كيييف اوزع مخبوزاتى

حياتى حتحلى · #1 (**permalink**) 22-02-2011, 08:57 AM

السسسلام عليمكم
لو بفتح محل مخبوزات عباره عن فطائر وكرواسسان ...........الخ
كييييييف اوزعها ع المحلات والبقالات يعنى كيف اسوقها
هل احط مخبوزاتى عند البقلات ولهم نسسسبه ولا ابيعها عليهم ولا كييييف تتم الطريقه
يعنى اشوف سيارات المخابز عند البقالات بس ماهى الاليه الى اتفق مع البقالات عليها ان شالله وصلت الفكره
وووووو
شى ثانى شريكم بمشروعى لانى مقدمه عصندوق المئويه ولى اسبوع الحاله تقيييييييم ابى ارئكم

احزان دلفين · #2 (**permalink**) 22-02-2011, 09:16 AM

الله يوفقك ويرزقك

حياتى حتحلى · #3 (**permalink**) 22-02-2011, 09:38 AM

جزاك الله خير

على درب الغلا · #4 (**permalink**) 22-02-2011, 10:40 AM

نفس اقتراحي للاخت اللي قبلك بس فيه تعديل بسيط

انتي سوي اشكال مميزة وصغيرة الحجم واعرضيها على المحلات الفخمة وانتي اعرضي السعر اللي تبين

واذا مشت منتجاتك صدقيني بيدورونك المحلات

حياتى حتحلى · #5 (**permalink**) 22-02-2011, 10:51 AM

جزاك الله خير
يعنى افهم منك انى اعرضها عندهم بس والاسعار لى يعنى مابيعها لهم
وشاكره لك بنتظار الاخوان والاخوات

شاهبندر التجار · #6 (**permalink**) 22-02-2011, 11:02 AM

قبض نقود التوزيع يكون بالآجل غالبا ... يعني تحطين في البقالة البضاعة إما يومي أو أسبوعي مع تسعيرة محددة ثابته تحددين فيها ربحك و ربح البقالة....و في آخر الشهر يعطيك حسابك...و يأخذ ربحه

و ضروري تحددين السعر و يكون شبه ثابت و مناسب يشمل ربحك و ربح البقالة, و لا تتركين صاحب البقالة أو غيرها هو من يحدد ربحه! لأنه في الغالب راح يرفع في السعر و بالتالي تجلس البضاعة ولا تتصرف ..

يعني صحن فطاير يكلفك 7 ريال , تضعين عليه ربحك ـ 4 ريال مثلا ـ , ثم تضعين ربح صاحب المتجر ـ بقالة أو غيره ـ و ليكن ربحه مثلا 3 ريال , فيكون المجموع = 14 ريال

على درب الغلا · #7 (**permalink**) 22-02-2011, 03:27 PM

اقتباس:

المشاركة الأصلية كتبت بواسطة حياتى حتحلى

جزاك الله خير
يعنى افهم منك انى اعرضها عندهم بس والاسعار لى يعنى مابيعها لهم
وشاكره لك بنتظار الاخوان والاخوات

يعني انتي حطي عندهم عينات وقولي هذثي منتجاتي بعرضها عليكم مجانا في البداية

اذا عليها اقبال من الناس بتتواصل معك هالمحلات وبيبحثون عنك ويمكن يحتكرونك عليهم بس

مقابل مبالغ مالية انتي تحددينها عليهم

هذا السناريو المقترح وفكري فيها عدل

فديت قلبه · #8 (**permalink**) 22-02-2011, 10:16 PM

ليش ماتسوين بروشورات مع الاسعار
واذا كنتي تبدعين في الحلا سوي طلبيه مع عمل القهوه
ووزعيها على المدارس مدرسات ومدرسين
وع الدوائر الحكوميه والقطاع الخاص
للموضفين رجال نساء
انظمي للبازرات والاطباق الخيريه في التحفيظ
ايضا بنات الجامعه وزعي عليهم
بروشورات
وبالتوفيق

روح الوطنية · #9 (**permalink**) 23-02-2011, 03:10 AM

توزعينها على محلات الحلويات وتحددين سعر معين للصحن مثلا تعرضين الصحن ب 10 ريال وتحددين لهم 2ريال على كل صحن يبيعونه .
وخلي الاسعار في البداية قليل والربح قليل الى ان تعرف الناس جودة منتجك ويزيد عليه الطلب وبعدين ترفعين السعر الى حد معقول ومناسب للمستهلك.

وايضا بأمكانك عرض على المدارس وعلى المستشفيات الخاصة والحكومية اذا امكن.

والنقطة الاهم يكون عندك ولد او اخ او ابن او اي قريب لك يأخذ ورقة مكتوب عليها الاصناف اللي تسوينها والاسعار ورقم للتواصل وترسلين اي احد من طرفك يوزعها في سكن العزاب وراح تشوفين ان شاء الله اكثر طلب العزاب ولو تقدرين تسوين وجبات يوميه بأشتراك ورسوم شهريه للعزاب
راح يزيد من المبيعات يعني مثلا وجبتين في اليوم لشخص واحد غداء وعشاء برسوم شهرية 300ريال ويكون فيها اصناف مختلفة يقدر ينوع فيها يعني يوم يطلب صنف ويوم ثاني يطلب صنف اخر.

والمنتجات اللي تسوينها وتوزعينها على المحلات حطي عليها تاريخ صلاحية يعني مثلا صالح لمدة 3 ايام .
لان بعض اصحاب المحلات يخليه عنده فترى طويلة ويشتريه الزبون منتهي صلاحيته ويتسمم وتصير المشكلة عليك لذالك حطي تاريخ الصلاحية.

والله يوفقك ويرزقك من حيث لاتحتسبين
ويغنيك بحلاله عن حرامه

تحياتي لك