استفسار عن قرار الملك ...... للعاطلين

غربة عمر · #91 (**permalink**) 26-02-2011, 01:00 AM

ياعزيزتي
.
أنا عاطل وعندي ناس في العائله عاطلين
لاكن مأشوف أموال الدوله من منظور واحد أنا اشوفها من اكثر من منظور
أنتي بالعقل خذي الميزانيه وشوفين وش كثر المطالبات اللي يبيها الشعب العاطلين يبون من بنات وعيال
والفقراء يبون وأصحاب الاسكان يبون وأصحاب بنوك التسليف والنوادي الرياضيه والادبيه والفنيه يبون
و. و. و غير اللي الحين على رأس العمل وتصرف لهم رواتب ..
شلون تبين الدوله تغطي كل هالاشياء بدون مايكون فيه نقص في الميزانيه ..؟
ولا نكون سلبيين مانشوف الا عيوب دولتنا وننساء ايجابياتها ..
.
أما سالفة الاراضي هذي مأدري احس السالفه فيها شي يعني انتي تقولي فيه ناس ساكنينها من سنين ليه مامعهم
صك ملكيه للأرض اللي هم عليها ..؟
وبيع الاراضي مايكون الا بإجرائات كثيره ماهي لعبه تهدها البلديه على كيفها اذا معكم اثباتات لاراضيكم عندكم البلديه روحو فهموهم واذا ماعندكم فهذا خطاء منكم تسلمونه الفلوس قبل اصدار صك للأرض ..؟
.
الله يرزقك ويرزقنا .
.
لكم دعواتي

شمعة الكون · #92 (**permalink**) 26-02-2011, 01:33 AM

اعانه .مكرمه ..

مفردات لتحقير وكنا تشخذ !!..

..

الحين دول الخليج على حد علمي يصرفون بدل بطاله لاحظوا اسمها بدل مو اعانه ..

وربعنا نزلوا القرار وقاعدين يدرسونه عاد بيقعدون يمططون فيها لين الناس تنسى وتمل وبينزلون بعدها شروط تعجيزيه يعنني خايفين علينا ويهمهم مصلحتنا ..

..

لو بدال ذا الخرابيط نزلوا وظايف احسن مانبي منه احد ..

..

ولي يقول لا تقارنون بينا وبين دول الخليج ليه مانقارن صح حنا اكثر من ناحية عدد السكان لكن حنا اغنى من ناحية البترول ..

..

انا ماقهرني الا عشرة ملايين للأنديه الادبيه ماشاء الله على الثقافه الي مقطعتنا ..

خلاص انا قررت بفتح نادي ادبي ..

طبعي أسامح · #93 (**permalink**) 26-02-2011, 01:49 AM

[align=center]أبرة تخدير لا أكثررررررررررررررر سياسة عودة الملك كلها عشان نفرح وننسى اللي صاير حولنا بالدول ولا هو مانتهى من فترت العلاج الطبيعي لسا والدليل كلام وزير الصحة والكويت سوو مثل حكومتنا سوولهم هيصة واحتفال هذي دراسه من اطباء النفس
والله ماتشوفون شي لكن ربنا كريم واللي له نصيب هالدنيا بياخذه الأرزاق من عند الله ماهي من عندهم
[/align]

عاطل بعطلة · #94 (**permalink**) 26-02-2011, 02:41 AM

السلام عليكم

كيفكم جميع ان شاء الله بخير

انا استغرب الصراحه من اللي يقول قدرو وعددنا تعدى الــ 20 المليون !!!!؟

معليش اخوي بس افادة ( في اكثر من كذا تقدير !؟ )

ياشيخ انا عمري بيتعدى الـ 30 سنة وفي غيري 40 وفي غيري وللحين ماحصلنا وظايف

هذا وحنا عيال البلد .. تعرف وش يعني عيال البلد ,,

بارك الله فيك انا اقولك دخل ارامكو لحاله لو يصرفون نصه على الشعب السعودي

يكون دخل الاسره بالشهر 100 الف ريال

طيب وين راحت الزكاة ياخي في ناس تزكي بالمليارات بالسنة وين تروح ؟؟؟؟؟

يااخي حنا دولة كبرى بارك الله فيك عندنا دخل غير طبيعي عندنا دخل ليس موجوداً عند اي دولة بالعالم

ياشيخ بارك الله فيك اذا انت تقول عددنا تعد الـ 20 مليون اجل وش حال استراليا وامريكا ودول اوروبا

و و و و و و و و بارك الله فيك هذي دول دخل الفرد فيها اكثر من 3000 الاف دولار وهي دول فقيرة

