تكفون اسمعوا ...ابي اشكي الحال

محماس بن نجر · #1 (**permalink**) 23-02-2011, 02:34 AM

السلام عليكم ورحمة الله وبركاته
-
--
-
--
-
-
-
-
صباح مساء الخير لكم جميعاا

ياشباب انا انقبلت بجامعة الملك فيصل انتساب ادراة اعمال المهم ارسلت اوراقي ودفعت الرسوم 2485 ريال واليوم نزلوا المواد في البلاك بورد

المهم انا اللحين متردد ودي اسحب ملفي من عندهم لأني بصراحة تعقدت من كلام الناس كل ماسألني احد وش تخصصك وقلتلة ادراة اعمال انتساب يقول ارقد بالبيت احسن لك لأن تخصصك فاشل والانتساب فاشل ومضيعة وقت ولامنه فايدة تضيع 4سنين من عمرك على الفاضي!

وأنا بصراحة ماانقبلت الا بالكلية التقنية ولا ادري وش السوات اخاف صدق انها مالها مستقبل خصوصا انه انتساب وانا اللحين بطالي لاشغل ولامشغلة يعني احس اني ماني بحاجة الانتساب

تكفون نورني ضيعت 3 سنين بعد الثانوية بدون فايدة

مِن هُنا · #2 (**permalink**) 23-02-2011, 02:42 AM

والله كثيرين يقولون إدارة الأعمال إنتساب تنفع للي موظف أما اللي عاطل في كثيرين إنتظام والإنتظام مقدم عليه .

بس إذا نسبتك فوق ال 80 والقياس فوق 65 ، سجل منحة داخلية وقت التسجيل في رمضان وأدرس لك في أهلية أنتظام أحسن لك .

وإذا أقل أنا أنصحك تنتسب في الإمام شريعة وتجيب معدل وتحول إنتظام وترى مستقبلها ممتاز للي يجيب فيها معدل ، وتقدر تكمل بعدها دبلوم أنظمة وتختار الوظيفة اللي تبي (والتسجيل فاتح الحين للترم التأهيلي) .

أتمنى لك التوفيق .

عبد الرؤوف · #3 (**permalink**) 23-02-2011, 03:15 AM

خير امرى من عرف قدر نفسه
بالنسبة لأنتساب إدارة اعمال انا لا استطيع ان افيدك بشي

اقتباس:

المشاركة الأصلية كتبت بواسطة محماس بن نجر

وأنا بصراحة ماانقبلت الا بالكلية التقنية

و الله التقنية من وجهت نظري ممتازة و مستقبلها ممتاز
لكن إختار التخصص المطلوب في الشركات
مثل كهرباء
و احرص على المعدل التقنية سهله يعني لو تشد حيلك إن شاء الله تجيب معدل مرتفع
و بعد ما تتخرج تستطيع ان تسجل في دورة إنجليزي مكثف اعتقد 5 شهور في التقنية لو تأخذها افضل
انا اعرف كثير تخرجوا من التقنية قسم كهرباء في ارامكو و بعضهم في شركات كبيرة اخرى
الله يوفقك
تحذير مهم جدا ً هذه وجهت نظري ربمى تكون صح او غلط

لولو المنسيه · #4 (**permalink**) 23-02-2011, 03:36 AM

والله مااقدر افيدك ماااغير اقولك الله يوفقك ويفتحهااا عليك ياارب

AMOUR · #5 (**permalink**) 23-02-2011, 03:42 AM

اشبها ادارة الاعمال ؟؟
اول مرة اسمع احد يقول ماتنفع

ياسينو · #6 (**permalink**) 23-02-2011, 06:28 AM

الكلة التقنيه ممتازه لكن لو كان تخصص ممتاز مكانيكا كهرباء اللات دقيقه محاسبه لكن غير كذا لا
ثلاث سنين بعد الثانويه كثير وانا اخوك توكل على الله وكمل انتساب لانك حتى لو سحبت فلوسك ما تاخذها كامله وشد حيلك سنه وجيب معدل وحول انتظام حتى لو اضطريت انك تقدم معروض لعميد الجامعه

بالتوفيق للجميع

اطلع من راسى · #7 (**permalink**) 23-02-2011, 07:39 AM

فيه ناس ضاعت من عمره سنين انا اخوك بدون فايده

الله يرحم الحال

ريبيري · #8 (**permalink**) 23-02-2011, 01:40 PM

الله يوفقك

حضي نايم · #9 (**permalink**) 23-02-2011, 01:52 PM

الله يعينك حالتك نفس حالتي بس الشكوى على الله وربك يحلها

مِن هُنا · #10 (**permalink**) 23-02-2011, 02:40 PM

اقتباس:

المشاركة الأصلية كتبت بواسطة عبد الرؤوف

خير امرى من عرف قدر نفسه
بالنسبة لأنتساب إدارة اعمال انا لا استطيع ان افيدك بشي

و الله التقنية من وجهت نظري ممتازة و مستقبلها ممتاز
لكن إختار التخصص المطلوب في الشركات
مثل كهرباء
و احرص على المعدل التقنية سهله يعني لو تشد حيلك إن شاء الله تجيب معدل مرتفع
و بعد ما تتخرج تستطيع ان تسجل في دورة إنجليزي مكثف اعتقد 5 شهور في التقنية لو تأخذها افضل
انا اعرف كثير تخرجوا من التقنية قسم كهرباء في ارامكو و بعضهم في شركات كبيرة اخرى
الله يوفقك
تحذير مهم جدا ً هذه وجهت نظري ربمى تكون صح او غلط

وجهة نظر صحيحة ويقدر يكمل بكالوريوس بعد الكلية إذا كان عنده معدل ولغة جيدة .

وتخصص الكهرباء قد يكون الأفضل والله أعلم .