السلام عليكم ورحمة الله وبركاتة
اللهم صلي على محمد وعلى ال محمد وصحبة اجمعين
استفساري الا الاخوان في الحكومة والاخوان القائمين تحديد على المناقصات الحكومية اللي الحكومة تطرحها مناقصة ويصير عليها فتح مظاريف المناقصات هذي بالمليارات الدولارات وكلها من خير الوطن وثرواتة ومواردة ومدخراتة اللي هي في الاصل من حق ابناء هالوطن قبل غيرة من يكون ..............الخ
وللأسف جميع الشركات اللي تدخل هالمناقصات منسوبيها اجانب واحيانا اصحابها بعد اجانب بس بطريقة التستر مسماها فقط باسم سعودي يعني حبر على ورق والتكلفة الفعلية لانشاء المشاريع الحكومية المزمع انشائها لا يتجاوز في الاصل 30% من مجموع نفقات الواردات الى هذة الشركات اللي منسوبيها اجانب اذا ما كانت التكلفة اقل بعد.
السؤال هنا
س- ليش يا حكومتنا الرشيدة ويا مجلس الشورى ويا غازي القصيبي .............الخ
ما تفرضون على هالشركات السعودية بنسبة 60% كبداية قابلة للزيادة تدريجيا الى ان يصبح الكادر السعودي ذو خبرة ومؤهل الى ان يؤدي عملة على اكمل وجه وكل سنة ترتفع الزيادة لو 0,50% فقط

تبون تقولون الكادر السعودي غير مهيأ دربوهم تقولون الشركات ترفض عندي الحل
طرق اجبار الشركات على السعودة كالأتي
1- منع اي شركة من الدخول في المناقصات اذ لم تكن مسعودة لديها ما يعادل على الاقل 50% من مجمل منسوبيها
2-اعطاء الشركات اللتي تقوم بالسعودة مميزات عن غيرها من الشركات وتسهيلات من ضمنها تقليل الضرائب والرسوم على موادها الخام القروض الميسرة منح اراضي باسعار رمزية .............................الخ دامهم يا حكومتنا مشغلين عيالكم وفلوسكم اللي تدفعونها لهم ما تطلع للخارج ويستفيد منها ابنائكم يستاهلون هالمميزات

ملاحظة تبي تقول الحكومة ممكن تهرب هالشركات بالعكس الخير الموجود في المملكة مستحيل يجعلهم يهربون الا قاعد يجذبهم يوم عقب يوم

ارجوا انة يكون معنا شخص في المنتدى يستطيع يوصل هالرسالة او الفكرة اللي اتوقع انها لا تخفى عن احد
وارجوا من العلي القدير انها ما تتعارض مع مصالح اصحاب الشأن
وارجوا اني وضعت الرسالة في موقعها المخصص يا مراقب الفاضل

عزالله ان كلمك صحيح انا اشتغل بشركه صاحبه هندي انا راتبي 2000 ريال وفيه هنود رواتبها 5000 ريال ولا ماسكين مشاريع حكوميه وتوصيلات صرف صحي ولا انا اكرررررف اكثرررررررررررر منهم وهم جالسين علي مكتب وسماعات بذانه

واااااااااااااااااااااااااااالله حاله

الله يعين اخوي سعود وانشالله ربك يبي يفرجها

شكرا على مرورك

وانا معاك في كل كلمه تقولها ولو يطبق هذا الكلام كان نسبت البطاله

تنقص الا50% اذا مو اكثر وانا كل مارحت قدمت على وظيفه لقيت مدير الموارد

البشرية يا لبناني يافلسطيني وماخفي كان اعظم

ههههههههههههههههههههه
الله يعين والله امحولك احد بس وش نقول
الله يغنيك يالعنزي عن هالوظيفه ويرزقك بالي احسن منها وتصير مدير هالهندي <<<مقهوره

كلامك عزيزي منطقي

لكن من ينظر اليك.!!؟؟

الكلام يطول والله يعين

إذا لم يتدخل بهذا الامر الملك عبدالله

راح تصير بلاوي ومشاكل بالسعودي وسرق ونهب وفضائح

بسبب الفقر والبطاله ...

وشكرا

والله كلامك صح يا الغالي ...

أفرض أنوه انا غازي القصيبي ...وراح أرد عليك ....

يا خوي هالكلام اللي تقوله موجود ... وحنا فارضين عليهم 70 بالمئيه موب 60 ...

8
8
8
ترى داائم يقول كذه والله

بس بجد ما شفنا اللي يقول عليهـ ...

الأسبوع الماضي رحت شركة مرافق في ينبع

مدير الموارد البشري أو سكرتير مدير الموارد البشريه

هندي ....دخلت عليه قلت له أبغى وظيفه ...

طالع فيني بنص عين وبنظره استحقار ويهز راسه مافيه

قلت له وش فيك طيب تهرج كذه أنا أبغى المدير وينه ..وبراضو بكل إستحقار مافيهـ

وربي ما خلص نظرته وكلامه إلا هو تحت المكتب حقه ...

بجد هالاشكال تشوف النعمه وتتكبر على أولاد البلد

ع العموم يا الغالي كلامك عين الصواب ...

وبحاول أوصل هلارساله بأسلوبي الخاص

تحياتي لك

نتمنى من جميع من له احد في الاعلام او اي طريقة نوصل فيها هالكلام للمسؤلين لان الواحد قرف من جد ما غير صرف بنزين ولف بالشوارع على امل الوظيفة وكل الشروط تعجيزية واذا قبلك قالك 1200 جامعي 1200 الخادمة الاندونسيسة الأن 800 ما اقول الا حسبي الله ونعم الوكيل .

[blink]حسبنا الله وكفى سمع الله لمن دعى يامن كنت السبب [/blink]

يعطيك العافية وشكرا للمرور دحوم