يعني اردى فرد بمجتمعاتهم افضل من شخص فوق المتوسط عندنا

بارك الله فيك حنا وش جالسين ناخذ معليش ؟

وش اللي جالسين ناخذه غير زيادة رواتب الموظفين ودعم الطلاب اللي بالخارج ودعم الدول المتضررة مثل امريكا

وغيرها بالمليارات والشعب كل يوم يرتفع الغلاء المعيشي عليهم !! اللي ماعندهم دخل وش يسوون ؟

طيب بارك الله فيك فكر بالناس اللي مالها احد ياخي حنا مو ميتين جوع ولا حنا نقول الحكومة ماسوت

لكن لمن ؟؟؟؟

وش استفدنا الحين من القرارات الجديدة

النساء وش لهم بارك الله فيك ؟ اليتامى وش لهم ؟

ياخي شف حولك ناظر زين وش شايف ماتشوف الفقر اللي عايشينها بعض الناس والله تقطع القلب

اجل حرمة سعودية في بلد غني تبيع ماي عند اشارة ؟

المعذرة طولت عليكم وصدقوني من كثر اللي فيني مدري وش اكتب وماقمت اجمع وش اكتب

وادري اني دخلت المواضيع في بعض

وما اقدر اكمل بتاتا وكل ما اقول ماعاد اكتب ارجع اشوف ردود غريبة عجيبة !!؟؟

الله يرحمنا برحمته

,

لهفة الخواطر · #95 (**permalink**) 26-02-2011, 05:30 AM

اقتباس:

المشاركة الأصلية كتبت بواسطة لهفة الخواطر

الخانات هذا وش المطلوب فيها بالضبط

الحالة التعليمية :
المؤسسة التعليمية :
التخصص :
التخصص الدقيق :
لا يوجد

المعدل التراكمي :
نظام المعدل التراكمي :
غير محدد

اسم شهادة المؤهل :
دولة المؤهل :
تاريخ الحصول على المؤهل
ــــــــــــــــــــــــــــــــــــــــــــــــــ ــ
معي ثانوي علمي(نهاري)
سنة التخرج 1430\1431

سو كنك مادريت ورد على اسئلتي

راجو القحطاني · #96 (**permalink**) 26-02-2011, 10:47 AM

اقتباس:

المشاركة الأصلية كتبت بواسطة هموم مواطنه

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^

الاخوان
غربة عمر و على درب محبوبي

يعني انتم راضيين بوضعكم وعيشتكم
الي يقول لا تقلي ادب
والي يقول قدرو

احنا صااااااااااااااااااااااااااابرين من زمان خلاص جاء الوقت الحين

والله عندي اربعه اخوان في البيت معاهم شهادات جامعيه وانا كمان معهم والله ما عندنا وضائف
والوالد متوفي

والله قبل شهر اشترينا ارض من مخطط كان تبع امير وكان يبيع فيه له اكثر من سنتين ولا احد كلمه
ويم ما خلص من اخر ارضيه والله انه في نفس اليوم جت البلديه وقامو يكتبو على الجدران تبع العالم بالهدم لانها تعديات على املاك الدوله طيب وينهم من يوم ما كان يبيع طيب يخلونا على الاقل شهر نتهنى
عشان تفهمو بس انه كل شي لهم يبيعو فيه ويسترجعوه على كيفهم مع انه في عالم ساكنين هناك من زمان و وارثيين الارض اب عن جد

انتم عارفيين كم يصرفو في السنه هم مليارات المليارات

يكفيك كل يوم في الاخبار الرياضيه لانكم كلم بتابعو رياضه ملايين تندفع على اشياء فاضيه
غير الدعم للدول الاخرى طيب احنا اول منهم بهذه الفلوس

لا حول و لا قوة الا بالله
معقول حتى الان يوجد تصرفات مثل هذه
بعد الكوارث و الغش و الفساد
تظهر هذه الاخبار
اين العلماء و المدافعين عن حقوق الانسان و المظلوميين
ما ضيع البلد غير مشاركة الناس التجارة و البيع و الشراء
حتى امراء صار سمو الامير و رجال اعمال

راجو القحطاني · #97 (**permalink**) 26-02-2011, 10:58 AM

محسن العواجي .. مطالبنا إصلاحية ولاتمس الأسرة الحاكمة
[IMG]http://www.******.com/inf/newsm/21926.jpg[/IMG]

الرياض:
كشف الدكتور محسن العواجي، في تصريح لـ "الشروق الجزائرية "، أن البيان الذي تناقلته وسائل الإعلام أمس، وكان هو أحد أهم الشخصيات الموقعة عليه، لا يمس بأي شكل من الأشكال الأسرة الحاكمة ولا خادم الحرمين الشريفين، بل تضمن مطالب رئيسية لإصلاح بعض القطاعات فورا*. ‬

