة ضمان وبطاقة شامل
استلم شهريا 850 + 850 = 1700 ريال


والله العظيم اني ما شفت ولا لقيت احد من التأهيل
او باقي القطاعات يعطي وجه للمعاق بأي شيء يستحقه !!

وخلني اخذ معك ..الحقوق ما بين المسلوبة ومابين الممنوعة تعسفياً

كفرد الآن منحت وبكل فخر زيادة هذا الشهر تحت مسمى سلة غذاء ..مقدارها


(54 ريال) من بطاقة الضمان


وبالنسبة للمقطوعة هي حلم يصعب تحقيقه لرب الاسرة بالكاد فكيف
بمعاق وحده ..؟ وانا رأيت وعاصرت معاناة المتقدمين للمقطوعة !


وبالنسبة للادوات والخدمات الاخرى ..محسوبك طلبت كرسي متحرك يخدمني
في دفعي للصعود مع المنزلاقات التي لا استطيع صعودها بنفسي الا بمساعدة صديق
لا اجده في كل شارع وسكة !

قبل 4 سنوات ..قدمت عليه وليتهم من البداية قالوا ما يصرف لك كان الحمدلله ويادار
ما دخلك شر ..لكن انه يطلب مني اوراق وتقارير واختام من مستشفيات نفسية وامراض كلى
فهذي قمة الاستهتار واخرتها تعال خذ هالكرسي ...؟ اللي ما يسوى تعبي روحتي وجيتي لهم
وممكن اشتريه من اي صيدلية


والاسبوع الماضي عدت بطريقة اخرى لطلب كرسي مماثل ولكن اختصر علي الباحث
التمطيط والاجراءات ..وقال اطلب غيره من الكراسي الموجودة ..قال وش الكراسي

قال فيه كرسي رياضي ..وانت ماشاء الله شكلك رياضي قلت الحمدلله محافظ على نفسي
طيب وش يبي الكرسي الرياضي ..قال هالاوراق اللي معك وجب لي صورة من اشتراكك
بأي نادي رياضي او حديد !!!!! قلت ماني مشترك بشيء

وقلت وغيره قال كرسي شبه رياضي ...وبنفس الطريقة ..و و و الخ

واخرته قلت اللي يحق لي قدم لي عليه ...وقال خلاص نتصل بك الاسبوع
الجاي والى يومك هذا ما لقيت اي اتصااااااال !!

والعلاج حدث ولا حرج رفعت من البرقيات قومة وقعدة ولا لقيت وجه سفر
واخرتها وبطريقة شبه اسطورية اخذ اوراقي شخصية مرموقة لرفعها للجهات
والرد علي لاكمال اجراءات علاجي خارج المملكة ولم اتلقى اي رد شااافي

وبخصوص التقدم على منحة..فالحمدلله قدمت على ارض و لي سبع سنين
ما شفتها ..لا ويوم قرب صرف اراضي رد امين المنطقة قال المخطط اللي كنا نبي
نصرف به ..ماهو مخطط بالمعنى الحقيقي وحنا نبي نأجل صرف الاراضي
عشان نسفلت ونسوي شبكة مياه وصرف صحي وانارة وعقب نصرررف >يعني ان شاء الله بعد 20 سنة





يا اخووووي بقي بس حاجتين الآن نويت اجس نبضهم وهم

بطاقة التسهيلات المرورية عشان اوقف بالاماكن اللي ممنوعة
على غيري ..وناوي اشوف البطاقة المخفضة للمواصلات كالطيران والقطار


والظاهر انهم مثل اللي مضى من خدمات تطلع مع طلعة الرووووح


ونسيييت لا اقول بعد ..قدمت مبطيييي على سيارة معدلة انفع به نفسي
ولا حصلت الا التعب ....؟ وش نسووووي عمنا اصمخ نحكي ولا يسمع

الله كــــــــــــــــــــريم