اخواتي ارجوااا تفيدوني محتارة وابغى رايكم
أخيرا بعد عمر طويل بدرس كمبيوتر بس عشان الشهادة اللي ذلونا فيها
وين اروح ؟؟؟؟؟
شوفوا الخيارات :
الرخصة الدولية من المعهد السعودي ولمدة 3 شهور وبـ 2500 ريال
او
ادخال بيانات ومعاجة نصوص من الزاوية العلمية وبـ 1800 ريال هي اصلا ب3000ريال
بس عليها عرض ومعتمدة بس من المؤسسة العامة للتعليم الفني والتدريب المهني
او
دورات جمعية ام القرى
1- شاملة الاوفيس مع برمجة وحاجات كثيرة نسيت والله بـ 3000 ريال ومعتمدة بس من جامعة الملك عبد العزيز
2-واللي 5 شهور معتمدة من جامعة الملك عبد العزيز والديوان بس ناقصة طبعا البرمجة واغلى

طبعا انا مرجحة اكثر شيء المعهد السعودي لان شهاداته معتمدة اكثر
ابغى رايكم لا تبخلون علي بليييييز

وينكم؟؟؟؟؟؟؟؟؟؟

اختي
شوفي انا افضل لكي انك تاخذي دبلوم سنة او سنتين هو اللي مطلوب في التعيين خصوصا لوكان شبكات اودعم فني اما البرمجة بلاش منها اما اذا ماتقدري على الدبلوم فخذ ي اللي شهادتها معتمدة من المؤسسة العامة للتعيم الفني والتدريب المهني لانها اقوى شهادة انا جاتني مدرسة حاسب بدبلوم السنة شبكات بس ماقدرت لانها بعيدة جدا عن موقعي اتمنى لكي التوفيق

شكرا اختي طالبة كبيرة
على ردك واهتمامك فعلا بصراحة ودي آخذ دبلوم
بس العين بصيرة والايد قصيرة
وبالنسبة للاعتماد مو الافضل من ادارة التربية والتعليم ولا من المؤسسة

الاثنين ممتازة بس الان كل الشهادات معتمدة من المؤسسة العامة وصدر قرار بتحويل المعاهد الاهلية من ادارة التربية والتعليم الى المؤسسة وبالتالي اي شهادة تصدر من بعد تاريخ معين حددته المؤسسة تصبح غير معترف بها وهذا الكلام من مصادر مؤكدة واذا بغيتي دبلوم حاولي تشوفي شيء بالاقساط لا تدفعي كاش وان شاء الله ربك يفرجها

ألف شكر أختي طالبة كبيرة فعلا افدتيني
هذا المعد الزاوية العلمية كان من ادارة التربية والتعليم وصار الان من المؤسسة العامة للتعليم الفني بس انا ما كنت عارفة ليش هذا التحويل
يعني اتوكل واروح له لأن ارخص وبصراحة امكانياتي مرررة ماتسمح

خذي شهادت الicdl
بس اذا بتاخذينها من المعهد السعودي في مكة, العزيزية انا ما انصحكي ابد
انا درست عندهم وشفت النصب والسرقة والمماطلة بعيني
ومديرت المعهد اكبر حرامية. فأنتبهي يا اختي وشوفي معهد ثاني
انا انصحكي بمعهد الملك عبدالله في العزيزية او نيوهورايزن في الزاهر وبس.
كمان جامعة ام القرى فيها Icdl
ومعتمد والدراسة عندهم حلوة ومريحة.
والله يوفقكي في دراستكي

جزاك الله خير اختي على ردك واهتمامك
واشكرك كل الشكر على النصائح
المعهد السعودي اقصد اللي في الزاهر
وبالنسبة اللي في الجامعة هو او شيء فكرت فيه بس بصراحة
ما عندي امكانية واختي درست فيه اعمال مكتبية بـ 3000 ريال
وفي الدورة الشاملة بـ 4800 ريال
وكمان لانو نظام مرن اخاف ما اواصل لكن لما اربط نفسي كل يوم افضل
ونيوهورايزن مرررره غالي
والعزيزية مررررة بعيدة يعني السواق 500 ريال ما تملي عينه
وانا بسأل في نيو هرايزن وان شاء الله خير
واكرر شكري وامتناني لك

وحي اختي قدمتي على الوظائف المؤقته لوزارة التربية والتعليم اللي تقديمها بالنت واللي هي خاصة بمكة وجدة تلقيها عندنا في المنتدى قدمي عليها يمكن ربي يكتب لك نصيب وبالتوفيق