وأكد العواجي أن البيان الذي ضم أكثر من 400 شخصية مهمة في السعودية من دعاة ومثقفين ورجال إعلام، وجاء بشعار "نحو دولة الحقوق والمؤسسات"، ليس وليد اليوم، بل تقدم به هؤلاء وآخرون منذ سنة 1990، غير أن المستجدات الراهنة في الساحة العربية تفرض التحرك لتحقيق هذه المطالب* ‬الآن*.‬

مضيفا أن من ضمن مطالبنا أن يكون "مجلس الشورى منتخباً بكامل أعضائه، وأن تكون له الصلاحية الكاملة في سنّ الأنظمة والرقابة على الجهات التنفيذية بما في ذلك الرقابة على المال العام، وبذلك يكون له حق مساءلة رئيس الوزراء ووزرائه"، و"فصل رئاسة الوزراء عن الملك على أن يحظى رئيس مجلس الوزراء ووزارته بتزكية الملك وبثقة مجلس الشورى"، إضافة إلى مطلب العمل على إصلاح القضاء وتطويره ومنحه الاستقلالية التامة، وزيادة عدد القضاة بما يتناسب مع ارتفاع عدد السكان، وكذا "محاربةُ الفساد المالي والإداري بكل صرامة ومنع استغلال النفوذ* ‬أيا* ‬كان* ‬مصدره* ‬وتفعيل* ‬هيئة* ‬مكافحة* ‬الفساد* ‬ومساءلة* ‬المفسدين*"‬*.‬

وأوضح العواجي أن الإسراع بحلّ مشكلات الشباب ووضع الحلول الجذرية للقضاء على البطالة وتوفير المساكن لتتحقق لهم بذلك الحياة الكريمة، هو مطلب كل السعوديين ولا يعني أبدا انتماء الموقعين على البيان إلى أي جهة معينة غير التعبير عن معاناة الشعب، مشيرا إلى أن الشعب* ‬السعودي* ‬*"‬يحتاج* ‬إلى* ‬مؤسسات* ‬مجتمع* ‬مدني* ‬ونقابات* ‬وإطلاق* ‬حرية* ‬التعبير* ‬وفق* ‬ضوابط* ‬وأطر* ‬معينة* ‬ولا* ‬يحق* ‬لأي* ‬شخص* ‬المزايدة* ‬علينا* ‬أو* ‬توجيه* ‬انتماءاتنا*"‬*.‬

ونفى العواجي أن يكون قد حرّك هذه الشخصيات المتبنية للبيان أي معارضة أو قوة خارجية، مهما كان انتماؤها، بل "هو قناعة من دعاة ومثقفين وسياسيين وكذا إعلاميين يريدون الخير للدولة" و"لسنا مع الأحزاب التي تحجم دور الأمة" يضيف المتحدث، الذي قال إن الوضع الراهن في السعودية* ‬متوازن* ‬غير* ‬أنه* ‬لا* ‬يعني* ‬أن* ‬*"‬نطالب* ‬بحريات* ‬أكبر* ‬وفق* ‬الطرق* ‬السلمية* ‬وبعيدا* ‬عن* ‬تصفية* ‬الحسابات*"‬*.‬

وأكد* ‬العواجي* ‬أن* ‬البيان* ‬تم* ‬إرساله* ‬للملك،* ‬وهم* ‬جد* ‬متفائلين* ‬في* ‬رد* ‬يرضي* ‬السعوديين* ‬ولو* ‬في* ‬أغلبية* ‬مطالبه،* ‬وأن* ‬كل* ‬السعوديين* ‬حريصون* ‬على* ‬حل* ‬قضاياهم* ‬الداخلية* ‬بعيدا* ‬عن* ‬أي* ‬تدخل* ‬أجبني*.‬

يذكر أن البيان الذي وقعته631 شخصية من السعودية، أغلبها الدعاة المشهورين، على غرار سلمان العودة، الشيخ الدويش، موسى الشريف، علي بن عمر بادحدح، رجل الأعمال الشهير جميل بن محمد علي فارسي، ونخبة من الأكاديميين والإعلاميين.

وتضمن ثمانية مطالب إصلاحية رئيسية، اغتنم أصحابها عودة خادم الحرمين الشريفين يحفظة الله من رحلة العلاج، حيث هنؤوه بالعودة، وشددوا على ضرورة الإصلاحات في المملكة.

