[align=right]
بسم الله الرحمن الرحيم
اليوم الثلاثاء 19/3/1432 يا حبايب راح بعض الطلاب لوكيل جامعة الملك سعود للشؤون التعليمية ( الدكتور عبدالله السلمان ) مطالبين فيه بالتجسير بالجامعة ،
نص الحوار :
الخريجين : السلام عليكم يا دكتور عبدالله
الدكتور : وعليكم السلام ورحمة الله وبركاته
الخريجين: حنا إخوانك من خريجي الكليات التقنية
الدكتور : من من؟!
الخريجين : خريجي الكليات التقنية
الدكتور : حياكم الله
الخريجين : يا دكتور حنا جينا نبي نكمل دراستنا بجامعتكم المباركة ، وودنا أن تجسروا لنا شهاداتنا مثل جامعة الباحة ، وتنفيذا لما صرح به معالي الوزير قبل سنة ، بأن طلاب الكليات التقنية سيجدون الفرصة لإكمال دراستهم بالجامعات السعودية ، وحنا يا دكتور يصعب علينا أننا نروح جامعة الباحة ، لأن فيها تكاليف عالية ، أضف إلى ذلك مصاريف السكن والسفر رايح جاي .
الدكتور - يحاول يلطف الجو - : ايه بس ترى حنا بنرفع عليكم الرسوم مرة على كذا - ابتسامة -
الخريجين : مهب مشكلة حطو رسوم عالي بس خلنا ندرس هنا
الدكتور : شف يا أخي ، أبي أوضح لكم وجهة نظر الجامعة ، الآن في فالبلد تعليم تقني وتعليم أكاديمي وهما خطان متوازيان ولا يمكن أن يختلطوا ، لأنا لو أنّا دخلنا التعليم التقني على الأكاديمي فإنه كذا ما يلزم للخط التقني فنلغيه أفضل .
الخريجين : ليش يا دكتور اللي يبي يتعلم من حقه يتعلم ، وحنا إذا طلعنا بره الجامعات تجسر لنا ، ما يقولون أنتم تقني وحنا أكاديمي ، مب الأولى أن ندرس هنا ؟؟ ، أيضا : يدل على حقنا أن معالي وزير التعليم العالي صرح بأن طلاب الكليات التقنية سيجدون الفرصة لإكمال دراستهم في الجامعات السعودية ، فكيف يكون هناك فرق ويصرح الوزير بهذا .
الدكتور مرتبكا : حنا نستقبل الطلبات الفردية للمتميزين فقط من خريجي الكليات التقنية ممن يطلبهم القسم المختص بهم . - تنااااقض -
أحد الخريجين : أنا يا دكتور جايب معدل 4.8 وقدمت على الجامعة وماقبلت .
الدكتور : أنتم أعددتم لسوق العمل . - تناقض وتراجع من جديد -
الخريجين : الكل أعد لسوق العمل والكل سيعمل ، خريجينكم وخريجي الكليات التقنية ، هذا ليس عذر .
وسرعان ما أُحضرت ورقتنا ليؤشر عليها الدكتور ويُصرَّف الطلاب .
[/align]

صراحه باين من كلامه انه ماهو مقتنع بدراسة طلاب الكلية التقنية طيب الحين اذا الطالب التقني اخذ البكالريوس

راح تصير مشكله؟ طيب طلاب الكليات التقنية والمعاهد التقنية مايحصلون وظائف وش الحـل؟

يعني لا دراسة ولا وظائـف؟ صراحه الدكتور هذا المفروض مايكون في جامعة الملك سعود لانها افضل جامعة في

السعوديه كيف يكون هذا كلامه هو لو يسجل وش قاله راح يتراجع

الدكتور : شف يا أخي ، أبي أوضح لكم وجهة نظر الجامعة ، الآن في فالبلد تعليم تقني وتعليم أكاديمي وهما خطان متوازيان ولا يمكن أن يختلطوا ، لأنا لو أنّا دخلنا التعليم التقني على الأكاديمي فإنه كذا ما يلزم للخط التقني فنلغيه أفضل .

يعني على كلامه انه الجامعات الي خارج المملكة العربية السعوديه؟ تقدر تميز وتضع خطط دراسيه للأكاديمي والتقني في جامعاتهم

لكن احنا جامعاتنا بس اكاديمي وهذي مصيـبه؟ والمؤسسة العامة للتعليم الفني والتدريب التقني هي مهتمه بالخط التقنـي صراحه اجل عندنا مشكله يبي لها حل



وبعدين لعلمه الدكتور هذا الجامعات الي خارج المملكة انا قابلت مسؤال مرشد طلابي في الكلية التقنية

قال لي انه الجامعات الي برا تجسر لطلاب الدبلوم وتعطيهم شهادات مهندسين تقنيين

اتوقع هالدكتور بـس اختصاصه اكاديمي اجل كيف يصير وكيـل جامعه وهو بس على خط واحد؟ وفي افضل جامعة

في المملكة ؟

والله شاك انه دكتور بيطري احس خريجي الكلية التقنية فئه مكروهه يالله حسن الخاتمة ويالله انك تفكنا من الدكاترة الي عقلها ناقص

\\ اولاً //

يعطيك العافية ومن معك
واعتذر عن عدم الانضمام معكم لان لدي مقابلة وظيفية في ابها

\\ وثانياً //

هذولاء الي ياخرون التعليم عندنا من بدايته في
التعليم العام الى التعليم المتوسط والجامعي دراسه ركيكه
ومجالات ضيقة وفرص عمل ضعيفة ...

ما اقول الا الله يفرج هم جميع المسلمين
و يعجل في هلاك الظالمين .............

[align=center]
حياك الله اخي

اول شيء مانبي جامعه معينه فقط تكون لديها دراسه ، موازي تجسير المفروض جميع الجامعات بالمملكه تقوم بتطبيق نظام التجسير و برسوم مناسب ، انا عن نفسي ان شاء الله بحاول اكمل دراستي ع حسابي الخاص و بجامعه اهليه ، لاني جالس الان لي 4 سنوات عاطل و بقدم ع التجسير بالجامعه الاهليه ، وربي يوفقني و يوفق كل عاطل بالوظائف ،،،،.
[/align]

ووووووالله شي يقههرررررررررر

والمشكلة اللي يدرسونه بالجامعه نفس تخصصنا ونفس المواد اللي درسناها!!!!

يعني عادلوا الساعات ونكمل سنتين ونصف

شـكرا لك وبارك الله فيك... لك مني أجمل تحية .

اخي همي التجسير



موضوع جيد



ولكن واضح من كلام الدكتور انه ما يعترف بالتقنية ولا بطلابها


وجالس يحط اعذار



هههههههههههههههههههههههههههههههههههههههه

قسم بالله الدكاتره ذولا ما ينفع انك تتحاور معه


لانه بصراحه باين من كلامه ان متكبر شوي وشايف نفسه ليه يا اخي


شايف نفسك على ايش



المهم الله يوفقكم وتلقون الجامعة اللي تجسر لكم دبلوماتكم



بالتووووووووووووووووووووووووووووفيق