فيه واحد من الشباب عطاني فكرة وهي قيد الدراسة
وش قال تبين الاجر وتحبين للناس الخير
الفكرة هي بما اني بياعة معمول قال تصرفين المعمول ببلاستيك ويكون عددها 100 بلاستيك على الاقل وتعطينها أي شخص حاب يترزق الله ويبيعها لك يعني وهو شطارته يختار المكان المناسب عند مسجد عند سوق ....الخ

يعني مثلا البلاستيك ب10 ريال انا لي 7 ريال وهو له 3ريال

3*100 بلاستيك = 300ريال ربحه

انا ماعندي مشكلة اقدر اطلع 100 بلاستيك ب
اربعة خمسة ايام ممكن

يعني اسلمة البضاعة يوم الاربعاء الصباح ويصير عنده ثلاث ايام يصرفها
وكل اسبوع نفس السالفة

يعني يصير ربحه كل اسبوع 300 ريال
300 ريال * 4 اسابيع = 1200 ريال


وش رايكم عطوني علومكم الطيبة

انا اشوفها فكرة طيبة بس وش يضمني انه موب هاج بفلوسي
انا عندي ثقة بالناس واحب للناس الخير
بس اتمنى يبادلوني نفس الشيء

اختي عندي فكرة افضل

اللي هي بدال ماتعبين روحك والاشياء البسيطة هذي وفي نفس الوقت تاخذ مجهودك

وش رايك تروحين للمحلات الفخمة في العليا او الثلاثنين وتلعبين في السعر انتي

وهم كيفهم اذا اعجبهم شغلك صدقيني بيدورونك دوارة

وفكري وشاوري نفسك

ربي يوفقك ويحفظك ويرفع قدرك


عندي لك حل بسيط وع السريع


ابدى مشروعك ب 700 ريال او 350 ريال فقط لاغير 100 علبه ضرب 7 = 700

او مثلا 50 علبه ضرب 7= 350

وخذي فلوسك كاش وسلميه الطلبيه

هنا بيكسب بالعلبه 3 ريال

نفرض باع باليوم 50 علبه ضرب 3 = مكسب 150 ريال بالشهر 4500 هذا على 50 علبه


الموضوع شيق جدا لكني امر بوعكه صحيه ولي عوده لاعطيكم فكره اوسع عنه


واسال الله ان يجزي صاحبة الموضوع الفردوس الاعلى من الجنه لانها حابه تستفيد وتفيد

ومشروع طيب ودخله حلو لمن عرف كيف يصرف البضاعه


لي عوده

سلام عليكم

انتي بالرياض ؟
و اذا انتي بالرياض عادي اشتري كيس واحد اجربه ؟

و سواء كنتي بالرياض ولا موب بالرياض
موفقه والله يرزقك

الله يوفقك

الله يوفقك

مشروع طيب الله يوفقك ويرزقك

نصيحة اخ لي اخته

اول شي اذا عندك اخ او ولد اوالخ... تمونين عليه خليه هو الي يبسط عند المسجد

واذا ما عندك هذ الرجال جربيه اول شي بـ15 علبه لنه امام المسجد قليل الي يشتري اغرض يعني صعب يبع اكثر من 10 علبت اما كل مسجد

ووممكن يجي يوم ويقولك الرجال جات البلديه وشلت كل شي نصيحه يا اختي نهى اماااا تسلم لي واحد ثقه ولا بلاش من الموضوع او في حل اخر انك تخلي عند كل محل عطر او مخابز والخ,,, كم كرتون ويبعبه لكي

وانا كانتي بالرياض انشاء الله اقدر اقدم لكي اي خدمه انا والله عاطل 100%100 جلس في البيت او بسياره خلني افيدك لو شوي

موافقة اختي