[gdwl]
هذا الكلام غيره لن يتغير الحال
و لا نتخلص من الفساد و البطالة و المماطلة
نحتاج قرارت و نظام واضح مللنا من التخبط
[/gdwl]

هذا مكتوب · #98 (**permalink**) 26-02-2011, 10:59 AM

اقتباس:

المشاركة الأصلية كتبت بواسطة عتيبي نجد

بتطلع روحكم وهي ماجت دامها عند مكتب العمل

هذا كان في السابق العيون كانت مغمضّة عنهم
أما الآن بعد قرار أبو متعب تشوفون الجديد

راجو القحطاني · #99 (**permalink**) 26-02-2011, 11:05 AM

الموارد البشرية : اقترحنا شمول إعانة البطالة للنساء ..
والحد الأدنى 1000 ريال شهرياً
[IMG]http://www.******.com/inf/newspic/49.jpg[/IMG]
الرياض :
أكد رئيس لجنة الموارد البشرية بمجلس الشورى الدكتور عبدالرحمن الهيجان ان اللجنة عرضت مقترح عضو المجلس سالم المري الخاص بصرف إعانة للعاطلين على مراكز بحثية في المملكة للنظر فيه مشيرا الى انه لا يزال في المراحل الأولى للدراسة.

واضاف ان المقترح يشمل الجنسين وانه في حال الانتهاء من دراسته سيحال مباشرة الى وزارة العمل واللجنة التى تم تشكيلها لدراسة مشكلة توظيف الخريجين بناء على أمر خادم الحرمين الشريفين. واوضح ان مشكلة البطالة تحظى بأولوية مطلقة لدى القيادة الرشيدة مشيرا الى انفاق اكثر من 600 مليار ريال على التنمية البشرية في خطط التنمية المختلفة.

من جانبه اوضح نائب رئيس اللجنة الدكتور إبراهيم السليمان ان المقترح لا يزال في طور الدراسة في اللجنة وانه تم تكوين محاور مختلفة له لعرضه على بيوت خبرة كمركز الملك عبدالله للبحوث والدراسات. واضاف ان مشكلة البطالة متشعبة ولا يستطيع احد حصرها في جانب واحد مبينا أن المجلس سيستعين بكل الجهات الحكومية المعنية بهذا الموضوع.

وشدد على ان إعانة العاطلين ليست سوى حل مؤقت للمشكلة نافيا ان تكون اللجنة قامت بتقدير المبلغ المقرر صرفه للعاطلين سواء شهريا او سنويا مؤكدا في الوقت ذاته ان الموضوع سيرى النور قريبا.

ونوّه بقرار خادم الحرمين تشكيل لجنة لدراسة قضية البطالة والتوظيف مشيرا الى ان ذلك يجسد اهتماله البالغ بهذه القضية المحورية لما لها من اثار اجتماعية واقتصادية على مسيرة التنمية.

وفي السياق ذاته قال عضو مجلس الشورى المهندس سالم المري بحسب "المدينة" انه اقترح الا تقل الاعانة للعاطلين المسجلين لدى وزارة العمل عن 1000 ريال شهريا، حتى يجدوا فرص العمل المناسبة.

واوضح أن الإعانة خطوة مهمة لتنظيم سوق العمل وحث الجهات المعنية على المتابعة وإيجاد الحلول المناسبة لمشكلة البطالة إلى جانب ضبط أعداد العاطلين عن العمل وتشجيعهم على إتباع الأنظمة التي تسنّها الدولة بما في ذلك إلزام المستفيدين من الإعانة على الالتحاق ببعض البرامج والدورات التي تراها الجهات المسؤولة.

يذكر ان الاحصاءات الرسمية حددت اعداد العاطلين بقرابة نصف مليون شاب ، وفيما تقدر البطالة بين الذكور بـ 10 % فإنها بين النساء تصل الى 28%.

[gdwl]
صارت 1000 ريال من الأن
على ما يكمل القرار تصير 500
[/gdwl]

مقري · #**100** (**permalink**) 26-02-2011, 11:39 AM

ما خربوها الا الوزراء
كل واحد على كرسي وتحت مكيف وسواق وفله وراتب ضخم
ويش عليه
الله ينصرنا على كل ظالم
بصراحه خرفوا الوزراء هذا عصر جيلنا جيل الشباب هو الي يقوده
كل الي قاعد يصير بالعالم العربي بسبب الشباب
خلاص صرنا واعين
عارفين
وطموحنا نستفيد ونفيدك ياوطن

استفسار عن قرار الملك ...... للعاطلين

الأنظمة والقوانين السعودية

بسم الله الرحمن الرحيم السلام عليكم ورحمة الله وبركاته شباب عندي استفسار عن قرارات الملك الصادره بعد ودته بالسلامه الى ارض الوطن بالنسبه...

استفسار عن قرار الملك ...... للعاطلين

تسجيل الدخول

استفسار عن قرار الملك ...... للعاطلين

الأنظمة والقوانين السعودية

بسم الله الرحمن الرحيم السلام عليكم ورحمة الله وبركاته شباب عندي استفسار عن قرارات الملك الصادره بعد ودته بالسلامه الى ارض الوطن بالنسبه...

استفسار عن قرار الملك ...... للعاطلين